首爾必食美食總整理
首爾食咩好?美食同圍都有,有咩係首爾必食?10個嚟首爾絕對要食嘅美食清單公開
Hello,大家好,呢度係由韓國人每日提供最新韓國旅行資訊嘅Creatrip。
#首爾美食#2019
#首爾必食#餐廳推薦
#首爾旅行#代表美食
韓國美食有好多種,邊啲先係喺首爾一定要食㗎呢?
旅行時間短,要點樣先可以將呢啲美食通通食晒落肚呢?
快啲睇下小編介紹嘅必食「首爾美食」代表,將最精華嘅美食全部食晒佢啦!
✨馬上Follow我哋IG
instagram.com/creatrip.hk
首爾美食 Top 10
- 1. 燒肉
- 2. 炸雞
- 3. 薯仔排骨湯
- 4. 豬腳
- 5. 一隻雞/蔘雞湯
- 6. 烤腸
- 7. 部隊鍋
- 8. 雪濃湯
- 9. 煎餅
- 10. 街頭小食
2019首爾美食:1. 燒肉
首爾美食一定要食嘅,就係周圍都有嘅食五花肉店。
除咗豬肉五花肉,仲有好多牛肉、排骨等嘅美食餐廳可以揀。
最出名嘅三層肉,一定要提「荒謬的生肉」,佢嘅分店佈滿首爾唔同地方;
另外都有唔少各種風格嘅燒肉店,尤其係年輕人眾多嘅商圈,真係好難選擇。
首爾美食:燒肉 | ||
鐘閣 二層家 | 弘大 豬肉商會 | 馬場洞 馬場谷 |
明洞 荒謬生肉 | 新村 無桶三 | 忠武路 五道麵屋 |
燒排骨肉
首爾美食入面嘅燒肉,仲有另一款人氣都好高嘅係排骨肉,同想像中嘅排骨唔太一樣。
韓國燒排骨冇骨,一大塊拎去醃製,好入味,而且口感厚實。
首爾排骨肉店比較少係有任食,但相對嚟講品質都會比較高。
如果想食比較高品質嘅五花肉,都可以去食嘅單嗌嘅鋪頭,但單價會比較高。
首爾美食:烤排骨 | ||
首爾林 大成肋排 | 新村 巨大排骨 | 新林 北村排骨 |
首爾美食:2. 炸雞
首爾美食一定唔可以錯過嘅仲有炸雞。
如果嚟首爾冇食到炸雞,感覺就好似冇嚟到韓國玩咁。
所有炸雞店入面,最多觀光客識嘅就係橋村炸雞啦!
不過其實除咗橋村炸雞之外,首爾仲有好多好好食嘅炸雞店。
不論係連鎖、定係個人品牌,幾乎開喺首爾嘅炸雞店,都有一定水準。
食住好好味嘅炸雞,配埋啤酒,真係人生一大享受。
食首爾美食之外,仲可以試下叫炸雞外賣,瞓喺民宿床上面食,食咪好嘆呢?
首爾美食:3. 薯仔排骨湯
首爾美食入面,小編最鍾意嘅就係薯仔排骨湯,煮到腍晒嘅薯仔同排骨,
食落辣得啱啱好,真係可以話係必食,而且基本上去邊一間食都唔會中伏!
雖然呢款食物睇落好簡單,其實佢嘅口感豐富,骨肉分離嘅排骨肉配埋年糕、薯仔同白飯,係超級享受。
而且喺首爾周圍都可以搵到呢樣美食,一定要試下!
而喺首爾地區,最受到大家歡迎嘅薯仔排骨湯店。
除咗東廟24小時薯仔排骨湯之外,仲有聖水洞,係咪都覺得要將佢排入你嘅行程呢?
首爾美食:薯仔排骨湯 | |
淑明女大 一味家 | 聖水 傳聞中的馬鈴薯 |
惠化 成均館豬骨湯 | 東廟 24小時馬鈴薯湯 |
首爾美食:4. 豬腳
首爾美食唔可以錯過嘅仲有韓國超好食嘅豬腳,係好多人嘅宵夜之選,韓國唔少地方都可以見到豬腳街。
想食豬腳嘅話,去邊度好呢?
答案係東大門、孔德,呢度嘅豬腳可以話係首爾最出名,而且味道同想像中唔一樣,包埋生菜一齊食,仲可以去咁啲油膩感。
而且好多人都會食白切豬肉,同豬腳配埋生菜食有啲似,配埋酒嚟食,可以過一個令人愉悅嘅夜晚。
首爾美食:豬腳 | |
孔德 豬腳街 | 東大門 昌信洞辣味豬腳 |
麻浦區廳 豬腳鬼神 | 新村 九月王山豬腳 |
弘大 豬腳小姐 | 回基 豬腳菜包肉 |
首爾美食:5. 雞肉料理
一隻雞
好多觀光客嚟首爾一定會去食一隻雞。清澈嘅湯裡頭有薯仔、年糕等配料,仲有煮到好腍、入口即溶嘅一隻雞。
因為唔會辣,所以係好多人嚟首爾一定要食嘅美食。
首爾比較出名嘅一隻雞,有梨大、新村附近嘅孔陵一隻雞,同埋東大門嘅陳玉華一隻雞,
兩間都各有特色同優點,成鍋食完之後再加啲粥嚟食,就可以食到飽一飽!
首爾美食:一隻雞 | |
忠武路 東大紫藤之家 | 東大門 陳玉華一隻雞 |
蔘雞湯
蔘雞湯同一隻雞比,湯頭比較杰身,而且好補身。
重點係,蔘雞湯可以一個人獨食,唔似一隻雞咁需要同朋友分享,就算一個人嚟首爾旅行都可以食。
一隻雞同蔘雞湯其實係好唔一樣嘅料理,蔘雞湯放滿咗中藥材,可以用嚟養身,
更係伏日個陣必食,飲完之後成個人都精神晒。
首爾美食:蔘雞湯 | |
永登浦 湖水蔘雞湯 | 明洞 高峰蔘雞湯 |
首爾美食:6. 烤腸
烤腸雖然都係韓國燒肉嘅一種,但燒嘅食物完全唔同,係首爾必之食美食之一。
肥美嘅烤腸喺爐火上逼咗啲油脂出嚟,食落只有滿足兩個字可以形容。
而且烤腸店唔係只有一般燒嘅,仲有用水蒸氣半蒸半炸、加埋芝士同調味料,食落去冇咁單調。
烤腸店分為牛腸、豬腸(皺胃),沒特別標明嘅通常都係豬。
不論係當成下酒菜,定係正餐,都好適合,咬落去即刻聞到一陣香氣,係絕對唔可以唔食嘅首爾美食。
首爾美食:烤腸 | |
首爾大 烤腸一番地 | 建大 新沙牛烤腸 |
江南 BOOYAS | 鐘路 新村牛烤腸 |
忠武路 姨母家烤腸 | 纛島 前進纛島腸 |
首爾美食:7. 部隊鍋
部隊鍋由來係因為韓戰嘅時候,缺乏物資,
美軍食淨嘅香腸同火腿,被附近嘅韓國居民攞去做食材,部隊鍋呢個名就係咁嚟。
到咗而家,部隊鍋成為咗韓國嘅代表美食。
首爾有好多好多間專食部隊鍋好出名嘅餐廳。
由唔同食材混合面成嘅部隊鍋,一定唔可以錯過。
不過因為部隊鍋比較大份,想食呢款美食嘅朋友,就要搵埋朋友一齊去啦!
首爾美食:部隊鍋 | ||
往十里 銀河水 | 光化門 部隊鍋 | 梨泰院 大海餐廳 |
首爾美食:8. 雪濃湯
韓國各地有非常多代表美食,但喺首爾,似乎冇咩美食係特別代表到首爾,會話係「只有首爾先可以食到」。
不過真係要講一樣,應該就係雪濃湯啦。
雪濃湯因乳白色嘅湯同醇厚嘅味道而好受歡迎。呢個湯係放咗牛嘅所有部位而煮成,飲得出佢嘅湯頭醇厚,冇味精,真材實料。
不過都由於佢嘅味道清淡,韓國人通常都會放埋醃蘿蔔、泡菜一齊食。
同雪濃湯類似嘅美食「牛骨湯」,其實係一樣嘅。
不過喺羅州市嘅呢一類雪濃湯,因為太特別,太好味,所以就特別叫做「羅州牛骨湯」。
首爾美食:雪濃湯 | |
鐘閣 里門雪濃湯 | 明洞 味程屋 |
首爾美食:9. 煎餅
煎餅除咗常見嘅綠豆煎餅之外,仲有海鮮煎餅、泡菜煎餅、蔥餅等口味,喺首爾係好平價嘅下酒菜。
大家都可以好似韓國人一樣,一邊飲馬格利,一邊食煎餅。
可以去邊到食到?
除咗大家都知嘅廣藏市場綠豆煎餅之外,喺慶熙大學附近嘅回基站,呢度有條蔥餅一條街,入面有好多間好好食嘅蔥餅店,更加係當地學生嘅最愛。
首爾美食:煎餅 | |
廣藏市場 晉州肉膾 | 回基 姨母家蔥餅 |
廣藏市場 順熙家煎餅 | 忠武路 煎餅先生 |
首爾美食:10. 街邊小食/布帳馬車
布帳馬車最多嘅地方,一定係首爾。
想食一啲傳統嘅美食,就一定要喺首爾各個地鐵站附近,試下呢啲街邊小食或者布帳馬車。
街邊小食
首爾美食入面常見嘅街邊小食,有辣炒年糕、紫菜包飯、肉串、魚板、雞蛋糕、糖餅等等。
而且喺秋冬比較凍嘅時候,仲會見到賣鯛魚燒、糖炒栗子或者煨薯薯嘅攤檔出現。
如果喺首爾街頭覺得肚餓,都可以買番份嚟食。
而且呢一啲食物都唔會好貴,係個適合臨時充飢嘅首爾美食,尤其喺明洞一帶,有一條街邊小食街,成條街都賣各式各樣嘅小食。
如果嫌呢度太貴,都可以去其他地鐵站附近睇下㗎!
布帳馬車
而首爾嘅布帳馬車,規模最大嘅就係鐘路三街同東大門一帶,附近有好多上班族同老人家,冇嘢做夜晚都會過嚟喝番杯、食下啲下酒菜。
要體驗韓國文化嘅話,就一定要嚟布帳馬車!不過因為呢度未必有中文menu或者識講英文嘅人,建議大家想食嘅就要注意價錢啦!
以上就係小編整理出嚟,首爾嘅代表美食。
大家嚟首爾個陣唔知要食咩,可以睇下我哋嘅推薦清單,將呢啲美食全部都食落肚,嚟個增肥之旅啦!
咁多位,我哋下次見。
✨馬上Follow我哋IG
instagram.com/creatrip.hk
更多延伸閱讀 | |
韓國炸彈酒教學 | 首爾一人食推薦 |
銀杏/楓葉攻略 | 弘大美食總整理 |
韓國飾品店整理 | 乙支路美食整理 |
傳統市場總整理 | 首爾夜景總整理 |