韓國炸雞文化
市場第1唔係橋村？調味炸雞始祖竟然係靠韓國大法院判決決定！你未必知道嘅韓國炸雞文化
Hello，我哋係由韓國人話你知最新韓國旅遊資訊嘅Creatrip。
＃韓國炸雞＃推薦
＃炸雞文化＃韓國文化
講到韓國當然又點可以唔提到炸雞呢？今日要介紹小編最愛嘅韓國食物「炸雞」畀大家。
究竟炸雞點解會喺韓國咁有人氣呢？邊一間嘅炸雞最有人氣？代表Menu又係咩？
每星期必食一次炸雞嘅小編，最近最愛嘅炸雞又係邊一款？呢篇文章會一一介紹！
炸雞外送代訂服務
✨馬上Follow我哋IG
instagram.com/creatrip.hk
炸雞點解咁受歡迎？
以2019年2月嘅統計資料嚟睇，韓國全國營業嘅炸雞店一共有87,000間。
87,000究竟係幾大嘅數字呢？全世界嘅Subway一共有44,000間、麥當勞大約有37,000間。
咁樣嘅數字應該大家都好清楚啦！
炸雞之所以會成為國民食物，係因為調味炸雞（양념치킨）出現。
原味炸雞並唔係大眾鍾意嘅飲食，因為佢冇醬，食落油膱味重。
隨住調味炸雞喺1980年代透過電視、廣播大肆宣傳，加上食過嘅人嘅反應好好，令佢成為韓國極具代表嘅食物之一。
炸雞之所以會受到韓國人喜愛仲有一個理由，就係韓國2002年世界盃踢入四強。
當時嘅炸雞品牌一直賣廣告話「睇足球就係要炸雞配啤酒」，炸雞啤酒（雞啤）就開始喺全國流行。
如果韓國冇踢入四強嘅話，或暫就唔會帶嚟呢種效果。
於是直到依家，只要有足球比賽嘅話，韓國人都會叫炸雞外賣。
如果當日咁嗰有比賽嘅話，大家就要預留多啲時間叫外賣啦！
受歡迎嘅炸雞連鎖店
韓國炸雞連鎖店排名、代表Menu
（2018年基準@公正交易委員會）
| 排名 | 品牌名稱 加盟店數 | 代表Menu |
| 1 | BBQ 1,659間 | 黃金橄欖炸雞 （황금올리브치킨） ￦18,000 |
| 2 | BHC 1,456間 | 起司炸雞 （뿌링클） ￦17,000 |
| 3 | Pelicana 1,176間 | 調味炸雞 （양념치킨） ￦17,000 |
| 4 | NENE炸雞 1,167間 | 起司炸雞 （스노윙치킨） ￦17,000 |
| 5 | 橋村炸雞 1,006間 | 原味醬油 （간장오리지날） ￦15,000 |
韓國炸雞連鎖店嘅加盟店數排名順序係BBQ、BHC、Pelicana、NENE炸雞、橋村炸雞。
以下我哋就要按照排名順序嚟介紹各個品牌同埋佢哋嘅代表Menu啦！
韓國炸雞連鎖店第一名：BBQ
BBQ創立於1995年，佢嘅品牌名有住「最好嘅品質（Best of the Best Quality）」嘅意義喺入面（大家可以問下韓國朋友，應該有好多韓國人都唔知道）。
韓國提到炸雞，好多人第一下都會諗到BBQ，而且BBQ由2015年開始，維持排名第一嘅加盟店數，再次證明佢真係一間非常有人氣、又有認知度嘅炸雞店。
不過BBQ最近因為漲價同埋要收外賣費等原因，而受到好多批評。
想喺BBQ叫一隻原味炸雞外賣到屋企嘅話，一共要￦20,000。
雖然價錢偏貴，但因為BBQ真係好好食，所以仲有好多人會叫佢哋嘅炸雞嚟食。
- BBQ代表Menu：黃金橄欖炸雞（황금올리브치킨）
黃金橄欖炸雞係BBQ嘅代表Menu。
佢採用最高級嘅特級冷壓橄欖油，所以先被叫做黃金橄欖炸雞。
BBQ使用特製嘅炸粉，令佢嘅原味炸雞食落同一般炸雞有非常唔一樣嘅味道。
外皮酥脆，入面嘅雞肉就充滿肉汁……真係好好食。
大家要食過BBQ嘅原味炸雞，先算係喺韓國食過炸雞。
- BBQ炸雞明洞店：서울 중구 충무로2가 명동8가길 22
- 時間：12:00至00:00
韓國炸雞連鎖店第二名： BHC
BHC始於1997年，當時係以「一粒星炸雞（별하나치킨）」作為品牌名稱，直到2000年，先拎「一粒星炸雞」嘅韓文名嘅第一個字母，改名做BHC。
獨特嘅創意產品令佢當時人氣非常勁，但佢喺禽流感疫情爆發個陣被BBQ收購。
BBQ後嚟將BHC賣畀美國花旗集團旗下嘅私募基金，依家係由美國資金營運。
BHC以推出各式各樣嘅新產品聞名。
例如將調味炸雞加上芝士醬食嘅芝士炸雞、喺醬油炸雞上灑上滿滿辣椒嘅東方風味炸雞、食到咖哩味嘅咖哩炸雞同充滿蒜味嘅蒜頭炸雞等等，真係好厲害。
- BHC代表餐點：芝士炸雞（뿌링클）
芝士炸雞係BHC嘅代表Menu。啱啱炸起嘅炸雞撒上有車打芝士、洋蔥同蒜頭調味粉，成為呢款酥脆又微鹹嘅芝士炸雞。
直接食雖然都好好食，不過如果點埋附上嘅芝士yogurt醬一齊食嘅話，鹹甜嘅炸雞配埋酸甜嘅yogurt……真係絕配！
推薦鍾意食芝士嘅朋友，一定要試下BHC嘅芝士炸雞。
韓國炸雞連鎖店第三名：Pelicana
Pelicana係1982年喺大田創立，係成功令調味炸雞變得更普及嘅連鎖店。
所有嘅炸雞連鎖店入面，就只有Pelicana由創立至今，一直擁有亮眼嘅成績。
Pelicana雖然有持續推出新Menu，不過除咗原味同調味炸雞以外，Pelicana其他新Menu唔多。
呢兩個口味有關鋪多年以嚟嘅死忠Fans，令Pelicana佔據季軍位置。
- Pelicana代表餐點：調味炸雞
Pelicana主張自己係第一間開發調味炸雞嘅韓國炸雞店，事實究竟係點，就等小編留到後面再同大家說明。
如同Pelicana嘅自信，佢嘅調味炸雞食落唔刺激，用蒜頭、辣椒醬、番茄醬等材料製作，食落有一種高級嘅味道。
每當想食調味炸雞嘅時候，小編都會叫Pelicana嘅調味炸雞嚟食。
- Pelicana鐘路樂園店地址：서울 종로구 삼일대로 434-1
- 時間：13:00至01:00；星期一休息
韓國炸雞連鎖店第四名：NENE炸雞
NENE創立喺1995年，係韓國極具代表嘅炸雞品牌之一。
NENE炸雞嘅味道同份量都好普通，但可以令佢咁受歡迎嘅原因，大致有三。
- 第一：乾淨嘅包裝，外賣送嚟會將可樂、炸雞、醃蘿蔔裝入方盒入面。雖然依家咁做好普遍，但NENE係第一個。
- 第二：劉在錫擔任代言人超過10年。對炸雞公司嚟講，請邊個做代言人會影響銷量，而劉在錫就令NENE大賣。
- 第三：芝士炸雞嘅元祖就係NENE。關於芝士（Snowing）炸雞，小編會喺下面介紹。
- NENE炸雞代表Menu：芝士（Snowing）炸雞
芝士炸雞係喺原味炸雞上加上調味芝士粉，芝士粉灑落去就好似落雪一樣，所以先被稱為Snowing炸雞。
香濃嘅調味芝士粉同酥脆炸雞好夾。
Snowing炸雞有三種口味，分別係芝士、蔬菜同辣味。
上圖係最近推出嘅辣味芝士炸雞。
韓國炸雞連鎖店第五名：橋村炸雞
橋村炸雞始於1991年，係以醬油炸雞聞名嘅炸雞品牌。如果話，調味同芝士味炸雞受年輕人喜愛嘅話，咁醬油炸雞就係無論男女老少都鍾意嘅。
有好多人都話橋村炸雞嘅份量比其他品牌少好多。
不過其實係因為橋村嘅炸粉比較薄，炸雞分成25份後裝入盒，先會睇落比較少，實際上嘅份量係同其他品牌差唔多。
- 橋村炸雞代表Menu：原味醬油炸雞（간장오리지널）
隨住醬油炸雞越嚟越普遍，幾乎每家炸雞店都有賣醬油炸雞。
不過冇一間炸雞店嘅醬油味道，比得上橋村。
小編本身好鍾意醬油炸雞，幾乎食過晒咁多間，但都係橋村最好食。
炸好後，橋村炸雞會搽蒜頭醬油上炸雞。
原味同調味炸雞凍咗就唔好食，但係醬油口味就算凍咗，都係咁好食。
- 小編推薦：半半炸雞（醬油同辣味）
小編最鍾意嘅炸雞就係橋村炸雞嘅辣味。雖然醬油炸雞好好食，但辣味炸雞更吸引。
韓國產青陽紅辣椒同蒜頭、蜂蜜整成嘅醬料，實在好食到無嘢好講。
原味炸雞炸得最好的店/후라이드 참 잘 하는 집
（這個就是店名）
如同店名一樣，呢間嘅原味炸雞真係好好食。
外皮又薄又酥脆，食落微辣。
呢間炸雞嘅性價比好高，外賣只要₩15,000，比其他品牌平，外賣自取仲可以享有₩4,000折扣。
- 原味炸雞炸得最好的店西大門店：서울 서대문구 독립문로8길 18
- 時間：11:00至02:00
原味跟醬料炸雞嘅元祖係？
原味炸雞元祖：Lims炸雞（림스치킨）
依家我哋依到嘅外皮酥脆嘅炸雞，歷史比想像中更悠久。
1977年新世界百貨公司嘅Lims炸雞開結賣，可以話係炸雞連鎖店元祖。
Lims炸雞一開始推出原味炸雞，就好受歡迎。
可惜，Lims炸雞冇跟上調味炸雞嘅趨勢，令佢無法發展成大企業。
依家Lims炸雞全國大約有50間分店，保持住原味炸雞連鎖店元祖嘅頭銜。
調味炸雞元祖：Mexican炸雞（맥시칸치킨）
對於韓國原味炸雞嘅元祖係Lims呢一點幾乎冇爭議。
不過調味炸雞嘅元祖，究竟係邊個就曾經造成好大爭議。
最後要由韓國大法院判決，判定Mexican炸雞嘅創辦人係第一位製作出調味炸雞嘅人，先平息呢個爭議。
Mexican炸雞喺2018年有382間分店，以韓國連鎖店嘅加盟店數嚟睇，Mexican炸雞一直維持喺15名左右。
好奇韓國調味炸雞元祖嘅味道？咁就要嚟試下Mexican炸雞啦！
以上就係熱愛炸雞嘅小編所做嘅炸雞品牌總整理同介紹，大家嚟韓國個陣，一定要試下！
✨馬上Follow我哋IG
instagram.com/creatrip.hk
| 其他延伸閱讀 | |
 Homeplus探訪 |  韓國炸雞民調排名 |
