回基蔥餅店食記
慶熙學生最愛「回基蔥餅一條街」姨母家王蔥餅！大學巡禮必食地道食堂
Hello，大家好，我哋係由韓國人話你知每日最新韓國資訊嘅Creatrip。
＃首爾美食＃回基
＃韓國蔥餅＃韓國煎餅
＃回基蔥餅一條街＃食記
嚟韓國必食傳統食物之中，煎餅、蔥餅可以話係其中之一。
其實除咗好多人都知嘅廣藏市場「綠豆煎餅」之外，慶熙大學回基站（회기역）呢度都有在地學生最愛「蔥餅一條街（파전골목）」。
今日小編就私心同大家分享，我最愛同時亦係呢度最熱門嘅回基蔥餅店，唔想錯過就要快啲收藏啦，下次嚟可以有一轉不一樣旅程。
✨✨馬上Follow我哋IG
instagram.com/creatrip.hk
回基蔥餅街：姨母家 王蔥餅（이모네왕파전）
- 地址：서울 동대문구 회기로28길 12-3
- 交通：首爾地鐵1號線、京義中央線回基站（회기역）1號出口
- 時間：12:00 - 04:00
回基站1號出口出嚟之後，沿左邊行就會抵達「回基蔥餅一條街」。
呢度可以話係首爾超出名蔥餅一條街，只要一到咗晏就同夜晚，就會聚集咗好多大學生喺度聚餐、食蔥餅配米酒。
不過，回基蔥餅一條街有咁多間鋪頭，邊間先係在地學生（慶熙大學）最愛呢？
小編首推呢間「姨母家王蔥餅」。
- MBC Live Tonight 20151216
- SBS Today 20150309
- KBS Live Info Show 20140320
- KBS Good Morning Korea 20120720
呢間「姨母家王蔥餅」上過超多電影節目，要講回基一帶最出名蔥餅店，就莫過於呢間啦！
小編因為住喺回基，只要同朋友有約，都會去呢度食蔥餅同飲米酒。
大家知唔知點解韓國人咁鍾意食蔥餅呢？而且好多人都話，落雨時就係要食蔥餅，令人更有品嘗氣氛。
而且韓國蔥餅最出名嘅地方唔係喺首爾，是係釜山「東萊區」，不過想近近地試下可以先嚟首爾「回基蔥餅一條街」。
小編會推薦回基「姨母家王蔥餅」仲有一個原因，就係呢度CP值超高，基本上一大班人一齊去食，平分食都可以食到好飽，而且價錢一啲都唔貴。
呢度主要以點套餐（set／세트）系列為主，點完基本上就會送辣炒年糕、餅乾、醃蘿蔔、芝士玉米同一支雪碧。
熱辣辣嘅芝士粟米真係超好食！
不過已經包咗喺套餐裡面，所以唔可以免費添加。
大家睇相會唔會睇得出佢有幾大份呢？每次送到上嚟小編都忍唔住「嘩」一聲。
大家如果覺得就咁食唔夠味，亦可以加醬油一齊點嚟食。
雖然係set，但份量一啲都唔講得笑，兩個人根本唔會食得哂，小編估計至少要3至4到人先會食得到。
另外，推薦大家一定要點set嘅原因，就係呢份肥腸鍋，送上嚟嘅時候真係會有啲驚訝，因為份量都多！難怪回基「姨母家王蔥餅」會成為大學生愛店。
蔬菜、菇類、仲有肥腸等等，雖然蔥餅已經夠大份，但食太多都會膩，呢個時候就最需要一啲湯去調味，食起嚟都會更加均衡。
最後姨母家王蔥餅必點仲有佢哋嘅雞蛋卷，剪得啱啱好，而且蛋好滑，超有飽肚感。
回基「蔥餅一條街」係好多學生至愛，因為比其他地方可以飲酒、聚餐餐廳相比，價錢真係平好多。
想好似當地人一樣咁食轉韓國？咁就要嚟回基食蔥餅飲米酒，嚟一次與眾不同韓國之旅啦。
✨馬上Follow我哋IG
instagram.com/creatrip.hk
| 更多延伸閱讀 | |
 弘大shoopen |  大學賞楓地推薦 |
 東大門烤肉推薦 |  首爾交通總整理 |
 仁寺洞總攻略 |  首爾1人食特輯 |
