韓國演唱會門票購買方法
韓國高手搶演唱會、公演門票小貼士大公開！到底點先可以快啲買到同搶到好位呢？
Hello，大家好 ，我哋係由韓國人每日提供最新韓國旅行資訊嘅Creatrip。
大家仲記唔記得上次BTS喺首爾舉行嘅演唱會創下咗最高點擊同最高速消售紀錄？正正因為咁，可以睇得出喺韓國買KPOP演唱會飛並唔係一件容易嘅事，除咗要有熱情之外，速度都係超緊要。
今日小編會大家介紹韓國買飛高手嘅小貼士，話俾大家知必要嘅信息！咁大家都可以成爲KPOP演唱會搶飛達人。
韓國演唱會門票購買方法
1. Interpark Ticket ⎜인터파크 티켓
- 語言：韓文、中文、日文、英文
- 網址：http://ticket.interpark.com（韓文）、 http://www.globalinterpark.com（Global）
2. Auction Ticket ⎜옥션 티켓
- 語言：韓文、中文、日文、英文
- 網址：http://ticket.auction.co.kr
3. YES24 Ticket ⎜예스24 티켓
- 語言：韓文、英文
- 網址： http://ticket.yes24.com
4. Melon Ticket ⎜멜론 티켓
- 語言：韓文、中文、日文
- 網址：https://ticket.melon.com
5. Ticket Link ⎜티켓링크
- 語言：韓文、中文、日文
- 網址：http://www.ticketlink.co.kr
6. Hana Ticket ⎜하나티켓
- 語言：韓文、中文（繁體、簡體）、日文、英文
- 網址：http://ticket.interpark.com
預購演唱會/公演門票方法
喺韓國有想睇嘅演唱會或公演可以點做？小編教大家只要跟住以下呢個方法做就得啦！
1. 提前掌握好想要預購嘅公演門票
如果想買到公演門票，提前掌握相關信息係必須！最需要知嘅係演出日期、時間同座位安排等等信息。
2. 練習搶飛
喺正式開始買飛之前，大家又會唔會想練習一下先呢？小編想同大家介紹下韓國嘅買飛練習網站，佢有韓文同英文可以揀。喺呢度可以練習到之前介紹嘅售票處Interpark Ticket、Auction Ticket、Yes24 Ticket、Melon Ticket、Ticket Link、Hana Ticket等共6個網站。
只要好簡單咁填email、密碼加入會員，就可以練到買飛遊戲。大家一入到去就會發現好似同實際買飛畫面一樣，除咗可以練習到揀位之外，仲可以練埋俾錢過程，超實用。
3. 搶票當日入navyism網站，就可以好準確知道時間。
由於各銷售處嘅server時間都唔同，如果唔配合好難突破千分之一秒去買飛，所以喺navyism就可以知道正確嘅server時間，望住個時間搶真係好有幫助！好多韓國人除咁買飛必定會用佢之外，大學reg科好多時都靠佢。
喺搜索欄度輸入買飛網址地址，就可以正確知道server嘅時間。
4. 提前註冊會員同Log in
為咗可以比人更快買到飛，提前登入定係最快，因為唔使等到俾前嗰刻先要入資料，如果未做會員，咁就快要快啲加入啦！
5. 提前入好曬想預購嘅資料
如果夠時間，大家就要事先決定好睇邊一日、邊一場（時間）同座位。
6. 搶飛
望住navyism嘅時間，只要一夠鐘就撳「預約按鈕」，即刻可以入到去揀位。
有時就算較好時間都可能要等，如果咁啱輪到自己，小編建議可以見到有色就撳（因為你搶緊嘅同時其他人都一齊搶緊），當然如果想前啲，只要見到紫色位可以撳咗先，因為佢係VIP席。如果搶到就要撳下一步揀想喺現場拎飛定係寄屋企（只限韓國）。
7. 付款
喺韓國大家可以用信用卡、普通銀行卡、Kakao Pay、無存摺匯款等等去俾錢。俾完錢就會完成成個購票程序！
8. 如果搶唔到嘅話可以點？ 唔好放棄等人取消！
有時記算許埋時間都未必一定會搶到，但大家亦都唔需要因為咁而灰心。因為好多時會有人因為個位唔好而取消，呢啲時候就係大家最好嘅機會。
因為隨時都會有人會撳取消，大家可以一直mark定，有時睇睇下會見到有紫色（取消座位），大家唔好猶豫，即刻撳話唔定可以好快搶到。
預售小貼士
1. 預先揀好想要嘅位
唔少Fans都會同大家一樣，為咗可以見偶像一面，可能會等通宵買飛。所以大家一定要提前諗定買咩位，因為只要一入到去，根本冇可能有時間俾你慢慢諗揀坐邊度！
所以大家一家要提前記熟曬啲位，之後到真係搶嘅時候，再快人一步。
想揀靚位係好危險！
想坐靚位相信冇一個fans係唔想，所以競爭一定係最激烈，如果一開始就想搶嗰啲位，可能連買最後一排嘅飛都會錯失，所以如果大家一開始唔太熟悉搶飛，或者動作唔夠快嘅話，推薦可以先揀比較中間嘅位。
好多韓國嘅訂飛高手， 通常會提前開定2-3個左右嘅預約網頁。（如果再開多啲可能會變慢）
舉個例子，如果售票時間係8點，咁可以提前開曬3個多重窗口，之後分別喺7點59分58秒、7點59分59秒、8點00分00秒不斷F5，只要是旦一個入到去大家都要冷靜咁完成所有步驟，因為有時太急反而會失手。
最快嘅付款方法係？
就好似之前介紹嘅一樣，韓國門票銷售處大部分都可以用信用卡、無存摺匯款等等，韓國嘅買飛高手就話比起用信用卡俾錢，更加推薦用無存摺匯款。
因為無存摺匯款唔需要即刻俾，一般喺預約之後24個鐘內入錢就得，無存摺匯款係要喺韓國生活、或者擁有韓國戶口嘅人先可以做到，喺海外居住嘅朋友就做唔到。不過如果大家有韓國朋友，都可以叫佢哋幫手俾咗錢先，因為付款人同訂購人個名唔一樣都得。
想要取消或者退款嘅話可以點做？
雖然買咗飛但亦都有可能會因為取消而要退款，呢個時候只要入銷售處網站撳「my ticket」或者「訂單明細」等就可以撳取消門票。
不過都要提提大家，每一間銷售處政策可能都會唔一樣，但係通常喺預售當日至預售後7日都可以免費退飛，預售8日之后開始要俾門票價格10%左右嘅手續費，另外離表演日期越近，收取嘅手續費就越多，大家要考慮清楚。
好消息！而家透過我哋都可以輕鬆買到飛啦，有興趣嘅朋友撳我睇啦！
以上介紹咗買韓國演唱會門票嘅方法，唔知大家又覺得有冇幫助呢？希望大家之後都可以成功買到飛啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
