景福宮美食｜Najuso羅州牛骨湯
仲只係識食雪濃湯？景福宮嘅道地美食「羅州牛骨湯」保證你食過番尋味！
Hello，大家好，我哋係由韓國人每日提供最新韓國旅行資訊嘅Creatrip。
嚟韓國可能都只係食過雪濃湯，不過牛骨湯大家又有冇聽過？牛骨湯係以牛肉經過長時間熬煮，做成嘅韓國傳統飲食。每個地區嘅做法都唔太一樣，一般嘅牛骨湯係呈現白色湯頭，不過「羅州」牛骨湯就係清澈嘅湯頭，食落同一般唔牛骨湯唔同，超級好食。今日就要介紹一間可以喺首爾食得嘅羅州牛骨湯美食店，一齊睇下啦。
景福宮美食「羅州牛骨湯」資訊
- 地址：서울 종로구 자하문로2길 8
- 營業時間：10:00 - 22:00
- 小Tips：由景福宮站3-1號出口行大概2分鐘就會到。
景福宮美食「羅州牛骨湯」推薦理由
- 可以食到同一般牛骨湯唔同，淨係得羅州先有嘅特殊風味「羅州牛骨湯」。
- 店主採用傳統嘅料理方法，將飯同牛肉放入一個小鐵鍋入面，再利用大鐵鍋入面嘅湯頭沖大概3、4次，令鍋入嘅食材可以透過湯頭溫度熟成。
- 餐廳距離地鐵站同景福宮都好近，交通都好方便。
景福宮美食「羅州牛骨湯」優惠
- 埋單嘅時候向職員出示優惠券，即可享九折優惠。
- 唔需要預約。
- 如果用coupon嘅時候，有任何疑問都可以send email到help@creatrip.com。
景福宮美食「羅州牛骨湯」菜單
菜單 | 價格 |
羅州牛骨湯（나주곰탕） | ₩10,000 |
羅州排骨湯（나주 갈비탕） | ₩14,000 |
小章魚排骨湯（낙지갈비탕） 飽魚排骨湯（전복갈비탕） | ₩18,000 |
鮑魚小章魚排骨湯（전복낙지갈비탕） | ₩22,000 |
水煮肉（수육） | (M) ₩30,000 (L) ₩40,000 |
燉排骨（찜갈비） | (M) ₩40,000 (L) ₩60,000 |
景福宮美食「羅州牛骨湯」介紹
羅州牛骨湯係一個可以真正食到韓國鄉土飲食「牛骨湯」嘅地方，而且佢就係位於景福宮站隔離，交通都好方便。
舖頭採用成面落地窗設計，採光好好令舖頭睇落好光猛，打開嘅時候都好涼爽。如果人多嘅時候，建議可以先訂位。小編去嘅時候睇到幾多團體客人，每一團都幾乎有5、6個人。
呢度仲有一個可以俾客人免費飲用東東酒嘅自助吧台，不過只有11:30至14:00可以免費飲用。
一坐低店員都會先俾基本嘅小菜，例如泡菜、蘿蔔泡菜同豉油，豉油係客人可以攞嚟點肉或者煎餅食。
小編叫咗舖頭入面賣得最好嘅鮑魚排骨湯、羅州排骨湯同綜合煎餅，另外水煮肉同燉排骨都好出名。
綜合煎餅包括有香菇煎餅、節瓜煎餅、煎肉餅、辣椒煎餅同芝麻葉煎餅等。
芝麻葉煎餅入面仲包咗好多免治豬肉，真係超級好食。
香菇煎餅都煎得啱啱好，口感彈牙嘅香菇配上煎粉，真係絕配！
大家睇下呢個牛骨湯嘅湯頭係唔係好清澈呢？一般牛骨湯嘅湯頭係白色，不過由於羅州牛骨湯唔係用骨頭落去熬煮，而係用肉落去熬煮嘅，所以煮出嚟嘅湯頭先會咁清澈。
如果話一般牛骨湯食落個味道比較濃郁嘅話，咁羅州牛骨湯食落就係清爽順口嘅味道，店主會將飯放入湯頭入面一齊上菜，都算幾方便㗎。
鮑魚排骨湯都係有一樣嘅清澈湯頭配上韓式冬粉、排骨同鮑魚，睇落係唔係好豐盛呢？
鮑魚完全冇腥味，仲吸曬清爽嘅湯頭，小編食得都好開心。
入面都有好多排骨，排骨肉食落好軟嫩，一啲都唔乾。排骨湯嘅飯係另外送，所以大家可以想食幾多就加幾多，或者一啖湯配一啖飯去食。排骨肉記得要點埋豉油之後配飯一齊吃，包保大家食過番尋味。
景福宮美食「羅州牛骨湯」前往方法
景福宮站3-1號出口出嚟。
出到嚟之後轉左行小巷。
直行右邊就係羅州牛骨湯啦。
點先可以享有景福宮美食「羅州牛骨湯」嘅9折優惠呢？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係景福宮美食「羅州牛骨湯」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com