首爾一人餐廳推介
一個人嚟首爾都可以有好多嘢食！一人餐廳特輯總整理，自己飛無有怕！
- 韓國一人食飯文化
- 首爾一人餐廳推介
- 1. 奶奶菜包肉（할머니 보쌈）
- 2. 南大門刀削麵（남대문 칼국수골목）
- 3. 牛雅（우아하게）
- 4. 景福宮羅州牛骨湯（나주소나주곰탕）
- 5. 那男人的炒飯（그남자의볶음밥）
- 6. 鷺梁津杯飯街（노량진 컵밥거리）
- 7. 豚壽百（돈수백）
- 8. GOPIZZA（고피자 신촌1호점）
- 10. eggseoul（에그서울）
- 11. 吵架的高手（싸움의고수）
- 12. SHABU BOAT（샤브보트）
- Creatrip Solo Foodie Pass
Hello，大家好，我哋係由韓國人每日提供最新韓國旅行資訊嘅Creatrip。
韓國係一個講求「團結」同「群體」嘅國家，所以有好多一個人嚟韓國玩嘅遊客，都會擔心自己搵唔到地方食飯。不過大家又唔需要太擔心，因為韓國而家好多地方都可以一個人食飯，快啲一齊睇下小編推薦嘅首爾一人美食介紹啦！
韓國一人食飯文化
LG케미토피아
直至到2015年，韓國獨居戶數竟然已經佔咗27.1%，預計2035年可能仲會升到34.3%！所以其實而家一個人食飯變得越嚟越普遍，而且好多人都會覺得同人一齊食飯要夾時間好麻煩，反而自己一個食更加開心，所以就有「혼밥（獨自食飯）」呢個字出現。
首爾一人餐廳推介
1. 奶奶菜包肉（할머니 보쌈）
- 地址：서울 동대문구 회기로21길 26
- 營業時間：星期一至六 10:30 -
平時食菜包肉好多時都係大/中/細份咁叫，叫細份自己一個又未必食得哂，呢個時候想搵間又平又好味嘅菜包肉食，可以去回基站（慶熙大學附近）嘅「奶奶菜包肉」，價錢夠抵，CP值超高！
菜包肉套餐一人份只需要₩9,000，而且仲會有大醬湯同好多小菜，小編食過幾次，每次都係食到超飽咁出返嚟！
下次去慶熙大學參觀嘅時候，不妨都去埋呢間菜包肉餐廳，體驗一下當地學生最常食嘅一人餐廳啦！
2. 南大門刀削麵（남대문 칼국수골목）
- 地址：서울 중구 남대문시장4길 42-1
南大門市場最出名嘅「刀削麵街」其實喺一條短短100米嘅巷仔入面，外觀唔太起眼，不過呢度真係好適合一個人去食，平得嚟份量亦都超多。
上圖一人套餐大家估唔估到要幾多錢呢？答案係竟然只係₩8,000！港幣48蚊就可以食到拌飯、刀削麵同冷麵！一個價錢可以滿足到大家3個願望！係唔係覺得好抵呢？
嚟到呢度隨便揀一間坐低食就可以，因為好多人都鍾意自己嚟食，完全唔使怕尷尬。
3. 牛雅（우아하게）
- 地址：서울 마포구 동교로 185 1F
- 營業時間：星期一至六 11:30 - 02:00、星期日 11:30 - 22:00（Break Time 星期一至五 15:00 - 16:30）
平時自己一個人好難會食到燒肉，不過弘大呢間「牛雅」就可以滿足到大家嘅願望！
嚟呢度可以食到用100%純牛肉炮製而成嘅韓式漢堡扒！仲有各種海陸空美食等你試！
4. 景福宮羅州牛骨湯（나주소나주곰탕）
- 地址：서울 종로구 자하문로2길 8
- 營業時間：09:00 - 22:00
一個人喺首爾想食到地道韓式料理，其實唔單止係小編介紹嘅呢間羅州牛骨湯，有好多舖頭賣嘅呢種石鍋類Menu，都係可以一個人去食㗎。
景福宮「羅州牛骨湯」同雪濃湯相似，但就更加清爽同易入口，顏色偏透明。
雖然곰탕呢個字通常會被翻譯成牛骨湯，但其實佢係指用肉熬煮而成嘅湯，所以湯頭先會咁清澈，唔似雪濃湯咁白。
一個人嚟旅行想食得奢侈啲，都可以揀食鮑魚排骨湯，算係獨自旅行嘅小確幸，大家之後嚟景福宮嘅時候可以呢間試下。
5. 那男人的炒飯（그남자의볶음밥）
- 地址：서울 마포구 와우산로23길 43 2F
- 營業時間：11:00 - 22:00（Last Order 21:00）
大家可能會問，炒飯有咩咁特別啊？不過位於弘大嘅呢間「那男人的炒飯」賣嘅唔係普通炒飯，而係UFO炒飯！
拉絲芝士真係勁邪惡！連B1A4燦多、AB6IX田雄同Golden Child長埈都幫襯過，就知道有幾好食啦！
6. 鷺梁津杯飯街（노량진 컵밥거리）
- 地址：서울 동작구 노량진로 178
- 營業時間：每間鋪頭開嘅時間都會唔一樣
大家可能會以為鷺梁津只係出名食海鮮，但其實呢到仲有一條為咗考生而開設嘅「杯飯街」，呢度出名平靚正，想快速咁解決一餐嚟呢度就冇錯！
比起餐廳入面嘅一人美食，企喺鷺梁津街頭咁食住杯飯，都係一個非常特別嘅文化體驗。
呢度嘅杯飯最平￦3,500就可以有交易，價錢平得嚟仲要好味，真係令人食過番尋味！
7. 豚壽百（돈수백）
- 地址：서울 마포구 홍익로6길 56
- 營業時間：24小時
專賣濟州島黑豬肉嘅「豚壽百」，係好多朋友一個人嚟首爾旅行嘅時候都會食嘅餐廳之一。雖然價錢偏貴，但因為用嘅係濟州島黑豬肉，一食就知道唔同。
呢度叫菜包肉嘅話會用火爐輕輕熱住啲豬肉，仲會附送一碗熱辣辣嘅肉湯，將韭菜、辣醬、白飯撈埋一齊食，配上濟州島黑豬肉片，一個人食都可以好開心。
如果自認胃口細，食唔到咁多，咁就可以考慮齋叫一碗招牌嘅豬肉湯飯。不過因為湯本身冇加太多調味料，覺得味道唔夠嘅朋友，可以按自己嘅需要加辣醬、鹽或者蝦醬調味。
8. GOPIZZA（고피자 신촌1호점）
- 地址：서울 서대문구 신촌로 139-1
- 營業時間：10:30 - 24:00
GOPIZZA係一間連鎖Pizza店，係韓國第一間賣1人Pizza嘅鋪頭，好多地方都可以見到佢嘅蹤影。如果大家食唔慣韓國嘢都可以嚟呢度買Pizza食！
呢度Pizza種類相當之多，除咗可以單點之外，仲可以叫Set！如果大食啲仲可以叫埋炸雞或者辣炒年糕。
小編去嘅時候就叫咗辣肉腸+薯仔半半Pizza+Extra芝士，另外加一杯無糖可樂，咁樣加埋都只係￦11,800（約HKD70）炸！佢薄餅皮唔會太厚，食得多亦唔會覺得滯，平時想食pizza但覺得太大份嘅朋友們絕對可以一試~
9. 飯捲天國（김밥천국）
- 地址：全韓國都有
- 營業時間：每間分店都唔一樣
相信唔使小編多介紹，大家應該都會有聽過飯捲天國呢間餐廳！佢喺全韓國四周圍都有分店，想食最地道又平嘅韓國美食嚟呢度就得！
話明係飯捲天國，大家去到一定唔可以錯過佢哋嘅紫菜包飯，有超多款口味可以揀，而且價錢相當平。另外唔少人去到仲會叫辣炒年糕拉麵（라볶이），加條紫菜包飯都唔使￦10,000（約HKD 60），真係物超所值！
10. eggseoul（에그서울）
- 地址：서울 강남구 학동로55길 22
- 營業時間：星期二至日 11:00 - 19:00（逢星期一休息）
Instagram @eggseoul.official
雞蛋包係其中一樣必食嘅韓國冬天街頭小食，不過呢度賣嘅唔係平時見開嗰種，而係加咗現代元素同口味嘅雞蛋包！紅豆牛油、pizza味、加咗各種新鮮水果嘅口味等等都有，超特別！
11. 吵架的高手（싸움의고수）
- 地址：全韓國都有
- 營業時間：每間分店都唔一樣
ssago_korea
平時食豬腳或者菜包肉可能都要2人份起，但嚟到呢度就唔怕有呢個問題！呢度嘅Menu仲有分M/L/XL Size，平時胃口比較大嘅朋友們都唔會食唔飽。
ssago_korea
ssago_korea
另外而家佢哋仲有湯飯、燉雞等Menu，相信大家嚟到食都會覺得好滿足。
12. SHABU BOAT（샤브보트）
- 地址：全韓國都有
- 營業時間：每間分店都唔一樣
채선당 샤브보트 강남센트럴시티점
大家嚟到韓國可能成日都係食辣，一係就係炸嘢同燒肉呢啲油膩嘢，想清清腸胃最好就係食菜啦！不過未必太多人鍾意食沙律，呢個時候大家可以去SHABU BOAT打邊爐！
채선당 샤브보트 강남센트럴시티점
佢哋有好多款湯底可以揀，有麻辣、咖哩、蕃茄等，重點係有肉同好多菜，一人一個爐，就算同人一齊去都可以揀食自己鍾意嘅湯底！
其實唔止係小編介紹嘅呢10間，喺首爾各地都有好多一人美食餐廳等住大家去發掘！如果大家覺得自己一個去食飯會覺得尷尬，亦都可以搵我哋代叫外賣，超多款美食等住你嚟叫！
Creatrip Solo Foodie Pass
為咗咁多位獨遊韓國嘅朋友們都可以盡情享受韓國美食，我哋今次同超過10間餐廳合作，為大家帶嚟各種獨家優惠！由全單折扣到免費餐點應有盡有，就算係自己一個嚟韓國玩都可以食得盡興！入面仲包咗一份獨家「韓國一人餐廳地圖」，得買咗優惠券嘅朋友們先可以睇到，仲會不定期更新！
趁開賣做緊早鳥優惠，快啲用優惠價買返套用啦！
Creatrip Solo Foodie Pass | ₩4,000 (4000) |
※本頁面所標示嘅價錢以韓幣為準，港幣幣值會因應即時匯率而浮動。
如果有更多想知嘅內容，都可以隨時留言或者dm話俾我哋知：）
Instagram：creatrip.hk