蠶室體驗活動總整理
蠶室唔再只得樂天世界，原來有16款體驗活動可以咁玩！
Hello，大家好，我哋係由韓國人每日提供最新韓國旅行資訊嘅Creatrip。
蠶室唔單止有著名嘅樂天世界，仲有樂天塔展望台、VR體驗館、水族館等其他樂趣，今日小編整理好所有體驗活動，之後去蠶室就唔怕冇嘢玩啦！
蠶室體驗活動總整理
1. 去樂天世界
- 地址：서울 송파구 올림픽로 240
- 營業時間：10:00 - 21:00（營業時間可能會有變動）
- 價錢：樂天世界一日自由門票₩41,000（Creatrip會員價）、樂天世界＋樂天世界水族館 ₩42,000（Creatrip會員價）
樂天世界係韓國主題公園別去之一，唔單止有室外仲有室內，就算落雨都唔需要擔心。
呢度有各種遊樂設施，包保大家一定會玩到樂而忘返！而且每日晏晝兩點同夜晚八點都會舉行巡遊，相當之精彩！
如果你係追求刺激嘅人，戶外有好多機動遊戲等住你嚟玩！或者大家入去只係想參觀，唔太玩機動遊戲，可以慢慢欣賞石村湖嘅美景，順便打吓卡！
2. 去著韓國校服
梨花校服
- 地址：서울 송파구 올림픽로 212 B1 36-27
- 營業時間：09:00 - 22:00（最後歸還時間係21:30）
- 一套制服價錢：全日₩19,000 / 兩日一夜₩24,000 /三日兩夜 ₩29,000（Creatrip會員價）
平時睇韓劇見到啲學生著校服咁靚，自己會唔會想扮吓學生哥影吓相呢？呢間梨花校服就喺樂天世界附近，要去嘅話相當之方便！
呢度有提供各種唔同風格嘅校服，由K-Pop偶像服到Produce 101系列嘅衫都可以喺度搵到！
換完校服去樂天世界，仲可以以優惠價入場，同朋友或者另一半一齊著住校服影返幾輯相，留低一個美好回憶啦！
江南校服
- 地址：서울시 송파구 올림픽로 293-19 현대타워 408호
- 營業時間：09:00 - 21:30
- 價錢：全日 ₩16,830、2日1夜 ₩21,780、3日2夜 ₩26,730
江南校服同樣都係一間可以租借校服嘅鋪頭，大家可以租完之後著住去樂天世界打卡！
呢度提供超多款校服任君選擇，價錢仲唔貴！著上韓國校服，體驗做一日韓國中學生！
首爾校服
- 地址：서울 송파구 올림픽로 212 갤러리아팰리스 지하동 B1-17호
- 營業時間：09:00 - 21:00
- 價錢：1人 ₩17,000
「首爾校服」距離樂天世界只有5分鐘步行距離，就算天氣好凍/熱都唔需要擔心要行太耐~
呢度有成1,000套校服提供俾客人揀，小編去過咁多次租校服，呢間真係最多選擇！大家仲可以事先上佢哋官網同Instagram睇款，亦都可以參考韓國情侶們會點襯衫~
感性校服
- 地址：서울 송파구 석촌호수로 234 4F
- 營業時間：星期日至四 09:00 - 21:00、星期五至六 09:00 - 22:00
- 價錢：基本校服（恤衫 + 褲/裙 + 1款冷衫 + 呔）₩20,000
「感性校服」係韓國最出名嘅校服租借鋪頭之一，呢度嘅校服以英國校服設計為基礎，在此之上加以各種變化，所有設計都睇落高級之餘夠Fashionable！「感性校服」更加提供韓國idol風格、哈利波特校服等各種主題校服，梗有一款啱你心水！
鋪頭入面都裝修得好靚好夢幻，每個角落影相都好靚！「感性校服」可以話係融合校服租借鋪同拍攝場地嘅複合空間，粉紅色嘅裝修超有少女心，而且上到天台仲可以一眼睇曬石村湖、樂天世界同樂天塔嘅靚景，記住要影返幾張靚相啦！
3. 去樂天世界水族館
- 地址：서울 송파구 올림픽로 300 B1
- 營業時間：星期一至四 10:0 - 20:00（最後入場時間19:00）、星期五至日10:00 - 22:00（最後入場時間21:00)
- 價錢：水族館入場券₩22,000（Creatrip會員價）、樂天世界＋樂天世界水族館 ₩42,000（Creatrip會員價）
如果去開樂天世界，會唔會想去埋水族館呢？只要係我哋會員仲可以用半價優惠入場添！
呢度分咗13個唔同主題，有好多神秘打卡位等住你嚟影相呃like！
喺呢度你可以影到好多稀有海洋物，例如白海豚、水獺、海獅同企鵝等，相信無論係小朋友定大人都會鍾意呢度，之後不妨嚟放鬆同治愈。
4. 去樂天世界塔
- 地址：서울 송파구 올림픽로 300 117-123F
- 營業時間：星期日至四 10:30 - 22:00、星期五至六 10:30 - 23:00
- 價錢：樂天世界塔入場券₩22,500（Creatrip會員價）
講到韓國最高嘅建築物，一定係樂天世界塔，高達555米，只要喺蠶室無論去到邊都會見到佢嘅蹤影，喺呢度仲有經營百貨公司、酒店等，保證一定可以渡過愉快時光。
5. 去樂天世界塔SEOUL SKY
- 地址：서울 송파구 올림픽로 300 117~123F
- 營業時間：星期日至四 10:30 - 22:00、星期五至六 10:30 - 23:00
- 價錢：₩27,000 （Creatrip會員價）
樂天世界塔喺韓國最高，同時亦係世界第五高嘅塔，只要喺樂天世界大廈地下一樓售票處買完入場門票，搭1分鐘lift即刻可以去到觀景台117樓。
由117樓至122樓都係觀景台，如果去到118樓，仲會見到超大塊落地玻璃，企喺上面超刺激。
122樓仲設有Cafe，大家可以買番杯咖啡或宿嘆住甜品，喺度欣賞蠶室市景，特別係夜晚去嘅話景色真係好靚。
6. 行樂天塔步行橋
- 地址：서울 송파구 올림픽로 300
- 營業時間：星期一至四 13:00 / 15:00 / 17:00 / 19:00、星期五至日 13:00 / 14:00 / 15:00 / 16:00 / 17:00 / 18:00 / 19:00（ 由2022年1月4 號至2022年11月27號開放）
- 預約網址：撳我
- 價錢：一般費用₩100,000（包括入場券、參觀券、2張相）
如果鍾意刺激嘅你，可以試吓挑戰呢條樂天塔步行橋。
樂天塔喺2020年加設一條凌空嘅天橋（541米高空）俾大家挑戰膽量，一個鐘只可以有一team參加，推薦大家可以預約黃昏嘅時間，影出嚟嘅相真係特別靚！
雖然呢度入場費有啲貴，不過都係一個好難得嘅體驗，鍾意刺激同挑戰極限嘅你，之後嚟韓國絕對唔可以錯過！
7. 去樂天世界溜冰場玩
- 地址：서울 송파구 올림픽로 240 B3
- 營業時間：星期日至四 11:00 - 20:50、星期五及六 11:00 - 21:20
- 價錢：溜冰場入場券 ₩21,000（7月特價 ₩11,200）
樂天世界除咗出名多打卡位同機動遊戲之外，好多韓國人都鍾意嚟位於B3/F嘅溜冰場玩！日頭會有自然光透過玻璃天花板照入溜冰場，夜晚就有各種燈光效果，無論幾時去都有唔同嘅感覺~
8. 去FUTURE HANDS UP遊樂室
- 地址：서울 송파구 올림픽로 300 3F
- 營業時間：10:30 - 22:00
- 價錢：1次券₩5,000 / 2次券₩10,000 / 3次券₩14,000 / 4次券₩18,000원 / 6次券₩26,000
喺樂天塔3樓有一個FUTURE HANDS UP遊樂室，裏面可以體驗VR各種活動。
戴住VR可以好似玩緊過山車、賽車等體驗，超生動！
小編都忍唔住喺度玩咗一個VR漂流遊戲，畫面超生動，完全好似現實一樣咁，相信一家人嚟到，都會玩得好開心！
9. 去首爾綜合運動場（蠶室棒球場）
- 地址：서울 송파구 올림픽로 19-2
- 比賽時間：參考KBO官網
- 價錢：成人 ₩14,000 - 70,000（唔同座位價錢都會唔一樣）
咁多個運動之中，韓國人都幾鍾意棒球，喺蠶室呢度就有一個超大棒球場，可以容納24,000名觀眾，同事被用作KEO聯賽，LG Twins同斗山熊隊主場。
韓國棒球KBO聯賽賽季由3月開始到11月結束，除咗星期一之外，幾乎每日都會進行比賽，每年大約有140至160場比賽。最初可以喺棒球場售票處正接買飛，但而家因為疫情，只可以透過Interpark或Ticket Link預訂，同演唱會門票一樣，每一次搶到超緊張同激烈！
好多人鍾意去睇棒球賽，除咗因為可以一齊應援同歡呼之外，甚至仲好興邊食炸雞邊飲啤酒！就算大家冇固定支持邊一隊棒球隊，之後都可以嚟感受一下氣氛，都係一個好特別嘅體驗！
10. 去石村湖
- 地址：서울 송파구 잠실동 47
如果大家鍾意啲靜態活動，可以去樂天塔附近嘅石村湖，一邊散步，一邊欣賞首爾景色。
特別係春天，呢度被譽為賞櫻勝地，好多人都會嚟到打卡！
望住咁靚嘅景色，真係令人覺得好放鬆，想短暫忘記煩惱，不如就嚟呢度散吓步啦！
11. 去奧林匹克公園
- 地址：서울 송파구 올림픽로 424
- 開放時間：05:00 - 22:00（入口廣場開放到24:00）
首爾奧林匹克公園係為咗紀念舉辦1988年夏季奧林匹克運動會而建嘅公園，面積大，佔地144.7公頃，好多韓國人都係呢度散步同休息。
當中好多人都會為咗呢棵「孤獨的樹」而打卡，特別如果係冬天去，落埋雨影會更加有氣氛，彷彿好似去到童話世界入面咁。
呢度一年四季嘅景色都好靚，春天會百花齊放、夏天綠草如茵、秋天五彩繽紛、冬天白雪紛飛，每次嚟到都令人心曠神怡！
12. 去「書的博物館」
- 地址：서울 송파구 송파대로37길 77
- 營業時間： 10:00 - 18:00、逢星期一、1月1號、新年及中秋當日休息
- 入場費：免費
平時睇書都只係話去圖書館，但呢度稱為博物館，證明係有好多書而且氣氛好唔同，呢度好多當地人同遊客都會特登去參觀。
除咗可以喺度慢慢睇書之外，呢到周不時會舉辦演講、發表活動等。
作為圖書博物館，呢度仲有一個展廳，展示圖書過去、現在同未來。相信你想要知嘅知識，呢度都可以幫你搵出答案！
13. 去「首爾書寶庫」
- 地址：서울 송파구 오금로 1
- 營業時間：平日 11:00 - 20:00、週末 10:00 - 20:00、 逢星期一、1月1號、新年及中秋休息
喺地鐵2號線蠶室渡口站1號出口一直直行，就會見到呢間獨特裝修而聞名嘅二手書店「首爾書寶庫」。
呢度係韓國第一個公共二手書店暨複合文化空間，唔單止可以睇，睇啱仲可以買，呢度周不時都會有講座，小朋友同大人都可以洗滌自己嘅心靈。
tvN 호텔 델루나
甚至之前tvN韓劇《德魯納酒店》都有喺度取過景添！
14. 去玩獨木舟
- 營業時間：10:00 - 22:00（至11月）
- 價錢：獨木舟體驗（1人2小時）₩30,000
可能好多人都以為漢江只可以野餐或踩單車，但其實呢度仲可以玩獨木舟㗎！
呢度嘅教練好專業，會細心教大家玩獨木舟/SUP，咁多年嚟一次意外都冇發生過，大家可以玩得放心。
甚至唔少韓國節目都有嚟介紹過添，只要係我哋會員想去體驗，仲可以有優惠價添！
15. 去整DIY戒指
- 地址：서울 송파구 백제고분로 390 B1
- 營業時間：星期三至五 17:00 - 23:00、星期六至二 11:00 - 23:00
- 所需時間：約2小時（製作時間+拍攝時間，2人課程為準）
距離石村站3分鐘嘅「Wetwood Studio」由80年代嘅珠寶店改建而成，俾人一種好復古嘅感覺。
同普通戒指DIY鋪頭唔同嘅地方係，呢度整嘅係木戒指，真係好少見！用嘅材料更加係來自廢棄傢俬同滑板等，夠曬環保！
大家各自影完相之後，職員仲會幫大家影唔同concept嘅相添啊！大家可以戴住戒指影，情侶們仲更加可以十指相扣咁影，留低一個美好回憶~
16. 去自助照相館影相
- 地址：서울 송파구 백제고분로45길 24 2F
- 營業時間：星期一至五 13:00 - 21:00、星期六及日 11:00 - 21:00
- 小Tips：松坡渡口站（송파나루역）1號出口行5分鐘
專業自助照相館「odt.mode」喺韓國總共有17間分店，喺蠶室就有一間！大家有20分鐘可以自由影，因為可以自己控制影相時間，所以無論係表情定pose都會比較自然。如果怕太單調，鋪頭仲有準備一啲道具俾大家！
唔知大家有冇發現，蠶室其實可以體驗嘅活動比想像之中多呢？希望呢一篇Blog可以幫到之後來旅行嘅大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
