Hello，大家好，我哋係由韓國人話你知每日最新資訊嘅Creatrip。
聽到博物館，你係咪會覺得呢度一定係一個好嚴肅嘅地方呢？完全唔係㗎！呢度係個可以畀大家去坐嘅閱讀空間，同時仲可以影到唔少靚相添！等小編帶大家一齊去睇下呢個博物館有咩咁特別啦！
松坡「書的博物館(송파 책박물관)」
- 地址：서울 송파대로 37길 77
- 時間：10:00 - 18:00、逢星期一、1月1號、新年、中秋休息
- 費用：免費入場
位於首爾嘅松坡區有一個叫「書的博物館」嘅景點，呢個博物館係喺傳統市場嘅隔離，非常之方便又容易搵。只要搭地鐵喺松坡站（송파역）落車行去就到㗎啦！
一入到去「書的博物館」就會見到覺得呢到好大，全部都係樓梯同埋座位嘅結合而成。
除咗可以隨意咁坐喺樓梯之外，兩邊都設計咗窗框型嘅座位，呢到周不時會舉辦演講、發表活動等，所以慢慢變到更出名。
大家覺唔覺得呢度有啲文青嘅感覺呢？
上到第二層之後會見到有個半開放式嘅空間，呢度嘅電腦同耳機大家都可以一齊用。
經過多媒體區之後，發現呢度設置咗好多展覽空間，展示咗關於「書」嘅歷史，由朝鮮王朝到而家嘅一切都有喺呢度詳細展出。
喺呢度唔單止可以睇到17世紀韓國嘅經典小說《淑香傳》，都展示咗好多朝鮮時代用嘅閱讀工具同埋家具。
除咗可以睇到古物之外，互動性展覽都非常之多。上面呢幅圖就係古人讀書嘅時候會將文字刻喺木片之後，放入去桶裡面再抽出嚟去背書嘅！
之後要帶大家睇嘅就係「書的博物館」最靚同必打卡嘅地方。呢度除咗擺滿書之外，都展示咗好多韓國出版社嘅故事同埋發展！
中間嘅呢個地方佈滿咗裝飾嘅假書同埋紙張之外，將成個空間營造到好夢幻嘅二次元同埋童話感。大家仲可以喺度影相同埋享受俾書本圍繞嘅感覺添！
唔單止係咁，呢邊嘅展示空間都會規劃成一格格嘅，佈置成好多暢銷作家嘅房，就可以畀大家感受到呢啲作家平時嘅靈感來源。
除咗作家之外，製作封面或者插圖嘅圖文創作者嘅房都會喺呢度有展覽。喺呢度參觀，你絕對可以感受到出一本書喺要投入相當多嘅精力啊！
而下一區展示嘅就係「活版印刷」。簡單講就係用一個一個嘅鉛字排列之後進行嘅印刷模式。
放滿咗咁多鉛字真係好壯觀，除咗欣賞機器之外，呢邊仲有提供好多機器可以畀大家體驗一下印刷。
小編就印咗兩張書籤，雖然唔係印得好完美，但係就係有DIY感覺啦！
如果大家之後會去「書的博物館」，都唔好唔記得一齊體驗一下呢啲活版印刷啦！
最後要提醒大家，呢個博物館嘅一樓有提供唔少嘅置物櫃，如果大家唔想拎住啲嘢周圍走嘅話都可以用佢哋啊！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
