LUNARU｜漢江獨木舟體驗
平時睇綜藝見到唔少藝人都會去漢江玩獨木舟或SUP？之後嚟韓國都想試？不如就搵我哋預約啦！
Hello，大家好，我哋係由韓國人每日提供最新韓國旅行資訊嘅Creatrip。
嚟到韓國又點會唔去漢江呢？呢度一年四季都有好多人嚟散步、拍拖等，好多人可能都知漢江出名租單車，但大家又知唔知其實仲可以租獨木舟小艇、SUP呢？價錢一啲都唔貴，而且仲有專業導師為大家講解，保證大家可以玩得開心又放心，如果有興趣嘅朋友，之後一定要試下嚟玩啦！
漢江獨木舟體驗資訊
- 地址：서울시 광진구 강변북로2326 해양소년단 3호
- 營業時間：10:00 - 20:00
- 可預約時間：10:00、13:00、15:00、18:00
漢江獨木舟體驗價格
獨木舟體驗 （1人2小時） | ₩30,000 |
SUP體驗 （1人2小時） | ₩50,000 |
獨木舟 + SUP體驗 （1人4小時） | ₩80,000 |
帆板體驗 （1人2小時） | ₩100,000 |
漢江獨木舟體驗推薦理由
- 欣賞首爾日落最浪漫體驗。
- 可以欣賞漢江各方面。
- 好多韓國綜藝節目都有介紹過。
- 呢度嘅導師好專業，一次意外都冇發生過。
- 由優秀教練教大家，可以體驗獨木舟/SUP。
漢江獨木舟體驗注意事項
- 喺正式體驗之前，導師會教大家點做，所以一定要準時到現場。
- 玩獨木舟嘅時候，可能會整濕啲衫，建議準備毛巾或換嘅衫。
- 體驗獨木舟嘅朋友，可以帶食物上船。
- 預約秋季嘅時候，一定要著厚啲（所有體驗只會持續到11月）。
- 行李可以放喺儲物櫃，不過如果有貴重物品，可以交俾職員保管。
- 有提供淋浴及更衣室。
- 如果因天氣或其他情況等原因限制運營，我哋將會提前用email通知你，同會100%退款。
- 可以喺預訂日3日前退款，過咗就唔可以退。
- 如果想更改預約，請send email到help@creatrip.com。
漢江獨木舟｜便利店拉麵
喺玩獨木舟嘅時候，大家可以帶少少零食上船，Lunaru附近漢江公園3號店便利店就有好多美食啦，同時仲有BHC炸雞外賣，有需要嘅朋友，可以玩完之後去食！
嚟到漢江又點可以唔食個拉麵呢？邊食拉麵邊望海景超舒服。
漢江獨木舟體驗
LUNARU體驗場係喺蠶室碼頭最盡，呢度有好多五顏六色獨木舟等住大家嚟租。
上圖係獨木舟，下面係SUP，呢度嘅導師會好細心咁同大家講解每一個流程，就連新手都可以好易上手。
呢度仲有提供救生衣、更衣室和淋浴地方，有需要嘅朋友都可以用。
因為係蠶室漢江公園，所以望後面就會見到樂天塔，坐住獨木舟睇應該都幾浪漫。加上唔少韓國綜藝節目都有介紹過，令到呢度越嚟越有人氣，呢度仲有分單人或雙手，如果有興趣，快啲拖住另一半或朋友去體驗吓啦！
同時除咗獨木舟之外，亦可以揀SUP（槳板）體驗。SUP係企喺衝浪板，以長槳滑動衝浪板嘅水上活動，同獨木舟相比更容易上手，想試新體驗嘅朋友不妨可以試下。
LUNARA兩個小時體驗時間包括事前教育，導師喺體驗開始之前，會為大家一一講解，就連玩緊嘅時候都會喺附近睇住大家，令人玩得可以好放心。可以喺漢江邊划獨木舟，邊欣賞呢個咁靚嘅景色，真係好推薦大家要體驗吓。
前往方法
喺纛島遊園地站2號出口出嚟之後沿住漢江方向直行，大約行20分鐘左右就會到。
以上係漢江獨木舟體驗嘅介紹，有任何問題請先詳讀呢篇文章。
睇完之後有任何問題，或者我哋語意、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com