韓國戒指DIY | Wetwood Studio

Hello，大家好，我哋係由韓國人每日提供最新韓國旅行資訊嘅Creatrip。

平時韓國人到底會去邊度玩？最近韓國年輕人好興同friend或者另一半一齊去整友情戒指/情侶戒指，有紀念價值之餘仲夠曬好玩。今日小編就打算介紹一間位於蠶室石村站附近嘅戒指工坊俾大家~ 同普通戒指DIY鋪頭唔同嘅地方係，呢度整嘅係木戒指！一齊跟小編去睇吓有幾特別啦！

「Wetwood Studio」資訊

• 地址：
  • 蠶室店：서울 송파구 백제고분로 390 B1F
  • 弘大店：서울 마포구 동교로 156-13
  • 惠化店：서울 종로구 창경궁로 248-4 B1F
  • 聖水店：서울 성동구 연무장5가길 7 131호
  • 龍山店：서울 용산구 한강대로52길 33 301호
• 營業時間：11:00-23:00
• 可預約時間：11:00-21:00
• 所需時間：約2小時（製作時間+拍攝時間，2人課程為準）

「Wetwood Studio」推薦理由

• 製作材料來自廢棄傢俬同滑板等，夠曬環保！
• 製作過程簡單，就算係第一次接觸木工都唔需要擔心！
• 呢度只接受預約，私隱度高！
• 職員識講英文，亦都有提供英文説明書，唔識韓文都冇問題！
• 嚟到韓國親手整戒指，超有紀念價值！
• 整完之後仲可以喺Photo Zone影相，同摯愛一齊留低一個美好回憶！

「Wetwood Studio」價錢

「Wetwood Studio」退款政策

「Wetwood Studio」注意事項

• 請最少喺2日前完成預約。
• 預約時請確保已選擇正確日期及時間。
• 同時段最多可以有4個人預約，如果想預約5人或以上體驗，請事先查詢。
• 你可以喺現場親自揀木戒指嘅設計（核桃木、橡木、花曲柳、楓木）。
• 就算係同一款木材，每塊木頭嘅紋路、顔色同質感都未必一樣。
• 現場有提供量度戒指大細嘅工具。
• 製作過程中戒指大細可能會有變，請諮詢專業人士意見後揀大細。
• 小心唔好俾木頭同砂紙𠝹到。
• 佩戴木戒指嘅時候注意唔可以長時間掂到水，否則木頭顔色同光澤可能會有變。
• 如果預約3人或以上嘅工作坊，所需時間會比上述預計時間更長。
• 如果想更改預約或者有任何問題，請send email到help@creatrip.com查詢。

「Wetwood Studio」預約流程

1. 請確保已選擇正確選項，並詳細輸入所有相關資訊及付款
2. 我哋會喺1-2個工作天內確認預約，如果需要更改日期/時間我哋會另外通知你
3. 體驗當日請準時到達，向職員出示預約記錄
4. 開始體驗！

撳我預約👇🏻

「Wetwood Studio」介紹

今日小編嚟到距離石村站3分鐘嘅「Wetwood Studio」蠶室店整戒指！呢度由80年代嘅珠寶店改建而成，俾人一種好復古嘅感覺。

淡淡嘅燈光同傳統壁畫令人感覺好平靜療癒。

工坊大概分成3部分，分別係工作區、Photo Zone同諮詢區。

製作過程亦都會分別係上面呢兩個地方進行。

而呢度就係Photo Zone，呢度嘅燈光好啱影相，而且大家整緊戒指嘅時候職員都會幫大家影相，之後亦會將所有相（原圖+p好嘅圖）send俾大家~

大家一開頭會先喺呢個勁有80年代風嘅地方同專業人士傾要整咩款嘅戒指，最後亦都可以喺度影相留念！

工坊會提供welcome drink，大家可以揀飲汽水或者茶，然後就會正式開始諮詢環節。

職員會先介紹呢間工坊，體驗嘅注意事項同事前準備工作。

決定好戴邊隻手指之後，就可以度size！

然後就可以揀想整用邊種木材，分別有核桃木、橡木、花曲柳、楓木等等唔同木材。小編平時鍾意戴比較幼身嘅戒指，所以就揀咗楓木~

小編揀嘅楓木戒指會以滑板做製作材料，超環保！大家可以根據Sample揀想要嘅顔色，不過最後都要根據當時鋪頭有嘅木材而定。揀好顔色之後就要揀整咩樣，有比較扁平嘅Flat型同比較圓嘅Round型兩款可以揀~

「Wetwood Studio」其中一個最特別嘅地方係會用80年代風嘅紙同鋼筆，幫客人寫低體驗內容，超有feel！

大家仲可以揀韓文名印章！呢度職員都識講英文，如果無韓文名可以叫職員推薦俾你~

扱完印就正式開始啦！

首先用呢部機喺你塊木材上面開窿。

職員都會好親切咁幫你，大家唔需要擔心。

然後就要用呢部砂紙機磨平木材，不過因為呢個工序比較危險，所以職員會幫你搞~

呢部砂紙機會連住吸塵器，所以唔會搞到四周圍都係灰。

然後就可以攞圓規，畫一個大過嗰窿2.5mm嘅圓形。

就算畫得唔好都唔緊要，職員會幫你修改~

然後就要用鋸切走多餘嘅部分。

然後再去返砂紙機嗰邊，將木材磨成圓形。

之後職員就會幫大家再仔細磨一磨好個形狀。

最後就會用到呢部木工機，將戒指固定喺上面之後攞砂紙磨平。

然後再用比較薄嘅砂紙磨平戒指內側，之後就可以交俾職員做最後塑型工序。

最後就可以收尾啦！將戒指放入油入面之後顔色會變深，變成你本身揀嗰隻色。

小編超滿意最後成果，而且因為係自己整嘅，所以好有紀念價值。

然後就可以去隔離Photo Zone影相！用日曆同懷舊時鐘做背景影嘅相真係超有feel！

所有體驗人士都可以得到上面呢個袋仔，入面有油，砂紙同鋪頭嘅卡片。

大家可以戴住戒指影，情侶們仲更加可以十指相扣咁影，留低一個美好回憶~

大家更加可以另外加購木戒指盒，睇落非常高級！

大家各自影完相之後，職員仲會幫大家影唔同concept嘅相，大家可以參考以下嘅pose。

想做啲好玩有夠特別嘅活動，不妨嚟「Wetwood Studio」同你嘅摯愛一齊整返對獨一無二嘅戒指啦！（工坊仲有準備特別活動，有興趣就記住預約啦~）

「Wetwood Studio」前往方法

蠶室店

喺石村站（석촌역）3號出口行出嚟。

直行。

目的地位於斑馬線前。

行入大廈。

落B1/F。

咁就去到「Wetwood Studio」啦！

弘大店

惠化店

聖水店

龍山店

撳我預約👇🏻

以上係韓國戒指DIY「Wetwood Studio」嘅介紹，有任何問題請先詳讀呢篇文章。

如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。

如果有更多想知嘅內容，都可以隨時dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購

Mail：help@creatrip.com