樂天塔步行橋總整理

Hello，大家好，我哋係由韓國每日提供最新韓國旅行資訊嘅Creatrip。

如果鍾意刺激嘅你，可以試吓挑戰呢條樂天塔步行橋，喺541米高空中行路，你又夠唔夠膽挑戰呢？

「樂天塔步行橋」簡介

• 地址：서울특별시 송파구 올림픽로 300 
• 營業時間：星期一至四 13:00 / 15:00 / 17:00 / 19:00、星期五至日 13:00 / 14:00 / 15:00 / 16:00 / 17:00 / 18:00 / 19:00（ 由2022年1月4 號至2022年11月27號開放）

「樂天塔步行橋」時間表

活動時間：2022年1月4號至11月27號（每年可能會有唔同，請喺預約之前先Check時間）

「樂天塔步行橋」價格

「樂天塔步行橋」注意事項

• 活動長大約1小時。
• 最早可以喺體驗30日前預約。
• 如果想當日玩，要當日買門票。
• 網上預訂唔可以買當日。
• 門票可以喺B1買（包括入場費同參觀券費用）或喺117樓買（只得參觀券）。
• 網上剩餘票數以實體售票處剩餘票數為準。
• 除咗因為天氣惡劣唔可以參加之外，其他情況吓都唔可以退款。
• 必須喺入場參觀10分鐘之前到117樓。
• 團體最多12人參加。
• 體重120kg以下，身高140cm以上，12歲以上先可以參加。
• 如果有高血壓、心臟病、各種肌肉/神經系統疾病都唔可以參加。

「樂天塔步行橋」介紹

樂天塔步行橋唔單止韓國人鍾意玩，唔少外國人嚟到都會挑戰嘅項目之一。上到117樓就係天橋起點，如果大家參加要喺體驗開始前10分鐘到達，提前做好準備！ 呢個時間職員就會同大家講解流程同簽一啲文件。

簽完同意書之後就可以開始參觀，職員會先叫大家著紅色風衣，佢哋好nice，會解釋各種安全設備，同時全程會照顧大家，唔需要太擔心。

為咗大家安全起見，上天橋之前體重唔可以超過120kg，年齡要12歲以上，身高超過140cm，如果有高血壓、心臟病、各種肌肉/神經系統疾病都唔可以參加。另外去之前如果有飲酒、未佩戴防護裝備，都可能會被拒絕參與體驗。

一開始會收到一條帶可以固定手機，著好防護服之後，職員會帶你去頂樓體驗，由123樓起，大家要再往上行先會抵達541m高，行嘅時候會有安全帶掛喺身，大家可以放心行，但如果行到攰，都可以同職員講聲休息陣。

地下係膠明膠做，所以睇得清腳吓有啲咩。

雖然小編去當日天氣唔算太好，不過一樣可以睇到首爾靚景，行嘅過程中，職員仲會幫大家影相。

影完相之後，職員仲會俾一支白色筆大家喺透明膠到寫字。

一開始小編以為都幾恐怖，點知後嚟又覺得幾好玩！

之前AB6IX都有嚟過挑戰添！   

參觀完之後，就要去返117樓換衫，職員會帶上一張印有自己名嘅證書。

之後小編再去咗120樓打卡。

左右兩邊會有一個屏幕去俾大家揀相。

首先一開始去到要先揀語言，之後拎B1拎到嘅QR Code喺度掃，然後再揀兩張相。

揀完2張相之後，就會再收到一個QR Code，大家可以scan佢再download相。

大約只係等1分鐘，就可以睇到成果啦！因為小編係2個人去，所以最多可以揀4張相，但如果大家想要多幾張，可以去同職員講，一張價錢係￦5,000。

小編個人覺得呢個係難得一次嘅體驗，加上唔係365日都有，今年只要11月27號，想玩嘅朋友一定要把握機會！

點樣去「樂天塔步行橋」？

由蠶室站落車，向1、2號出口行，就會去到會去到樂天世界塔入口。

入到去嘅時候時一直直行，直到經過Avenel化妝品區，如果驚蕩失路，可以跟住商場嘅標示行。

一直直行見到Castify Studio嘅話，右邊就係Seoul Sky啦。

B1係Seoul Sky入口，裡面有售票處同通往117樓嘅電梯。

以上就係2022年最新樂天塔步行橋總整理，希望可以幫到大家啦！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購