蠶室吃喝玩樂總整理
蠶室唔只有樂天世界同樂天塔！其實仲有好多美食、Cafe、體驗活動等緊大家！
Hello，大家好，我哋係由韓國人每日提供最新韓國旅行資訊嘅Creatrip。
相信因為樂天世界，大家應該都至少聽過蠶室呢個景點，今日想同大家分享喺蠶室有咩好玩！如果只係去主題公園實在太可惜啦！
蠶室除咗有樂天世界同石村湖出名之外，其實仲有好多打卡cafe同餐廳，甚至呢度係出名睇櫻花景點，今日小編會逐一同大家講解蠶室魅力！
 |  |
 |  |
 |  |
蠶室位置
大家可能一直以為蠶室只係出名樂天世界同樂天塔，但事實上呢度係好多餐廳、Cafe、Shopping、體驗活動等住大家！
喺蠶室站同樂天世界塔附近，有一條叫做「松理團路」嘅打卡點，呢度有好多高級餐廳、氣氛超好嘅cafe、夜晚都有唔少酒吧俾大家喺度飲返杯。
芳荑洞美食街係一個比松理團路更旺嘅街，呢度有好多燒肉店同酒吧，如果想體驗韓國獨有嘅聚餐文化，嚟呢度一定超有氣氛！
但如果係靜態嘅大家，可以嚟奧林匹克公園，呢度唔會俾繁華都市喧囂所打擾，嚟到呢度好好休息。
蠶室美食
蠶室美食主要以松理團路同芳荑洞為主，呢度唔單止只韓式，仲有西式、日式、中式、東南亞料理等，而且好多間都有電視台嚟採訪，所以就算係隨便一間都唔會令你失望！另外樂天世界塔同樂天世界入面都有food court，坐喺窗邊位仲可以欣賞石村湖美景。
蠶室咖啡廳
松理團路有好多唔同風格嘅cafe，而且好多氣氛都好唔錯，有啲人氣高到要排隊先入，所以建議如果大家去，一定要避免繁忙時間，早啲去到除咗可以坐到靚位之外，最鍾意仲有係影到好多呃like相！
蠶室體驗活動
基本上大家諗到嘅體驗活動，喺蠶室幾乎可以完成到，呢度有令人刺激興奮嘅樂天世界、彷彿去到海洋世界嘅水族館、幽靜奧林匹克公園、安撫你心嘅圖書博物館等，要靜又得動又得，總有一款啱你口味！
蠶室購物
蠶室唔單止有地下街、韓國精品店，甚至仲有免稅店同百貨公司，真係可以用一日時間喺度慢慢行！講到首爾購物天堂，一定離唔開蠶室！
蠶室交通
蠶室主要地鐵站係2號線，當中仲會經過大家成日都會去嘅江南、弘大、新村、東大門歷史文化公園等，相當之方便。不過如果想大範圍啲，石村站、松坡渡口站、夢村土城站其實都會經過。
蠶室酒店
喺蠶室玩完全日，係唔係都想搵個地方好好氣息呢？呢度有好多物超所值，而且價錢合理嘅酒店，竟連配備都好豪華，夜晚仲可以欣賞首爾美景，絕對一流！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
