奧林匹克公園總整理
奧林匹克為紀念1988年首爾奧運會而建，首爾最大公園！
Hello，大家好，我哋係由韓國人每日提供最新韓國旅行資訊嘅Creatrip。
首爾有好多著名公園，當中奧林匹克公園係為咗紀念1988年漢城奧運會而建，同時亦係2008年北京奧運會火炬接力起點，今日就等小編同大家介紹呢個地方到底有咩咁特別啦！
「奧林匹克公園」簡介
- 地址：서울 송파구 올림픽로 424
- 營業時間：5:00 - 22:00（車輛6:00可以進出，各廣場24:00開放）
- 小Tips：地鐵5、9號線奧林匹克公園站（올림픽공원역）3、4號出口、地鐵8號線夢村土城站（몽촌토성역）1號出口、地鐵9號線漢城百濟站（한성백제역）2號出口。
奧林匹克公園係為咗紀念1988年漢城奧運而建造，呢度曾經係古代百濟遺址所在地，而家有多個開放空間、戶外舞台、博物館以及比賽場所等提供俾大家用。
場地總面積約158,000萬平方米！全年開放，可以免費入場，但22:00後禁止入公園，只有和平廣場同邂逅廣場係24小開放。
公園入面展示咗唔少紀念碑同雕塑品。
「奧林匹克公園」主要入口
奧林匹克公園附近就有三個地鐵站可以去到，分別係經5號同9號線嘅奧林匹克公園站、8號線夢村土城站同9號線漢城百濟站，落完車之後只要行幾分鐘就會到，基本上大家可以喺開放時間內，見到好似上圖標示住GATE嘅地方，或者停車場以外一側都入到去，以下三個主要入口，大家可以參考一吓。
1. 平和廣場（평화의 광장）
- 位置：地鐵8號線夢村土城站1號出口
2. 邂逅廣場（만남의 광장）
- 位置：地鐵5、9號線奧林匹克公園站3、4號出口
由車站直通公園廣場，附近有好多Cafe同餐廳，好適合去公園之前買啲小食，或者醫好個肚先去打卡。
3. 玫瑰廣場（장미광장）
- 位置：地鐵5、9號線奧林匹克公園站3號出口行大約8分鐘
首爾郊區有好幾個出名睇玫瑰嘅地方，奧林匹克公園玫瑰廣場就係其中一個，5月去嘅話，就會見到五彩繽紛嘅玫瑰盛開，想影人生照話咁易！
「奧林匹克公園 」著名景點及設施
1. 平和之門
- 位置：地鐵8號線夢村土城站1號出口
由韓國著名建築師金俊宇設計，係奧林匹克公園代表標誌，以鴿形象創造，打開翅膀，象徵和平。
樓高24米，雙翼上繪有龍、虎等傳說中動物，相當威武。
2. 世界萬國旗
- 位置：8號線夢村土城站1號出口
經過和平之門之後，就會見到當年參加過1988年漢城奧運會嘅各國家國旗，排成一個拱形，甚至周圍會見到刻有當年奧運會上獲得獎牌運動員嘅名。
公園開放時間只係去到22:00，但和平之門同萬國旗會喺夜晚亮燈，場面非常壯觀！
3. 孤獨的樹
- 位置：公園中央、由夢村土城站行大約20分鐘
孤獨的樹就係喺公園中央，係奧林匹克公園最出名地標之一，好多人都會為咗呢棵樹而打卡，特別係影婚紗相熱門地點。
不過由三個地鐵站行過去都需要20幾分鐘，推薦大家可以食完飯之後，邊散步邊欣賞風景。
4. 夢村土城
奧林匹克公園曾經係百濟初期古城遺址，總長大約2.7米，冇留底任何城堡，只得有一條2.4米人行道。
5. 夢村歴史館
- 位置：江東區廳站3號出口行大約17分鐘
- 營業時間：9:00 - 18:00、星期一休息
6. 漢城百濟博物館
- 位置：漢城百濟站2嘅出口行大約5分鐘
- 營業時間：9:00 - 19:00（11至2月：9:00 - 18:00）
如果對歷史有興趣嘅朋友，可以參觀公園入面嘅夢村歷史博物館同漢城百濟博物館，唔單止係免費入場，而且仲可以解首爾兩千年歷史以及百濟文化遺址。
7. 夢村湖同88湖
夢村湖
88湖
夢村湖係喺和平廣場後面，湖邊設有步行道，喺度可以遠望到樂天塔。
經過Gommal橋（곰말다리），就會見到一個好似去咗童話世界嘅散景，呢度吸引咗唔少人嚟打卡。
8. 花園區
唔同季節嚟到都會開唔同嘅花，除咗一開始介紹嘅玫瑰廣場之外，公園入面仲有好多田園區等住大家。
野花坡（들꽃마루）
- 位置：玫瑰廣場行大約3分鐘
- 花季：罌粟5月至8月、波斯菊9月
由5月尾開始，呢座山上罌粟花就會盛開，秋天去就會係波斯菊，滿山遍地鮮花，加上附近冇高樓大廈，顯得呢度好寬闊，好難相信喺首爾市中心會見到咁嘅景。
野生花團地（야생화단지）
- 位置：漢城百濟站2號出口行大約15分鐘
- 花季：粉紅亂子草、波波草10月
只要一到秋天，打開IG就會見到好韓國人以波波草做背景嘅打卡相。
如果大家教好相機角度，就可以360度都係俾粉紅色的波波草圍住，影出嚟嘅相超夢幻。
9. SOMA美術館
- 位置：漢城百濟站2號出口
- 營業時間：10:00 - 18:00、星期一休息
- 入場券：成人₩3,000、青少年（13至24歳）₩2,000、小童（7至12歳）₩1,000
SOMA博物館就係喺漢城百濟站隔離，係一座兩層樓嘅現代博物館，成日都會舉辦展覽同其他活動。
10. 各種競技場
KSPO DOME
- 位置：邂逅廣場隔離
奧林匹克體操競技場
- 位置：KSPO DOME隔離
SK奧林匹克手球競技場
- 位置：邂逅廣場隔離
Woori金融藝術中心
- 位置：SK奧林匹克手球競技場隔離
除咗上述設施之外，仲有足球場、室內外網球場、籃球場，韓國體育大學、首爾體育中學等所有體育相關設施都喺呢度。
Olympic Hall
- 位置：奧林匹克公園站3號出口行大約5分鐘
KSPO DOME、SK奧林匹克手球競技場同奧林匹克體育場，經常作為Kpop演唱會、fans meeting等，係Kpop迷一定會去嘅景點之一！
奧林匹克公園體驗活動
1. 野餐
- 店名：CAFE AWESOME（카페 어썸피크닉）
- 營業時間：10:00 - 19:30
- 小Tips：地鐵8號線江東區廳站5號出口行大約5分鐘
奧林匹克公園附近有好多租野餐用具嘅Cafe，今次小編揀咗去「CAFE AWESOME」，由江東區廳站行過去只係5分鐘，再行去奧林匹克公園大約要20分鐘，如果唔想行都可以call的，費用大約係₩6,300。
小編去之前有先預約，加上可能係平日就唔需要等好耐，但如果係放假（週末）日子想去，可以事前透過Instagram問吓佢哋。
小編租嘅係野餐A Set（₩25,000），包括野餐墊、籃、迷你枱、木盤、人造花、明信片同藍牙喇叭。
不過要提提大家，食物同飲品係唔包，大家可以直按喺鋪頭買埋（或者去其他鋪頭買都得），最後小編揀咗1L美式咖啡（1 리터 아메리 카노 ₩4,500）同忌廉海綿蛋糕（생크림 카스테라 ₩5,000）。
當然除咗甜品，去野餐又點可以少咗炸雞呢？奧林匹克公園附近有兩間橋村炸雞，小編最後揀咗半半炸雞（ ₩19,000），除咗大家可以直接去舖頭叫之外，亦都可以用APP或者打電話。
奧林匹克公園廣場（近和平廣場）
邂逅廣場附近
因為奧林匹克公園場內比想像中大，建議大家先去附近買啲小食同飲品。
準備好晒所有嘢之後，就可以搵一個你最想坐嘅地方，佈置好之後可以去打卡啦！
2. 租單車
- 位置：邂逅廣場、和平廣場
- 營業時間：12月至2月 10:00 - 17:00、3月至11月 10:00 - 18:00
相信唔少人踩單車都會諗到去漢江，但其實奧林匹克公園都好多人去踩㗎，甚至仲有一架大嘅單車可以容納六個人。
奧林匹克公園附近
平和廣場附近
種類 | 人数 | 週末、公眾假期 | 平日 | |
4輪單車 | 3人用 | 30分鐘 | ₩13,000 | ₩9,000 |
60分鐘 | ₩20,000 | ₩13,000 | ||
6人用 | 30分鐘 | ₩20,000 | ₩13,000 | |
60分鐘 | ₩33,000 | ₩20,000 | ||
2輪單車 | 2人用 | 30分鐘 | ₩13,000 | ₩4,000 |
60分鐘 | ₩13,000 | ₩7,000 | ||
借單車要先買券，同時喺「個人資料同意書」表格寫姓名、聯絡資料，如果寫好就唔需要另外留外國人登錄證或護照抵押（但如果冇韓國電話號碼，就要抵押一啲個人物品）。
請注意，單車只能在公園外圍（黃線同藍線內）踩，公園係禁區，如果超時間會再另外收費。
奧林匹克公園附近景點/體驗活動推介
1. 樂天世界
樂天世界係韓國代表主題公園之一，喺蠶室站松理團路附近，內部裝修到好似去咗一個童話世界咁，就算唔玩機動遊戲，呢度都有好多值得打卡嘅位！
2. 梨花校服
梨花校服有好多款韓國制服或者校服，Produce 101、Produce 48中出現過嘅制服都有。等大家可以著住去樂天世界打卡！
3. 樂天世界塔觀景台
韓國第一高觀景台，距離地面500米，可以360度零死角欣賞首爾市景！
4. 樂天世界水族館
呢度總共有650種，55,000個海洋生物，可以見到白鯨、海獅、企鵝、魔鬼魚、食人魚、水母等稀有海洋生物。
要點先去到奧林匹克公園？
搭地鐵5、9號線去到奧林匹克公園站，喺3、4號出口出嚟。
搭地鐵8號線去到夢村土城站，喺1號出口出嚟。
搭地鐵9號線去漢城百濟站，喺2號出口出嚟。
唔知大家睇完，又有冇對奧林匹克公園了解多咗呢？想追星、打卡、散心等，呢度通通都做到，不如之反就抽少少時間去體驗首爾另一面啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk