江南校服 | 韓國校服體驗
想做返一日韓國中學生！去江南校服租返套校服影相啦！
Hello，大家好，我哋係由韓國人每日提供最新韓國旅行資訊嘅Creatrip。
去旅行點少得去主題公園玩！大家有冇發現，喺韓國去主題公園玩嘅時候，無論係韓國人定外國人有八成都會著校服呢？而就係因為咁，所以通常附近都會有好多可以租校服嘅地方，今日要介紹嘅就係位於樂天世界附近嘅「江南校服」！
「江南校服」資訊
- 地址：서울 송파구 올림픽로 293-19 408호
- 營業時間：09:00 - 21:30
- 可預約時間：09:00 - 18:00
- 語言：韓文、英文
「江南校服」推薦原因
- 提供超多款校服任君選擇，價錢仲唔貴！
- 著上韓國校服，體驗做一日韓國中學生！
- 可以著住校服去樂天世界玩，影返幾張靚相留念！
- 可以免費用儲物櫃，而且有提供中、英文服務指南，好方便！
「江南校服」價錢
| 全日 | |
| 2日1夜 | |
| 3日2夜 |
「江南校服」退款政策
| 預約後至體驗1日前取消 | 全額退款 |
| 體驗當日取消 | 不設退款 |
「江南校服」注意事項
- 請最少喺2日前完成預約。
- 租借校服時每人需要支付₩10,000保證金同留低身份證。
- [全日] 需要喺當日21:30前歸還校服。
- 價錢包括恤衫、褲/裙、上身外套（冷背心、開胸冷衫、長袖過頭笠冷衫中擇一），其他配飾需要喺現場額外俾錢。
- 最多可以免費試著2套，換size不在此限。
- 如果歸還校服時發現整污糟咗或者出現遺失情況，可能需要喺現場支付賠償費用。
- 為加快確認手續，預約嘅時候請準確選擇日期及時間。
- 同一時段最多可以有20位預約。
- 如有任何疑問或者想更改預約，請send email到help@creatrip.com查詢。
「江南校服」預約流程
| STEP 1. | 撳我預約 |
| STEP 2. | 請詳細輸入所有相關資訊。 |
| STEP 3. | 我哋會喺2個工作天內確認預約， 同時亦只接受體驗1日前申請更改或取消預約。 |
| STEP 4. | 請準時到達店鋪，向職員出示預約資訊。 |
| STEP 5. | 開始試衫 |
「江南校服」介紹
今日小編要帶大家去嘅係位於蠶室站步行5分鐘距離嘅校服租借鋪「江南校服」。「江南校服」新開冇耐，所以全部校服都勁新淨，而且環境都非常乾淨企理！
喺入口行入鋪頭之後就會見到有超多款校服，右邊更加有各種背囊俾大家用嚟襯衫，好似真係返咗去中學時代咁啊！
呢度都有幾塊鏡俾大家整理儀容，入口隔離嘅廁所亦都有捲髮棒同直髮夾可以用。
而校呔方面，呢度有提供普通領呔同煲呔，大家可以按照自己條裙嘅顏色嚟襯。
服務簡介同注意事項有韓文、中文、英文版本，唔需要擔心睇唔明，而且亦都寫得好詳細！
而蠶室「江南校服」另一個優點係，只要租借校服就可以免費用儲物櫃！大家可以將換落嚟嘅衫同比較累贅嘅行李放喺locker入面，咁就可以玩得開心，影得盡興啦！
小編上次去嘅時候揀咗一件粉紅色冷背心同灰色H字短裙嚟試，H字裙會有多一個扣可以調整腰圍，小編覺得呢個設計好貼心~
試身室總共有5格，紫色嘅門同全間鋪頭嘅風格都好夾~
試完就當然要對鏡影返張相啦！鏡附近會有LED燈，所以影出嚟效果都好靚~
小編著住校服，首先就嚟到樂天世界正門影咗張紀念照。「江南校服」位於蠶室站8號出口，而樂天世界正門就喺4號出口，行過去都幾近。
喺正門行入去會見到第二個影相位！
其實樂天世界每個位都好啱打卡，著住靚靚校服就更加上鏡啦！
小編第二套著嘅係黑色冷背心配A字短裙！著第一套嘅時候小編揀咗打普通領呔，而因為A字裙比較可愛活潑，所以就揀咗差唔多色嘅煲呔嚟襯返！個人認為兩套都好靚~
如果想租比較新淨嘅校服去樂天世界玩，推薦大家去蠶室「江南校服」！
「江南校服」前往方法
喺蠶室站8號出口行出嚟。
直行。
過第一條馬路。
即刻轉左。
直行。
靠右行，然後轉右。
直行。
你會見到第二棟大廈寫住「現代타워」，入去之後搭𨋢上4樓。
一出𨋢就會見到「江南校服」！
以上係「江南校服」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com