廣安里美食 | 紅蟹Day
唔洗HKD250就可以無限任食新鮮紅蟹同大蝦？仲有廣安大橋同東海靚景睇！
Hello，大家好，我哋係由韓國人每日提供最新韓國旅行資訊嘅Creatrip。
去得釜山玩，就當然要去食海鮮啦！當中小編最想推薦大家去食紅蟹同大蝦，今日就等小編介紹一間可以無限任食呢兩款海鮮嘅餐廳俾大家啦！
廣安里「紅蟹Day」資訊
- 地址：부산 수영구 광안해변로344번길 17-9 마린리치2 빌딩 6F
- 營業時間：11:45 - 21:30（Last Order 21:00）
- 可預約時間：12:00 - 20:00
- 語言：韓文、中文、英文、日文
廣安里「紅蟹Day」推薦原因
- 可以無限任食新鮮紅蟹同大蝦！
- 可以邊食海鮮邊欣賞廣安大橋同東海靚景。
- 曾經上過韓國著名電視節目，味道有曬保證！
- 透過我哋預約仲會送嘢飲！
廣安里「紅蟹Day」價錢
| 紅蟹放題 | 成人 | ₩38,900 |
| 小童 | ₩23,900 | |
| 幼童 | ₩8,900 | |
| 大蝦放題（6~11月） | 成人 | ₩38,900 |
| 小童 | ₩23,900 | |
| 幼童 | ₩8,900 |
※成人：13歲或以上、小童：7~12歲、幼童：6歲或以下
※紅蟹放題：只可以任食紅蟹，每人最多可以食20隻（成人平均食量為5~10隻）
※大蝦放題：只可以任食大蝦，提供鹽焗大蝦、鮮蝦刺身、炸蝦頭（無限）
※限時2個鐘。
廣安里「紅蟹Day」退款政策
| 預約後至到訪3日前取消 | 全額退款 |
| 到訪2日前取消 | 不設退款 |
廣安里「紅蟹Day」優惠
- 透過我哋預約，即免費送一枝飲品。
廣安里「紅蟹Day」注意事項
- 請最少喺2日前完成預約。
- 唔可以指定座位，座位將會以預約順序安排。
- 請向職員出示預約記錄，領取免費飲品。
- 如希望加購其他餐點，請喺現場支付所需金額。
- 預約時請確保已選擇正確日期及時間。
- 如果遲到超過10分鐘，預約將自動被取消，屆時將不設退款。
- 如果想更改預約，或者有任何問題，請send email到help@creatrip.com查詢。
廣安里「紅蟹Day」預約流程
| STEP 1. | 撳我預約 |
| STEP 2. | 請填寫所有相關資訊，我哋會喺1-2個工作天內確認預約。 |
| STEP 3. | 當日請準時到達，向職員出示預約記錄。 |
| STEP 4. | Enjoy！ |
廣安里「紅蟹Day」介紹
今日小編要介紹嘅無限任食餐廳係位於釜山廣安里嘅「紅蟹Day」！
因為餐廳位於海邊，所以需要搭巴士或者自己揸車嚟！不過嚟到呢度大家可以用相對比較平嘅價錢食到一樣咁新鮮高質嘅紅蟹同大蝦（仲要係放題！），如果好彩坐到窗邊位，仲可以睇到一覽無遺嘅廣安大橋同東海海景！
紅蟹放題 ₩38,900（成人價）
大蝦放題 ₩38,900（成人價）
通常講起無限任食，都會覺得食材未必咁新鮮，或者唔太衛生，不過「紅蟹Day」已經得過好多客人認證，更加喺2022年上過韓國著名飲食節目，大家完全唔需要擔心食物安全問題！
而且除咗紅蟹同大蝦無限任食，仲有各種新鮮海鮮料理可以叫。
餐廳佔地大，環境夠開揚，而且有好多張枱，就算係一大班人嚟都冇問題！
餐廳入面仲有一個放滿新鮮紅蟹嘅水箱，真係好期待啊~
小編去嗰日因為落雨，所以個天比較陰，不過反而個風景變得更加有mood！
每一枱都有部點餐機，連基本會提供嘅圍裙、手套、餐具、水等等都可以直接喺度order，唔洗專登叫侍應嚟！雖然小編有事先預約再嚟，不過都額外加點咗其他嘢食。
終於上菜啦！一碟有5隻紅蟹，睇落好新鮮！
「紅蟹放題」唔係淨係得紅蟹可以食，仲有魷魚水拌生魚片同青口湯，配住嚟食可以解膩，咁就可以食返夠本啦！
食紅蟹嘅方法好簡單，首先打開蟹蓋，然後將身體部份分成兩半，再將蟹腳搣落嚟。
喺蟹殼關節位啪開就可以掹到一條完整嘅肉出嚟！平時去食放題啲肉都好削，不過「紅蟹Day」嘅蟹每隻都啖啖肉又新鮮！
食完蟹之後大家如果覺得唔夠飽，仲可以另外叫份蟹膏炒飯，味道夠濃郁！
食紅蟹同大蝦，當然唔少得一杯燒酒啦！不過就算唔飲酒都唔緊要~ 透過我哋預約會送一枝嘢飲，大家記住要向職員換領啦！
廣安里「紅蟹Day」前往方法
以上係廣安里「紅蟹Day」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
