釜山必食美食總整理
去釜山玩啦！周圍都係美食嘅釜山，食咩好呢？釜山必食10項地道美食清單公開
Hello，大家好，我哋係由韓國人話你知每日最新韓國資訊嘅Creatrip。
＃2019＃釜山旅遊
＃美食＃釜山必食美食
釜山係韓國人必去嘅城市之一，海港城市唔少得嘅就一定有新鮮海產同辣味食物，仲有好多款小食。
首爾好似冇咩好明確可以代表首爾嘅特色食物（？）
但係一提到「釜山特色美食」，大部分嘅韓國人至少可以講到五個以上釜山特有嘅嘢食，嚟睇下自己食過邊啲啦！
✨馬上Follow我哋IG
instagram.com/creatrip.hk
釜山美食 Top 10
1. 豬肉湯飯
2. 堅果黑糖餅
3. 油豆腐包
4. 魚糕
5. 涼拌粉絲
6. 涼拌豬腳
7. 小麥冷麵
8. 東萊蔥餅
9. 烤盲鰻
10. 魚生
釜山美食：1. 豬肉湯飯
釜山美食入面，排名第二沒人敢稱第一嘅就係釜山豬肉湯飯啦。
「豬肉湯飯」甚至成為韓文入面嘅固有名詞，係最具代表性嘅釜山食物。
如果去釜山旅行，但冇食豬肉湯飯，咁就絕對唔算嚟過釜山。
大骨高湯入面加咁豬肉、豬內臟等製成嘅豬肉湯飯，口味清淡，所以韓國人會加入醃蘿蔔、泡菜一齊食。
喺釜山各地都有好多豬肉湯飯店，每間店都會有自己嘅特色，大家一定要食下啦。
通常賣豬肉湯飯嘅釜山美食店入面，都可以叫純豬肉湯飯，或者係加咗血腸嘅血腸豬肉湯飯、純血腸嘅血腸湯飯，各種類型都有，加埋韭菜味更香㗎。
釜山人成日話係首爾搵唔到好食嘅豬肉湯飯，可想而知，釜山人對於釜山嘅豬肉湯飯特別有自信～
可以話豬肉湯飯係釜山美食嘅第一把交椅。
釜山美食：2. 堅果黑糖餅
喺釜山必食嘅小食，就一定係堅果黑糖餅，呢個唔係一般嘅糖餅，入面加咗唔少堅果。
呢個小食嘅發源地係釜山，食落口感好正。
喺釜山南浦洞周圍都可以見到販賣呢款釜山美食「堅果黑糖餅」嘅鋪頭，味道都差唔多，搵冇咩人排隊嘅嚟食就得啦～
釜山美食：3. 油豆腐包
包住滿滿嘅魚糕嘅釜山美食「油豆腐包」，係嚟到釜山一定要食嘅小食，
喺富平罐頭市場呢度，周圍都可以見到賣呢種小食嘅鋪頭。
但大家應該會對油豆腐包覺得好陌生，其實呢個係一種湯料理，
柴魚煮嘅湯頭加兩塊油豆腐（即係平時食腐皮壽司嗰塊腐皮），最後加埋魚板，熱辣辣咁送上嚟。
至於油豆腐包入面裝咗咩呢？
有粉絲、洋蔥、菜、菇、肉餡同韓式醬，最後用水芹菜綁住，變成一個包裹嘅形狀，
係好平民、又好飽肚嘅釜山必食美食嚟～
釜山美食：4. 魚糕
呢一啲好似麵包嘅係咩嚟㗎呢？呢啲係釜山嘅代表美食「魚糕」。
魚糕同魚板唔一樣，釜山人好鍾意食魚糕，甚至出咗幾百種口味嘅魚糕。
喺首爾食，就唔一定可以食到咁多款口味添～
呢個係喺釜山先可以見到嘅景象，魚糕好似麵包咁陳列喺櫃上面等你嚟揀。
每一個魚糕入面都加咗好豐富嘅材料，而且各種口味、改良式嘅食法都有。
每次去釜山，都一定要食呢款釜山美食，因為真係有分超級多種口味，一試難忘～
每種都好好食，可以話係釜山獨一無二嘅代表美食。
釜山美食：5. 涼拌粉絲
記唔記得啱啱介紹過嘅油豆腐包呢？
一樣都係喺富平罐頭市場入面好出名嘅「釜山涼拌粉絲」，幾乎只可以喺釜山食到。
喺雜菜粉絲入面加埋辣醬、芝麻油同埋菜，口感好特別。
唔同一般嘅冷麵或者拌麵，釜山涼拌粉絲係熱辣辣咁上枱。
而且煮呢道菜嘅方法好簡單，又有少少辣，同釜山人嘅性格好類似，所以韓國人都成日都用涼拌粉絲形容釜山人。
釜山美食：6. 涼拌豬腳
同韓國一般豬腳料理唔同，涼拌豬腳係釜山嘅必食美食之一，
放咗豬腳、涼拌海蜇皮、水果同芥末醬油等等，
再用酸甜醬汁做成嘅釜山美食，擄獲咗唔少韓國人嘅心。
酸甜嘅涼拌海蜇，配埋冰涼嘅豬腳好啱用嚟做下酒菜。
大家嚟釜山旅行，一定要飲下釜山好出名嘅燒酒좋은데이，同朋友一齊去釜山富平豬腳街行下，享受下釜山人嘅生活啦～
不過點解釜山嘅涼拌豬腳咁出名呢？
其實本身呢道菜係為咗迎合大叔嘅口味，而整出嚟嘅創新料理，久而久之，就成為咗釜山代表美食啦～
釜山美食：7. 小麥冷麵
講到韓國冷麵，都會諗到用蕎麥粉整成嘅冷麵，但釜山嘅冷麵係用麵粉整嘅，所以又被稱為小麥冷麵。
其實對習慣熱食嘅人嚟講，冷麵可能比較陌生，但釜山美食「小麥冷麵」，保證大家一食就會愛上，
而且口感同平時嘅冷麵有少少唔同，平時唔鍾意食冷麵嘅人，都可以試下。
釜山人大部分喺食冷麵嘅時候，都會同水餃一齊食，喺釜山旅行嘅，就試下釜山人超愛嘅美食啦。
釜山美食：8. 東萊蔥餅
.jpg)
.jpg)
蔥餅（煎餅）可以話係韓國式嘅Pizza，而喺釜山嘅東萊區，呢度嘅釜山美食「東萊蔥餅」同其他地方嘅相比更厚，入面仲有好多食材。
韓國人都會一邊飲馬格利酒，一邊食東萊蔥餅。
不過因為東萊區距離觀光區比較遠，所以要用多啲時間先去到食啦～
釜山美食：9. 烤盲鰻
如果喺首爾要食生章魚，咗喺釜山就要食燒盲鰻。
雖然話兩個美食唔太一樣，但同樣都係新鮮嘅水產，喺釜山就唔可以唔食新鮮嘅生盲鰻啦。
不過比起生食章魚，釜山燒盲鰻好似冇咗殘忍？
釜山必食嘅燒盲鰻，主要有兩種食法，一係喺火爐上面燒，另一種就係用熱炒嘅方法去整。
呢個應該比生章魚更易接受～
雖然喺食呢款釜山美食之前，要睇住呢啲生盲鰻掙扎嘅過程，
但嚟到釜山旅行，又點可以錯過呢款咁新鮮嘅水產美食呢！
釜山美食：10. 海鮮料理
最後一項要同大家推薦嘅釜山必食美食，就係海鮮或者魚生啦～
嚟到釜山旅行千其唔可以錯過，而且仲可以用比首爾更平嘅價錢食到新鮮嘅海產。
如果問釜山人：釜山人都喺邊度食魚生？
大多數人都會答係去廣安里，嗰度有個「民樂漁民活魚直銷市場」，可以買完魚生，去附近嘅公園或者海邊食。
因為如果係直接去廣安里嘅魚生店，唔單止係外國人，連首爾人去都可能會做咗水魚，晒好多冤枉錢食魚生。
所以直接去市場格價、買魚生，比去鋪頭叫更加經濟實惠。
另外，如果唔敢食魚生，麵可以去釜山南浦洞嘅札嘎其市場附近，搵新鮮嘅海鮮定食套餐。
因為每間都有明確嘅標價，可以決定買唔買，食邊間，問好價錢，勇敢地嚟釜山食海鮮料理啦！
| 釜山海鮮市場 | |
 民樂漁民市場 |  札嘎其市場 |
今日介紹咗嚟釜山必食嘅美食種類，每一款真係喺韓國都係經典，
而且釜山物價比首爾低，全部都食晒嘅話都唔會洗好多錢lol。
咁多位，我哋下次見。
✨馬上Follow我哋IG
instagram.com/creatrip.hk
| 其他延伸閱讀 | |
 釜山包車推薦 |  釜山咖啡廳推薦 |
 甘川文化村探訪 |  釜山紅蟹吃到飽 |
 大創本月人氣品 |  高雄⇋釜山航班 |
