韓國12月天氣&穿搭小貼士
韓國12月天氣幾多度？首爾/釜山12月會唔會落雪，12月去韓國玩又有咩活動必做？
- 韓國12月天氣🔆
- 首爾12月最高/最低溫度🌡️
- 首爾12月會唔會落雪？❄️
- 釜山12月最高/最低溫度🌡️
- 釜山12月會唔會落雪？❄️
- 韓國12月穿搭/著衫小貼士🧥
- 韓國12月特別活動✨
- 飛韓國之前你仲需要...💡
Hello，大家好，我哋係由韓國人每日提供最新韓國旅行資訊嘅Creatrip。
終於嚟到冬天，相信唔少朋友都plan住呢個年尾嚟韓國玩！韓國12月天氣會突然變到好凍，但係到底會唔會落雪，又應該要點著先唔會凍親？快啲Save低今日篇blog，12月嚟玩之前參考啦！
12月推薦體驗/活動
🛍️韓國超市/百貨公司休息日
🦀️韓國必食醬油蟹餐廳推薦
⛷️韓國滑雪團特價熱賣中
👩🍳《黑白大廚(흑백요리사)》參賽者餐廳總整理
韓國各月份天氣&穿搭小貼士💡
1月 | 2月 | |
韓國12月天氣&穿搭小貼士
韓國12月天氣🔆
한국경제
由11月尾開始韓國氣溫會持續下降，跌穿0度，正式進入冬天！12月嘅韓國天氣比較乾燥同冰凍，如果冇風嘅話就還好，但係如果有風或者落雨嘅話體感溫度會更加低，就算小編住咗喺度咁耐都仲未適應到XD
불교방송
韓國天文台由入秋開始就開始預測2024年冬天氣溫會係點，而有專家預計今年最低氣溫會跌到零下18度，亦都有數據顯示今年平均氣溫會高過上年，相信只會凍一排，其餘時間都會相對地比較暖！
首爾12月最高/最低溫度🌡️
- 最高溫度：-7°C~16°C
- 最低溫度：-15°C~5°C
2023年12月首爾溫度（weatherspark）
首爾12月溫度基本上大同小異，平均溫度都係0度左右，不過間唔中出現寒流嘅時候最低溫度可能會跌到落負15度... 小編個人覺得只要唔跌到落零下，其實溫度都算比較可以接受，唔會真係凍到入骨。
首爾12月會唔會落雪？❄️
이투데이
相信呢個問題係最多人想問嘅問題！小編可以話俾大家聽，其實12月唔係韓國落得最多雪嘅時候，就算溫度低都未必會落。不過首爾上年12月相對地比較多雪，尤其係聖誕節正日更加係暌違8年再次出現嘅白色聖誕節，希望今年都會落啦！
釜山12月最高/最低溫度🌡️
- 最高溫度：-2°C~18°C
- 最低溫度：-9°C~5°C
2023年12月釜山溫度（weatherspark）
釜山進入冬季之後，12月溫度唔會好似首爾咁低，不過因為釜山係臨海城市，所以如果加埋海風嘅話體感溫度會更加低！如果大家plan住去釜山玩，記住唔好因為見到溫度數字冇咁低就放鬆，要做好防風保暖措施啦！
釜山12月會唔會落雪？❄️
2023年12月釜山下雪日（weatherspark）
通常釜山12月都唔點會落雪，上年都係得寒流來襲，氣溫跌到零下15度嘅時候先落咗少少雪...
韓國12月穿搭/著衫小貼士🧥
무신사
12月嚟韓國最重要係「防風」同「室外保暖」！因為韓國冬天室內同地鐵都會開暖氣，所以建議帶方便除/著嘅衫，另外最外面件外套一定要夠擋風同保暖！入面著件heatteach加長袖衫，外面著羽絨就差唔多啦！頸巾，帽同手套就因人而異，怕喺室外凍嘅話都可以準備定。
무신사
韓國最近呢幾年重新流行著短版羽絨，大家都可以喺韓國買返件！（不過當然如果突然跌到零下十幾度，韓國人都會著可以包住全身嘅長羽絨XD
韓國12月特別活動✨
滑雪
- 滑雪場開放時間：2024年11月尾/12月初~2025年2月尾
韓國冬天嘅重頭戲就當然係滑雪啦！韓國滑雪場基本上12月下旬開始就會係旺季，一路去到下一年2月，想要體驗滑雪嘅朋友們記住唔好錯過今年嘅滑雪季啦！
韓國聖誕慶典
조선일보
聖誕節喺韓國係公眾假期，亦都係每年年尾嘅重頭戲！韓國嘅聖誕氣氛早喺11月開始就會出現，四周圍都佈滿聖誕裝飾，一直去到年尾。如果大家12月會喺韓國，記住唔好錯過去聖誕景點同慶典打卡嘅機會啦！
韓國溜冰場/雪橇場
首爾廣場溜冰場（파이낸셜뉴스）
入冬之後，如果唔想走咁遠去滑雪場，由12月中下旬開始，首爾市區入面都會有溜冰場同雪橇場，入場費都相當平，有興趣嘅話記住plan埋落行程啦！
韓國跨年倒數
好多韓國人去到12月31號都會睇電視或者直接去街上倒數，不過多數人都會揀去睇元旦第一個日出，如果大家plan住喺韓國跨年，可以預約定日出團，輕鬆去韓國日出聖地睇超靚景色！
飛韓國之前你仲需要...💡
如果有更多想知嘅內容，都可以隨時留言或者dm話俾我哋知：）
Mail：help@creatrip.com