Hello，大家好，我哋係由韓國人每日提供最新韓國旅行資訊嘅Creatrip。
唔知大家之前嚟旅行有冇發覺，韓國其實都幾多中華料理餐廳呢？不過味道唔算完全中國風，而係有啲韓國風味嘅中國菜，如果大家之後嚟想試，小編會推薦以下呢幾款！有興趣嘅朋友就要繼續睇落去啦！
韓國風味中華料理
預約時共同注意事項
- 除咗唔可以送嘅地區之外，當我哋確認你嘅訂單之後係唔可以退款，另外就算係可以送嘅區域，根據當地情況可能都會送唔到，想知道最準確資訊，請加Line聯絡我哋，最後如果真係送唔到，我哋會100%退款。
- 14:00 - 21:00係可以預約外賣嘅時間，訂單可能會因為交通情況，早或遲30分鐘送到，請大家見諒！如果要改訂單，請喺送外賣當日預約時間3個鐘前聯絡我哋。
- 地址請詳細寫清楚房號（例如：A座 201洞 103號）如果只係寫大廈名冇寫房號，我哋好難會送到同唔會進行任何賠償。
- Line回應時間係13:30 - 21:00，我哋提供中文、英文、泰文、日文、韓文服務，其餘時間未必可以即時答覆。
- 落完單之後，請cap低訂單畫面，主動聯絡我哋（Line：@ creatreip），否則我哋無辦法得知係邊個落訂。
- 落單時，請寫清楚收件人姓名、聯絡方式，如果因為你寫錯，導致送唔到貨，我哋唔會退款，請確認清楚收件人喺預約日期同時間係可以收到，如果打電話去唔通，請再留意一下有冇keep貨嘅地方。
- 藝人宿舍或者公司、酒店、課室等地方送唔到。如果被退，我哋都係唔會退款。
- 因安全問題，唔可以送到上酒店房，請喺預約時間大廳等待領取餐點。
- 訂單可能會因為天氣惡劣（落大雪、落大雨等）或鋪頭無辦法避免嘅情況下，喺開始送外賣之前會取消。
- 根據唔同鋪頭嘅政策，部分地區可能會喺現場額外收送貨費，因為唔可以提前知道要俾幾多，如果碌唔到卡，請提前準備現金。（就算係想叫外賣俾在韓朋友，呢一點都要提前同收件人講一聲。）
1. 代叫「中華料理」外賣
由好耐之前，韓國人已經會成日叫炸醬麵外賣，喺上一輩世代，如果做到班長、持到好成績嘅時候，父母都會請食炸醬麵，不過而家只要係搬屋日子都會食，不過韓國同中國味道有啲唔同，大家又會唔會好奇想試吓呢？
叫中華料理好/壞處？
- 好處：款式多，甚至好多時可以叫半半料理（糖醋肉+炸醬麵 、糖醋肉+海鮮麵 ） ，1人份啱啱好，同時仲有埋飲品。
- 壞處：相對比較貴啲啲。
叫中華料理預約時注意事項
- 只可以送行政區市，如果想送其他地區，請用Line（@creatrip）聯絡我哋。
2. 代叫「香港飯店」外賣
「香港飯店」係由韓國名廚白種元擁有特許經營權，味道保證唔會令大家失望，好多世界各地嘅朋友都知道呢間，唔單止好有韓國味，而且價錢都一樣好合理。
叫香港飯店好/壞處？
- 好處：價錢算係平，因為係白種元經營，加上係連鎖店，味道一定有保證。
- 壞處：款式唔算好多。
叫中華料理預約時注意事項
- 只可以送首爾，如果想送其他地區，請用Line（@creatrip）聯絡我哋。
韓國中華料理代表
1. 炸醬麵（짜장면）
講到中華料理，第一個會令人諗到嘅應該就係炸醬麵，黑鼆鼆嘅醬甜得嚟又鹹鹹地，同麵撈埋一齊食超好味。
韓國炸醬料會用到切碎蔬菜、豬肉同其他醬一齊撈，俾嘅量相當多，可能食完麵都仲會淨好多醬汁。通常最後會加青瓜喺面，如果唔食嘅朋友，可以落單嘅時候講聲。
2. 辣海鮮麵（짬뽕）
同炸醬麵一樣稱為中華料理兩大山脈嘅辣海鮮麵， 呢道菜靈感來源有兩個唔同故事，一個係中國，另一個係日本長崎。
呢個料理係將海鮮、肉同各種蔬菜一齊炒，之後加入雞骨或豬骨湯底，最後加好多辣椒粉後而成。
湯底本身係辣得嚟又惹味，好多韓國人都鍾意食呢道菜嚟緩解壓力或當解酒。
3. 炒飯（볶음밥）
同香港炒飯會有啲唔同，韓國嘅通常會再加埋黑色炸醬。
有時想食好啲，小編會三鮮炒飯，裡面加咗蝦、魷魚等海鮮一齊食三鮮炒飯，份量會多啲易飽肚，另外叫炒飯都會免費送辣海鮮湯。
4. 糖醋肉（탕수육）
好多人食中華料理嘅時候，都會叫多一份糖醋肉，甚至韓國人仲會將佢分成부먹（將醬倒落似一齊食）或찍먹（點醬食）兩派。
如果之後同韓國朋友一齊食飯，大家都可以留意吓對方係邊一派。
5. 冷海鮮麵（냉짬뽕）
除咗熱食之外，海鮮辣麵都仲有加冰，凍食嘅版本。
食落口感更爽，而且因為係凍食，通常都係夏天先會有呢道菜。
6. 托盤炸醬（쟁반짜장）
呢個可以話係高級版炸醬麵，通常都係兩人份起跳，會加咗好多海鮮。
7. 炸餃子（군만두）
餃子會炸到金黃酥脆，通常比起就咁單叫，反而好多鋪頭都會當小菜咁送。
其他料理
１. 짬짜면（海鮮麵+炸醬麵）
如果大家成日都會十五十六，到底叫海鮮麵定炸醬麵好？ 不如下次就叫呢個짬짜면啦！一次過可以滿足到大家。
2. 탕짜면（糖醋肉+炸醬麵）
3. 탕짬면（糖醋肉+海鮮麵 ）
其實糖醋肉價錢都唔算平，細份都要₩12,000起跳，如果係一個人食飯，但又又想食糖醋肉，可以留意一下鋪頭會唔會有半半料理去揀(糖醋肉+炸醬麵 、糖醋肉+海鮮麵等)。
4. 탕볶밥（糖醋肉+ 炒飯）
5. 볶짜면（炒飯+炸醬麵）
半半除咗麵之外，飯其實都得㗎！
唔知以上介紹咁多款，大家又會最想試邊款呢？有興趣嘅朋友，都可以搵我哋代叫外賣，可以體驗一下韓國送餐有幾快！
如果有更多想知嘅內容，都可以隨時dm話俾我哋知：）
Instagram：creatrip.hk
