海雲台海岸列車正式面世
釜山SKY膠囊列車到底值唔值得去搭一次？打卡靚，但係.........
Hello，大家好，我哋係由韓國人每日提供最新韓國旅行資訊嘅Creatrip。
以前釜山嘅「東海南部線」，而家由曾經被棄置嘅尾浦站，連同清沙浦、松亭站重新串連一齊，變成全新嘅海雲台藍線列車！大家唔單只可以喺車上面欣賞海景之外，仲可以輕鬆咁去海雲台附近嘅景點。
正式睇文章之前，請先參考以下注意事項：
- 我哋冇提供訂飛服務，請自行喺官方網站（撳我）購買。任何訂飛問題、使用說明等，請自行詢問海雲台觀光列車官方。
- 如果冇事前訂飛，可以喺現場買（但唔保證現場仲有將多張）。
海雲台觀光列車
- 地址：부산 해운대구 중동 947-1
- 營業時間：首班車 9:30（由9:30開始每30分鐘預約一次）
- 最後一班
時期 | 由尾浦出車 | 由松亭出車 | SKY膠囊列車 |
11月至2月 | 19:00 | 18:30 | 18:00 |
3月、4月、10月 | 19:30 | 19:00 | 18:30 |
5月、6月、9月 | 20:30 | 20:00 | 19:30 |
7月、8月 | 21:30 | 21:00 | 20:30 |
- 費用
SKY膠囊列車 | |||
尾浦、青沙浦 | |||
單程 | 2人 | 2人 | 4人 |
30,000 | 39,000 | 44,000 | |
海雲台觀光列車 | |||
尾浦、迎月步道、青沙浦、天空展望台、九德浦、松亭 | |||
1人 | 1次 | 2次 | 無限 |
₩7,000 | ₩10,000 | ₩13,000 | |
SKY膠囊列車（1次）+ 海雲台觀光列車（無限次） | |||
尾浦 ⇄ 青沙浦 | |||
人數 | 2人 | 3人 | 4人 |
| 費用 | ₩50,000 | ₩66,000 | ₩80,000 |
海雲台觀光列車介紹
要去搭海雲台觀光列車好簡單，喺海雲台海灘向東行，會經過一間7-11便利店，沿住斜坡行會去到一條通往海雲台藍線公園小路。
跟住指示行會見到通往尾浦車站（미포정거장）嘅路， 呢度係海雲台藍線公園火車線起點。
入到去之後可以先去售票處買車票，如果擔心要排太耐隊，一開始可以先喺網上預約。
開始排隊等上車。
SKY膠囊列車有唔同顏色（綠、黃、藍、紅）相當可愛， 坐住佢就好似去咗遊樂場咁，不過佢郁得超慢，由尾浦去青沙浦大約用咗30分鐘，同本身就咁行過去時間差唔多。
兩個人坐一架車會相當闊落，不過4個人坐嘅話可能會有啲逼。如果覺得太熱，大家亦可以手動打開窗通風。
由尾浦去青沙浦嘅路程風景好靚，大家可以慢慢欣賞釜山海岸線全景，相當Healing。
由SKY膠囊列車望落去會見到有一條行人道，呢條路曾經其實係一條古老火車軌道！
當就見到一紅一白嘅燈塔就表示好快去到青沙浦。
返去嘅時候，如果覺得坐SKY膠囊列車太慢，可以坐海岸列車，用另一個角度欣賞釜山景色。
另外如果想去青沙浦，除咗以上兩個列車之外，亦可以揀行過去，或者搭巴士。
海岸列車介紹
小編係日落時由青沙浦站上車，當時景色真係超靚。
由青沙浦返番去尾浦搭海岸列車只係需要10分鐘，比起 Sky Capsule列車係快好多，不過當日太多人，小編只可以坐後面。
不過如果真心比小編揀，小編個人會比較推薦大家坐 Sky Capsule列車，因為坐海岸列車，好多景都會被樹遮住，睇唔到太多。
過往如果要由海雲台去青沙浦、松亭都要搭巴士或者火車，但而家有咗輕軌就可以方便啲到目的地之餘，又可以睇靚景！唔知大家期唔期待呢個新打卡點呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk