Hello，大家好，我哋係由韓國人每日提供最新韓國旅行資訊嘅Creatrip。

最近喺香港嚟韓國終於唔使簽證，相信好多朋友都會想嚟韓國玩返轉。而大家無論喺嚟韓國定返香港都一定會經過仁川機場，但係人生路不熟，又未必個個都識韓文，要點樣先可以順利來往機場呢？

今日小編就為大家重新整理咗2024年最新嘅仁川機場巴士資訊，巴士路線、價錢、時間表全部都有，最近要嚟玩嘅朋友記住要mark低啦！

一大班人嚟玩？
包車出首爾仲抵過搭機場巴士！

仁川機場巴士攻略

乘搭機場巴士注意事項

機場巴士同普通巴士一樣，可以用現金或者T-Money俾錢，而小童嘅車費會平少少，建議大家有需要嘅話，可以同司機講聲。

喺疫情嘅影響之下，仁川機場巴士服務曾經一度暫停，不過隨住疫情放緩，多咗旅客嚟韓國玩之後，幾乎全部機場巴士服務都恢復正常啦！而每個機場巴士站牌都已經貼咗新嘅指示牌，有需要嘅朋友，可以事先確認吓住嘅地方附近有冇機場巴士站，同埋大概幾耐會有一班車，咁就唔怕會耽誤到行程啦！

例如你班機12點起飛嘅話，我哋建議你10點半就要到機場辦理登機手續，所以8點半左右就要上到機場巴士㗎啦。同埋如果撞正返放工時間，仲有可能會塞車，所以大家記住時間要預鬆啲，同埋要事先check好巴士時間表啊！

查詢仁川機場巴士時間表方法

• 查詢網站：仁川機場官網（中文版）

大家如果想要再confirm清楚有關機場巴士嘅資訊，可以參考仁川機場嗰homepage，除咗可以check到來往首爾嘅機場巴士路線同埋時間表，仲可以睇到來往首爾以外城市嘅巴士路線。

不過上述所講嘅時間表，係機場巴士喺仁川機場出發嘅時間，如果大家係打算喺首爾市區搭機場巴士入機場，但又想知幾時有巴士，可以用Naver Map之類嘅交通App，咁就可以實時睇到架巴士開到邊、幾時會到站等等嘅資訊啦！

仁川機場巴士日間路線

※ 資訊於2024.02.29更新， 實際班次時間以現場為準。

仁川機場巴士6001

• 行經：仁川機場T2、仁川機場T1、新龍山站、三角地站、南大門市場（會賢站）、明洞、忠武路站、東大門歷史文化公園站
• 車費：₩17,000
• 班次：大約30-40分鐘一班

仁川機場巴士6002

• 行經：仁川機場T2、仁川機場T1、合井站、弘大入口站、新村站、梨大站、光化門、鐘路、東大門站、東廟站、清涼里站
• 車費：₩17,000
• 班次：大約15分鐘一班 

仁川機場巴士6003

• 行經：仁川機場T2、仁川機場T1、金浦機場、江西區、木洞站、九老站、九老區廳、大林站、新林站、首爾大學 
• 車費：₩16,000
• 班次：大約20分鐘一班 

仁川機場巴士6004

• 行經：仁川機場T2、仁川機場T1、光明KTX站、始興十字路口、加山數碼園區站等
• 車費：₩17,000
• 班次：大約30-50分鐘一班

仁川機場巴士6005

• 行經：仁川機場T2、仁川機場T1、數碼媒體城站、西大門區廳、Grand Hilton Hotel、獨立門站、Shilla Stay、首爾市廳等
• 車費：₩17,000
• 班次：大約90分鐘一班

仁川機場巴士6006

• 行經：仁川機場T2、仁川機場T1、狎鷗亭、清潭站、蠶室站
• 車費：₩17,000
• 班次：大約30-60分鐘一班

仁川機場巴士6007

• 行經：仁川機場T2、仁川機場T1、堂山站、永登浦 Time Square、永登浦站、首爾康萊德酒店、首爾費爾蒙大使酒店、汝矣渡口站、Kensington Hotel、國會議事堂/GLAD Hotel
• 車費：₩17,000
• 班次：大約60分鐘一班

仁川機場巴士6009

• 行經：仁川機場T2、仁川機場T1、新沙站、論峴站、新論峴站、江南站、驛三洞、道谷站、三星首爾病院 
• 車費：₩17,000
• 班次：大約30-40分鐘一班

仁川機場巴士6010

• 行經：仁川機場T2、仁川機場T1、二村洞、漢南站、金湖十字路口、往十里站（城東區廳）
• 車費：₩17,000
• 班次：大約1個鐘一班

仁川機場巴士6011

• 行經：仁川機場T2、仁川機場T1、麻浦區廳站、延世大學、梨花女大後門、景福宮站、安國洞、昌德宮、漢城大入口、仁德大入口 
• 車費：₩17,000
• 班次：大約1個鐘一班

仁川機場巴士6013

• 行經：仁川機場T2、仁川機場T1、首爾林、建大入口站、兒童大公園、君子站
• 車費：₩17,000
• 班次：大約50分鐘一班

仁川機場巴士6015

• 行經：仁川機場T2、仁川機場T1、麻浦站、忠正路站、會賢站、乙支路2街站、忠武路站、明洞站 
• 車費：₩17,000
• 班次：大約30分鐘一班

平日

週末及公眾假期

仁川機場巴士6017

• 行經：仁川機場T2、仁川機場T1、九老數碼園區站、新大方站、首爾大入口站、首爾大學
• 車費：₩17,000
• 班次：大約1個鐘一班

仁川機場巴士6019

• 行經：仁川機場T2、仁川機場T1、汝矣島、崇實大入口站、二水站、內方站
• 車費：₩17,000
• 班次：大約1個鐘一班

仁川機場巴士6020

• 行經：仁川機場T2、仁川機場T1、新盤浦站、高速巴士客運站、教大站、江南站、驛三站
• 車費：₩17,000
• 班次：大約45分鐘一班

仁川機場巴士6103

• 行經：仁川機場T2、仁川機場T1、COEX都心機場（中途不停站）
• 車費：₩18,000
• 班次：大約30分鐘一班

仁川機場巴士6200

• 行經：仁川機場T2、仁川機場T1、蠶室站、千戶站、、江東站、河南黃山
• 車費：₩17,000
• 班次：大約25~65分鐘一班

仁川機場巴士6300

• 行經：仁川機場T2、仁川機場T1、水西站、可樂市場站、奧林匹克公園站、高德站
• 車費：₩17,000
• 班次：大約30分鐘一班

仁川機場巴士6701

• 行經：仁川機場T2、仁川機場T1、麻浦站、孔德站、光化門、市廳站、乙支路入口站
• 車費：₩18,000
• 班次：大約30分鐘一班

仁川機場巴士6702

• 行經：仁川機場T2、仁川機場T1、孔德站、首爾站、白凡公園、Grand Hyatt Seoul
• 車費：₩18,000
• 班次：大約60分鐘一班

仁川機場巴士6703

• 行經：仁川機場T2、仁川機場T1、西萊村入口、新論峴站、宣靖陵站、恩奉寺站、三成站
• 車費：₩18,000
• 班次：大約60-90分鐘一班

 仁川機場夜間交通攻略

離開機場之前...

去旅行之前相信大家都要準備好多嘢，除咗買機票同book酒店，換錢、買Sim卡同交通卡都係必做動作之一！而家呢三樣野可以一次過喺機場搞掂曬，價錢仲平過坊間其他服務，想慳時間慳錢不妨可以參考吓！

韓國機場換錢預約服務

平時大家都要走到首爾市區先可以用比較好嘅匯率換到錢，其實都真係幾嘥時間。透過我哋預約換錢可以直接喺機場以最平、最快、最方便方式攞到錢，即刻開始韓國之旅！大家仲可以事先用我哋嘅匯率計算機計可以換到幾多錢，仲會話你知可以慳到幾多！

SIM卡&WIFI蛋

去旅行冇data上網真係好唔方便！呢個時候大家應該都會事先買定韓國本地SIM卡或者租定WIFI蛋，我哋網站有一系列價錢實惠得嚟網速夠快嘅產品，仲可以一到埗就直接喺機場攞！

韓國SIM卡&WIFI蛋 | 撳我即買

交通卡

通常大家喺首爾玩都會選擇搭公共交通工具，手上有返張交通卡會方便好多！唔想出到首爾市區先臨急臨忙買？大家可以考慮透過我哋預訂交通卡，一到埗30秒內就可以即時拎到！

🐻Creatrip X BELLYGOM 限量聯名交通卡

今次我哋爭取到同韓國超紅卡通人物BELLYGOM合作推出限量又獨一無二嘅交通卡，搭車同喺便利店+指定店鋪消費都可以用到！仲會先幫你入定₩5,000，等你可以攞到即用！大家可以透過Creatrip App隨時確認餘額&交易記錄，夠曬方便！

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購