海雲台「伍班長烤肉」介紹

海雲台「伍班長烤肉」介紹

• 地址：부산 해운대구 구남로24번길 20
• 營業時間：11:00 - 04:00
• 小Tips：由海雲台5號出口出嚟之後直行，見到GS25之後轉右直行，行前少少就會見到「伍班長燒肉」就喺右手邊。

為咗避開繁忙時間，小編當日係平日朝早11點左右到（朝早食燒肉其實幾爽 ）

小編以為咁早去會冇咩人，點知原來已經有幾枱客喺度食緊。

呢度係用炭火燒，大家可以將自己嘅袋或者外套擺入櫈下面，咁就唔怕會有好大油煙味。

望到呢張相真係諗起都流晒口水，將肉擺上爐度燒，側邊會有蒸蛋，另外一邊可以放泡菜或者大豆芽等。

將燒好嘅肉，加埋菜、其他小菜一齊食，肉好嫩又juicy，超好味。

冷麵（살얼음동동국수) (₩5,000)（約HKD 30）

喺韓國，好多韓國人食燒肉嘅時候，都會叫冷麵一齊食。呢度嘅麵好煙韌，一啖肉一啖麵，呢個組合完全係冇得輸。

太陽蛋飯（공기밥) (₩1,000)（約HKD7）

平時其他地方提供嘅飯可能只得白飯，但呢度會送埋雞蛋，將佢哋撈勻，再同肉一齊食，一樣都係好好味。

食飽諗住走嘅時候，出到嚟仲有幾隻貓貓跟住我哋，超可愛。