望遠美食｜With Yen
望遠市場「With Yen」探訪，一人品茶好滋味
Hello，大家好，我哋由韓國人每日提供最新韓國旅行資訊嘅Creatrip。
如果本身對茶同咖啡有興趣嘅朋友，今日小編要介紹嘅呢一間With Yen （연이랑 커.차.그）餐廳一定唔可以錯過！
好多人試完都會再度探訪，到底佢有咩吸引力？咁大家就要繼續睇落去啦！
望遠美食「With Yen」資訊
- 地址：서울 마포구 월드컵로13길 19-23
- 營業時間：11:00 - 20:00
望遠美食「With Yen」優惠
- Creatrip會員下載優惠券，即可享有結帳金額9折優惠。
望遠美食「With Yen」推薦理由
- 如果對於茶類飲品有與趣嘅朋友，嚟呢度一定好適合你。
- 睇得又食得，只要一post ig一定會有好多人like。
- 同望遠站好近，交通好方便。
望遠美食「With Yen」位置
- 地址：서울 마포구 월드컵로13길 19-23
- 小Tips：望遠站2號出口出嚟之後行1分鐘左右。
「With Yen」食記
原本呢度係主打食韓國菜，餐廳名叫做（연이랑 한끼），不過佢而家翻新咗，改咗做茶店叫做（연이랑 커.차.그）
커.차.그 其實全名係 커피와 차를 그리다，意思係想指令人會掛住嘅咖啡同茶，相當有意思。
入到去大家會發現呢度有好多傳統裝飾，俾人一種好復古同舒服嘅感覺，而且呢度嘅茶杯同茶壺都係由老闆自己設計。
因為呢度擺滿好多茶具，所以大家行嘅時候可能都要小心啲。
如果有鍾意嘅茶杯，大家亦都可以直接喺度買。
除咗杯之外，如果試完呢度嘅茶葉覺得唔錯，都可以直接喺度買，好多人喺度飲完之後，都會不斷回購。
鋪頭店面唔大，所以嚟之前最好先喺IG（撳我）聯絡老闆留定位。
呢度有坐檯式同坐地下式兩種，如果想體驗更有韓國傳統風味，咁就一定要揀坐地下式。
因為呢度只係得一個menu，所以一坐底職員就會準備4個茶杯，總共會分咗3個步驟，第一係迎賓茶、第二係綠茶、第三係Hoji茶。
PS：迎賓茶會因應唔同季節而有所變動，春季係綠茶、夏季係白茶、秋季係烏龍茶、冬天係紅茶。
因為小編係春天嘅時候去，所以第一杯係綠茶。職員會好細心咁沖完再俾大家飲，同時仲會附上一個小食，餅乾因為太大塊，所以要木錘大到細細塊咁食。
第二杯係抺茶，配上韓國傳統甜糯米同羊羹一齊食真係別有一留風味，抺茶冇加任何奶，所以可以飲到好濃郁嘅抺茶味，同時亦可以減少油膩感。
之後第三道菜係hoji茶同沙律，大家唔好以為佢只係普通沙律咁簡單，佢上面仲放咗少少飯同茶葉，食嘅時候會覺得好香。
可能好多人會覺得怪，但食嘅時候真係好有驚喜，口感好特別，小編好快就食曬成碗。
食完沙律就可以飲最後一杯茶，佢有啲似係冰滴咖啡咁，當佢滴完之後就可以飲。
另外好似上圖用咗蛋、蝦、肉等去整嘅呢度料理叫做（오방색），喺以前國王先會食嘅食物，佢同Hoji茶一齊食會好夾。
飲曬所有茶之後，職員仲會送上一塊黑朱古力俾大家當係甜品。
除咗茶之外，呢度仲有賣各式各樣嘅咖啡豆，有興趣嘅朋友都可以買嚟試吓。
對於任何關於咖啡豆嘅問題，大家都可以直接問職員，佢哋都會好樂意同友善咁答大家。
如果本身鍾意茶同咖啡嘅朋友，千祈唔好錯過呢度啦！
望遠美食：With Yen菜單
菜單 | 價格 |
茶道 | ₩17,000 |
點先可以享有望遠美食：With Yen 9折優惠？
現場消費Click下面網址下載Creatrip專屬優惠券，出示畀店員睇即可享有獨家優惠。
以上係望遠洞「With Yen」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com