天空公園總整理
天空公園一年四季唔同景色！唔同季節主要係影啲咩花呢？
Hello，大家好，我哋係由韓國人話你知每日最新資訊嘅Creatrip。
首爾有唔少公園，不過講到秋天一定會去打卡嘅又點可以唔提天空公園呢？呢度出名影芒草，唔少韓國人同遊客都會嚟打卡！今日小編就到大家講吓呢度有咩咁特別啦！
「天空公園」簡介
- 地址：서울 마포구 하늘공원로 95
- 營業時間：05:00 - 20:30（毎個月都會有變動）
| 1月 | 2月 | 3月 | 4月 | 5月 | 6月 | |
| 開放 | 7:00 | 7:00 | 6:00 | 5:30 | 5:00 | 5:00 |
| 關閉 | 18:00 | 18:30 | 20:00 | 20:00 | 20:00 | 20:30 |
| 7月 | 8月 | 9月 | 10月 | 11月 | 12月 | |
| 開放 | 5:00 | 5:30 | 5:30 | 6:00 | 6:30 | 7:00 |
| 關閉 | 20:30 | 20:30 | 20:00 | 20:00 | 20:00 | 18:00 |
天空公園電動接駁車
坐住呢架天空公園電動接駁車，可以由入口上到公園頂部，慳返唔少腳骨力㗎！
- 上車位置：서울 마포구 월드컵로 365
- 運行時間：夏季（3至11月) 10:00 - 20:00、冬季（12至2月）10:00 - 18:00
- 班次：10 - 20分鐘一班
- 費用：大人（單程₩2,000/來回₩3,000）、小童（48個月以上、小學生以下）單程₩1,500 、來回₩2,200
公園入口有售票處，大家可以直接喺櫃檯或者用無人機去買，用現金或者碌卡都得，除咗韓文之外，機器上面仲有另設英文，唔需要擔心睇唔明。
喺售票處嘅對面就可以等坐接駁車，通常10至20分鐘就會有一班。
上到頂之後呢度都會有售票處同無人機器，不過呢度只可以買落返去嘅車飛。
不過如果大家想強身健體，都可以選擇唔搭接駁車，行樓梯上去，總共有291級樓梯，大約行20分鐘就會到。
天空公園內設施
1. 停車場便利店
天空公園入口停車場就有一間便利店，呢度最特別就係有拉麵機，可以坐喺出面露天台食（不過因為枱嘅數量唔多，有時可能要等。）
2. 天空庭園
天空公園頂部旅遊中心隔離有一間細細地嘅舖頭，呢度主要賣零食同埋咖啡等。
「天空公園」介紹
天空公園種植咗各種植物，每一個季嚟到都會見到唔同景色。
- 4月：櫻花、一串花、杜鵑花
- 5月：油菜花、紫藤花
- 9月尾至10月：向日葵、波斯菊、芒草、粉紅波波草
由5月到秋天之前，會見到成個地區都係綠油油青草地，寬闊草原一望無際。秋天除咗有最出名芒草之外介有向日葵、粉紅波波草等五顏六色植物盛放。如果你想睇到最靚嘅景色，小編會推薦大家可以喺春季或9月底至10月期間參觀。
每年10月韓國都會舉行芒草節，為咗保護公園內生態系統，通常只會開放到20:00左右，但喺節日期間會開放到晚上22:00， 有時仲會有音樂會、工藝品展覽、攝影比賽等，相當熱鬧。
天空公園係世界杯公園五個主題公園之一，每年10月都會舉行芒草節，秋天吸引唔少遊客吸打卡。
上到去仲可以望到另一面嘅首爾市景，相當療癒！
一開始講到，呢度會有一架接駁車可以上到公園頂部，不過佢比想像中細，坐到嘅人數有限，如果係旺季去，可能要等好次先上到車，如果天氣唔太熱，小編都會推薦大家可以行上去。
當日小編唔使等好耐就上到車，坐最後嘅位，仲可以咁靚嘅景！
落車之後對面就係公園入口。
天空公園就係因為天空望上去靚而改，不過因為小編5月時候去，所以見到嘅係綠油油草坪。
只要一到秋天黃昏，呢個時候係最多人去打卡，望住太陽落山，配上一大片芒草景，吹住風，成個人都超relax！
為咗環保而建嘅天空公園，裡面設施唔多，只係得細鋪頭同廁所，中間只係得啲打卡位同長櫈俾大家坐底休息。
公園南邊有幾個觀景台，可以望到漢江，無論係朝早、日落定係夜景都好靚
「天空之盤（하늘 을 담는 그릇）」係公園入面最出名嘅觀景台，獨特外型，望落就好似一個盤咁。
5月嘅時候會見到有啲紫藤花掛喺觀景台上面。
上到觀景台，除咗可以睇清天空公園嘅景之外，仲可以睇到遠方建築同山脈，非常壯觀。
場內嘅路幾乎都係平坦，就算係坐住輪椅上去都冇問題。
秋天除咗芒草，粉紅波波草一樣都係指定打卡地方，相信係呢度應該會影到唔少人生照。
Instagram ＠joopic_
之前小編去過幾時太晏去都超多人，如果可以推薦大家早啲去會比較好
天空公園一年四季都有唔同景色，每次去都會令人期待同興奮，唔知大家之後又會想幾時去呢？
天空公園設施
1. 洗手間
天空公園場內大，不過都有好幾個洗手間，通常都係喺啲邊邊位。
- 停車場
- 遊客中心
- 公園東邊展望台
2. 遊客中心
公園入口附近就係遊客中心，有任何疑問都可以喺度問到，同時因為位置有啲高，喺上面望落去又係另一個景！
3. 租單車
喺世界盃體育場站同天空公園路上有可以租借首爾公用單車嘅地方，不過因為天空公園係上坡路，如果踩上去應該會好辛苦
*提提大家：週末及公眾假期係禁止踩單車*
4. 附近大型鋪頭
天空公園入口只有一啲小型鋪頭，去到旺季幾乎好難先會入到去，如果想去大啲，可以去和平公園附近。
和平公園廣場前面仲有一間叫做Tammy House嘅小食店，有賣熱狗、烏冬、咖啡等。
戶外仲有準備唔少枱俾大家坐座慢慢食，最後小編買咗一個漢江拉麵（₩3,500）同一支梳打（₩2,500），食完即刻叉返哂電！
5. Homeplus
世界盃體育場站1號出口出嚟望右邊就會見到有一間超大Homeplus，如果唔想上到去又同人逼，可以試先喺度買啲飲品或小食，再唔係行完天空公園再落返嚟掃貨都冇問題！
世界杯公園有分成五大個，當中包括有：天空公園、和平公園、蘭芝川公園、彩霞公園同蘭芝漢江公園。每個公園都好大，好難用一日會去得哂，當中和平公園同天空公園就喺附近，有興趣嘅朋友可以兩個都去，親親大自然。
天空公園附近美食推介
1. With Yen（연이랑 커.차.그）
如果本身對茶同咖啡有興趣嘅朋友，一定要去呢間With Yen餐廳。
2. 望遠那裡（망원 그곳）
呢度嘅氣氛、食物、酒類都好正，而且帶有一種復古感，超有個性，嚟呢度絕對唔會令你失望！
3. 台灣一人火鍋專賣店（타이완웨이）
如果嚟到韓國想打邊爐，小編推薦大家可以去食台灣一人火鍋專賣店！
要點先去到天空公園？
搭地鐵坐6號線去到世界盃體育場，之後去1號出口。
沿住左邊嘅停車場一直直行。
直接穿過停車場。
之後過馬路。
直行5分鐘之後會見到十字路口，之後轉左。
過馬路之後轉右。
之後會見到天空公園停車場，，向公園入口轉左。
行大約1分鐘就會見到電動接駁車售票處。
如果之後嚟韓國，大家睇完又會唔會想去返一轉天空公園呢？
如果有更多想知嘅內容，都可以隨時dm話俾我哋知：）
Instagram：creatrip.hk