首爾旅行：弘大望遠洞
韓國旅行必去！弘大望遠洞景點、美食介紹（望遠市場、望遠咖啡廳）
Hello！大家好，我哋係由韓國人每日提供最新韓國旅遊資訊嘅Creatrip。
今日想為大家介紹韓國最近好多人去嘅「望遠」，相信大家對呢個名一定唔陌生。
首爾眾多傳統市場入面，望遠市場有好高嘅知名度。
不過今次要帶大家了解嘅唔係只有望遠市場，而是大範圍嘅望遠，希望大家會鍾意。
✨馬上Follow我哋IG
instagram.com/creatrip.hk
首爾弘大望遠洞——望遠嘅由來
世宗在位時嘅朝鮮時代，佢嘅兄長孝寧大君，喺自己嘅別墅入面，起咗一個亭。
喺1425年，因為雨水唔夠，農作物失收。
世宗大王出巡考察個陣，喺呢個涼亭休息，咁啱落起大雨。
農地因而重獲生機，世宗大王就將呢個涼亭命名為「喜雨亭」（희우정）。
1484年，朝鮮成宗嘅兄弟月山大君擁有呢個亭個陣，就改咗做「望遠亭」（망원정），意思係「可以望到更遠嘅景色」。
就係呢個地區——望遠（망원）嘅由來。
@ cafe.naver.com/realdslr/517016
首爾弘大望遠洞——望遠地理位置
望遠係麻浦區嘅一個洞，洞入面嘅地鐵站主要有首爾地鐵六號線嘅「望遠站」（망원역）、「麻浦區廳站」（마포구청역），
同時喺漢江附近，由「城山大橋」（성산대교）連接到永登浦區。
附近係旅遊熱門景點嘅合井站同埋弘大入口站，唔少遊客都會將「望遠洞」作為韓國首爾旅行入面嘅一部分。
首爾弘大望遠洞——望遠嘅興起
對韓國人嚟講，望遠其實就只係一個洞（地理名詞），就好似自己住喺首爾其他地方嘅洞一樣，平時冇事根本唔會去。
最多最多，都係知道呢度有個「望遠市場」，但都好少會特登去。
不過，隨住弘大商圈人流太多，韓國人開始向弘大周邊挖掘。
加上有好多外國遊客，睇咗《RUNNING MAN》或者其他藝人嚟到望遠市場，令望遠洞開始熱鬧起嚟。
種種原因加埋一齊，望遠最近開始成為首爾人休閒時間會去嘅地方。唔單止有熱門嘅望遠市場，韓國人都挖掘咗唔少望遠隱藏嘅景點。
首爾弘大望遠洞——望遠景點：1. 望遠市場（망원시장）
地址：지번주소 서울특별시 마포구 망원동 411-2
望遠市場係望遠地區最熱門嘅景點之一，由首爾地鐵六號線望遠站（망원역）二號出口出嚟之後，步行大約十分鐘，就可以抵達望遠市場嘅入口。
到咗轉角之後，地圖上面嘅紅色區域，同埋周邊，其實都係望遠市場嘅綜合範圍，建議大家可以周圍行下睇下。
望遠市場嘅特色，就係可以有好平嘅價格買到各種韓式小食。
對當地人嚟講，望遠市場係個生活中不可或缺嘅地方，除咗熟食之外，呢度都可以買到好多蔬菜、生果，同埋一啲生活雜物，呈現咗好地道嘅生活樣貌。
其實講真，望遠市場係首爾咁多個傳統市場入面，比較冇特色嘅一個。
佢唔似其他傳統市場，各有各嘅觀光特色。
不過正正因為只有當地人先會，而且同出面相比物價較平，先令望遠市場可以屹立不倒，吸引更多觀光客同首爾人嚟。
＠延伸閱讀：望遠市場、望遠市場小吃 TOP 3
首爾弘大望遠洞——望遠景點：2. 味量價（맛양값）
地址：서울특별시 마포구 동교로9길 44
同樣位於望遠站2號出口嘅「味量價」，嚟韓文意思，代表咁「好食、大份、平價」。
店入面主打係漢堡排搭面食或者飯類嘅套餐，係唔少人嚟到望遠必去嘅地方。
首爾弘大望遠洞——望遠景點：3. ZAPANGI（자판기）
地址：서울특별시 마포구 월드컵로13길 79 해오름 주상복합
@ instagram / zapangi_official
大家可能對呢張圖唔陌生，呢間店係韓國好出名嘅Cafe ZAPANGI。
呢間Cafe嘅象徵，係呢對粉色販賣機嘅門。
唔少人一定都睇過網上有人介紹，或者IG上嘅打卡相。
呢間Cafe嘅位置就係喺望遠站2號出口出嚟，向市場方向行，就會經過。
見到呢個販賣機，就唔好猶豫，正係Cafe嘅大門。
店入面用咗好少女嘅色調，連食物同飲品都係，吸引唔少人專程嚟。
呢間店都因為特別嘅風格，有好多國內外嘅網站介紹，無形之中仲帶起埋望遠嘅人氣。
＠想了解更多望遠美食：ZAPANGI嘅資訊，Click呢度。
首爾弘大望遠洞——望遠景點：4. BISTRO OCCUPY（비스토로 오큐파이）
地址：서울 마포구 희우정로 119
呢間完全係小編個人私藏名單，以韓國嚟講，咗嘅食物同價位，仲有店入面嘅氣氛，絕對物超所值。
如果有人嚟韓國，想搵個地方嚟個有質感嘅約會，呢度絕對係小編個人推薦嘅第一名。
不得不提呢度嘅缺點，就係離最近嘅望遠站，行路最少要20分鐘以上，
對旅客嚟講，實在係個唔太容易去到嘅地點，
加上鋪頭出面冇好明顯嘅招牌，所以每次食飯，其實店入面嘅客人都好少……
除咗基本嘅嘢食之外，店入面仲有提供酒類，氣氛同質感都好好，只係交通唔方便。
不過換個角度諗，至少呢度離漢江好近，如果咁啱要由望遠行路去漢江睇風景嘅人，就考慮下呢間小編私藏啦。
首爾弘大望遠洞——望遠景點：5. 望遠漢江公園（망원한강공원）
地址：서울특별시 마포구 마포나루길 467 (망원동) 망원한강공원 내
漢江係全世界出名嘅江河之一，孕育咗朝鮮半島嘅文化。
既然都去到好近漢江嘅望遠，當然都要去河岸行下啦。
除咗可以睇到連接永登浦嘅城山大橋，附近仲有單車可以借，一路踏單車、一路睇漢江沿途嘅風景。
Creatrip 抵達望遠漢江公園 小TIPS
大眾交通：望遠站1號出口坐9號綠色小巴，喺漢江公園入口（한강공원입구）落車。
延伸閱讀：怎麼搭韓國公車？韓國公車搭乘教學，讓你成為省時旅遊達人！ 仲可以借單車、坐的士、行路，去到望遠漢江公園入口，再行去就可以抵達。 |
其實唔單止係望遠，韓國仲有好多地方都有好特別嘅景點同特色，他們好少有人介紹，甚至連韓國人自己都唔太清楚。
不過旅行好多時都係咁，既然去到一個新嘅地方，離開自己嘅舒適圈，就一定要四周圍行下，用自己嘅一雙眼睛，睇到唔一樣嘅世界。
唔知大家感受到嘅望遠會係點樣㗎呢？穿過地鐵出口，去到巷仔，喺望遠洞嘅區域入面，除咗住宅，仲有真正地道嘅韓國氣氛等住大家去體驗。
咁多位，我哋下次見。