Hello，大家好，我哋係由韓國人每日提供最新韓國旅行資訊嘅Creatrip。
平時去韓國旅行不妨都係周圍食周圍玩，今日小編想介紹一間位於首爾東部嘅外國人專用賭場「百樂達斯城華克山莊娛樂場」俾大家！呢度係首爾歷史最悠久嘅賭場，而且環境夠大同多嘢玩，而家大家仲可以download返張價值₩100,000（約HKD 542.58）嘅投注券，玩都玩得開心啲！
「百樂達斯城華克山莊娛樂場」資訊
- 地址：서울 광진구 워커힐로 177 쉐라톤워커힐 B1F
- 營業時間：24小時
- 語言：韓文、中文、英文、日文
「百樂達斯城華克山莊娛樂場」推薦理由
- 有超過50年歷史，由1968年開始為外國人提供優質賭場服務！
- 賭場佔地接近2,500平方米，更加提供270款賭場遊戲，包保大家可以玩得盡興！
- 提供免費接駁巴士，大家可以喺附近地鐵站直接搭去賭場，夠曬方便（仲可以撳我睇接駁巴士位置）！
- 出示Creatrip獨家優惠券更加可以獲得₩100,000投注券同免費紀念品，仲可以報銷的士錢同免費享用美食！
「百樂達斯城華克山莊娛樂場」優惠
#1 ₩100,000投注券
- 向賭場客戶服務中心職員出示優惠券，即可換領一張價值₩100,000嘅投注券。
- 投注券唔可以同其他優惠券一同使用。
- 投注券只限當日有遊戲記錄嘅新客戶使用（桌上遊戲 300點 / 遊戲機 1,000點）。
- 每人只可得到一張優惠券（不適用於現有客戶）。
- 本優惠可能會根據賭場狀況而提早結束。
#2 免費紀念品
- 出示優惠券即送百樂達斯城華克山莊娛樂場鎖匙扣一個。
- 數量有限，送完即止。
#3 的士錢回贈（最多₩100,000）
- 向職員出示當日搭的士嘅收據，最多可以報銷₩100,000，該金額將會轉換成可以喺賭場用嘅點數。
- 每日只限一次（由06:00起計24小時內）。
- 需為落車後30分鐘內收據，收據上需要列明距離及時間方可成功報銷。
- 本優惠只限當日有遊戲記錄（桌上遊戲 300點 / 遊戲機 1,000點）嘅新客戶同現有客戶使用。
「百樂達斯城華克山莊娛樂場」注意事項
- 百樂達斯城華克山莊娛樂場嚴禁19歲或以下人士及持有韓國國籍人士出入。
- 本優惠券只限於百樂達斯城華克山莊娛樂場使用。
- 賭場餐廳僅能於遊戲結束後使用。
- 請避免穿著太暴露或可能引起他人不適嘅服裝。
- 請將大型行李放喺前台保管。
- 為尊重其他顧客私隱，賭場內嚴禁拍攝。
- 賭場內嚴禁吸煙，如有需要請去指定吸煙區。
- 如有任何疑問，請send email到help@creatrip.com查詢。
「百樂達斯城華克山莊娛樂場」遊戲種類
百家樂（BACCARAT） | 發牌員向閒家同莊家發牌後，點數接近9嘅一方為勝；玩家可以投注莊家、閒家或和局 |
二十一點（BlackJack） | 擁有最高點數嘅玩家獲勝，其點數必須等於或低於21點 |
輪盤（Roulette） | 輪盤一般會有37或38個數字，得獎號碼為鐵珠停留處 |
德州撲克（Texas Hold'em Poker） | 喺自己嘅2張底牌同5張公牌之中凑出一副最大嘅牌，然後同其他玩家比大細 |
遊戲機（Slot Game） | 有老虎機、影像遊戲機、混合遊戲機同百樂達斯神秘頭獎機 |
「百樂達斯城華克山莊娛樂場」遊戲方法
桌上遊戲
STEP 1. | 坐喺空位上開始遊戲 |  建議大家喺上一場遊戲結束後坐落空位開始遊戲，即使冇其他玩家都可以同荷官玩（你可以用優惠券進行投注）。 |
STEP 2. | 將優惠券兌換成籌碼 |  如果成功投注，你可以將優惠券兌換成籌碼。 |
STEP 3. | 將籌碼兌換成現金 |  遊戲結束後，可以將籌碼兌換成現金（請去指定換錢處，荷官不會兌換籌碼成現金。 |
遊戲機
STEP 1. | 將鈔票或票券插入機器中 |
STEP 2. | 然後用把手或者按鈕旋轉轉輪 |
STEP 3. | 停止旋轉後，你將會根據結果同獎金分配表獲得獎金（目標係要攞到Jackpot！） |
「百樂達斯城華克山莊娛樂場」介紹
「百樂達斯城華克山莊娛樂場」位於華克山莊首爾大酒店入面，大家嚟到可以睇到漢江靚景！除此之外，呢度所有職員都秉持住打造世界最佳賭場嘅理念，為客人提供最優質服務！
賭場環境比較大，不過大家可以參考上面呢張平面圖，直接行去玩自己想玩嘅遊戲！
「百樂達斯城華克山莊娛樂場」佔地接近2,500平方米，更加提供270款賭場遊戲，包括百家樂、二十一點、輪盤、德州撲克同各種遊戲機！呢度更加有識講多種語言嘅職員，亦都有提供遊戲指南、小冊子、手機充電服務、放大鏡租借服務等，令所有客人都可以享受其中！
去到之後首先要去前臺出示護照，如果大家有大型行李或者想放低其他個人物品，都可以交俾佢哋幫你保管。
之後向右邊行就會去到會員中心，大家需要喺呢度向職員出示優惠券！
經過核實之後就可以攞到會員卡同免費紀念品（鎖匙扣），如果大家係搭的士嚟嘅話，記住要俾埋張的士收據職員去報銷，將呢筆錢轉做遊戲點數！
攞到卡之後就可以去會員中心左邊部機度碌卡，check吓你個account入面有幾多點數。
優惠券入面包括一張價值₩100,000嘅投注券，不過因為只限當日有遊戲記錄嘅新客戶使用，所以大家喺機器登錄成為會員之後首先要去玩幾個遊戲，只要桌上遊戲點數達到300點，或者遊戲機點數達到1,000點，就可以喺機器換領投注券！
「百樂達斯城華克山莊娛樂場」分成主要遊戲場同貴賓室，如果對貴賓室制度有任何疑問，你可以去會員中心查詢，嗰度會有負責職員可以幫到你！
介紹幾款遊戲俾大家啦！百家樂係其中一個最受歡迎嘅遊戲，發牌員向閒家同莊家發牌後，點數接近9嘅一方為勝，而玩家可以投注莊家、閒家或和局，只要將投注券放喺你想投注嘅地方就得！
而輪盤可以話係規則最簡單嘅遊戲之一，就算係第一次去賭場玩都無問題！輪盤一般會有37或38個數字，得獎號碼為鐵珠停留處，大家只要將賭注放喺你想投注嘅地方就可以！
如果投注成功，工作人員會俾相同金額嘅籌碼你，大家去玩其他遊戲嘅時候可以繼續用。
如果想將籌碼兌換返做現金，只要去上圖圈住嘅兌換處，將籌碼交俾職員就得！
玩完之後大家更加可以去餐廳食飯填飽個肚同補充體力！餐廳喺兌換處隔離，只要喺讀卡機度碌一碌張卡就可以攞到一張餐券，隔離亦都有飲品、水同咖啡可以免費享用。
向餐廳職員出示餐券之後揀想食咩，職員就會即刻幫你準備！
「百樂達斯城華克山莊娛樂場」係首爾最受歡迎同服務最優質嘅賭場，如果大家都想去見識吓韓國賭場到底係點嘅話，推薦大家嚟呢度玩（記住去之前要download定優惠券啊）！
「百樂達斯城華克山莊娛樂場」前往方法
江邊站 → 百樂達斯城華克山莊娛樂場
喺江邊站（강변역）1號出口出。
直行直至見到斑馬線。
過馬路。
你會見到左邊仲有一條斑馬線。
過馬路，然後向右邊行。
直行。
經過2個巴士站之後就會見到「百樂達斯城華克山莊娛樂場」接駁巴士站。
廣渡口站 → 百樂達斯城華克山莊娛樂場
喺廣渡口站（광나루역）2號出口出，喺右邊條斑馬線過馬路。
你會見到左邊有一條斑馬線，喺呢度再過一次馬路。
過馬路之後向左邊行。
咁就會去到「百樂達斯城華克山莊娛樂場」接駁巴士站。
你可以掃QR Code或者撳我睇即時接駁巴士位置。
搭接駁巴士去到終點站。
落車就會見到賭場大樓喺你後面。
搭左邊條扶手電梯落去就去到賭場入口啦！
百樂達斯城華克山莊娛樂場 → 江邊站 / 廣渡口站
喺頭先落車嘅地方行前少少會見到接駁巴士起點站。
大家可以參考巴士站牌上面嘅時間表，上車之後記住聽廣播，喺你嘅目的地落車。
點先可以享有「百樂達斯城華克山莊娛樂場」優惠？
現場消費Click下面網址下載Creatrip專屬優惠券，出示俾店員睇即可享有獨家優惠。
以上係「百樂達斯城華克山莊娛樂場（Paradise Casino Walkerhill）」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
