韓國機場換錢預約服務
Creatrip全新推出換錢服務！手續費平、匯率高，網上預約，一到埗可以即刻拎到錢！
Hello，大家好，我哋係由韓國人每日提供最新韓國旅行資訊嘅Creatrip。
去外國玩，買完機票之後就當然要準備定外幣啦！相信大家通常嚟韓國玩，都會選擇喺機場或者明洞找換店換錢，但係前者手續費高，後者又未必近住嘅地方。為咗幫大家解決以上所有問題，我哋成功同韓國政府認證嘅官方貨幣兌換公司「Money Box」合作，隆重推出「韓國機場換錢預約服務」，務求可以令大家以最平、最快、最方便方式換錢！
最後更新：2024.04.11
等陣❗
你入手咗Creatrip優惠券禮品包未呢？
買一套就可以喺全個網站用🎉
你而家準備要預約嘅換錢服務都有手續費7折優惠！
韓國機場換錢預約服務 - 簡介
Creatrip「韓國機場換錢預約服務」汲取機場換錢同韓國當地找換店換錢嘅優點，旨在令大家喺機場就可以以最佳匯率唱到錢。不過因為我哋並唔係正式嘅貨幣兌換公司，冇辦法直接提供換錢服務，所以將會聯同韓國政府認證嘅專業貨幣兌換機構「Money Box」，為大家提供百分百安全有保障嘅服務。
韓國機場換錢預約服務 - 進行方式
1. 利用匯率計算機比較匯率
我哋網站提供嘅匯率計算機會幫你自動比較我哋提供嘅匯率同韓國機場銀行實時匯率，以港幣顯示可以慳到幾多錢，一目瞭然！
2. 預約後可以直接喺機場領取以最佳匯率兌換嘅韓幣，又抵又方便！
可預約日期 | 請最遲喺領取貨幣當日韓國時間朝早08:00前（香港時間07:00前）預約， 最早亦可以喺14日前進行預約。 |
領取貨幣日期及時間 | 逢星期三至日 10:00 - 20:00 呢段時間一直會有職員喺指定地點等候，大家可以隨時去領取。 |
領取貨幣地點 | 仁川國際機場T1、T2 AREX機場快線閘口附近 （具體地點會透過電子憑證通知） |
領取貨幣方法 | 喺韓國換錢需要提供護照以作證明，請喺領取貨幣時出示護照俾工作人員（入境後請連機場Wi-Fi聯絡工作人員）檢查。 完成交易後，護照號碼等所有個人資料將會自動刪除。 |
韓國機場換錢預約服務 - 注意事項
- 本服務由得到韓國政府認證嘅正式合作夥伴Money Box提供。
- 完成預約後，如果Email冇收到預約憑證，可以喺Creatrip官網或App嘅「我的頁面」確認。 （如果仲係確認唔到，請send email到help@creatrip.com聯絡我哋）
- 到咗韓國之後，如果想加快領取貨幣速度，請用機場免費Wi-Fi主動聯絡供應商“Money Box”。
- 最少需要換港幣$1,500，最多可以換港幣$31,000。
- 香港頁面同時可以用美金換韓幣，最少要換$200美金，請儘量以$100紙幣為主。
- 請最遲喺領取貨幣當日韓國時間朝早08:00前（香港時間07:00前）預約，最早亦可以喺14日前進行預約。
- 因為我哋會根據預約當時嘅匯率幫大家換錢，所以恕不接受預約後更改金額，亦請喺當日準備好相應金額嘅貨幣。
- 可領取貨幣日期為星期三至日 10:00 - 20:00，上述時間期間一直會有職員喺指定地點等候，大家可以隨時去領取。
- 領取貨幣地點為仁川國際機場T1/T2 AREX機場快線閘口附近，具體位置將會透過電子憑證通知。
- 為防止出現no-show情況，將會收取₩10,000按金，完成交易後會喺下一日自動退返俾你。
- 如果出現航班延誤等不可抗力情況而導致無法到達機場，將會退返₩10,000按金俾你。
- 為提供更方便快捷嘅換錢服務，請儘量用以下幣值紙幣：台幣: 1,000 / 港幣: 500 / 日圓: 10,000 / 人民幣: 100 / 新加坡幣: 100 / 泰銖: 1,000 / 越南盾: 500,000 / 美金: 100 / 加幣: 100 / 歐羅: 50 / 英鎊: 50
- 唔可以用信用卡進行交易，請務必準備現金。
- 唔可以用舊版美金換，請準備新版美金。
- 匯率會每小時更新1次，兌換金額將視乎預約當時匯率而定。
- 完成預約後無法更改金額，如果係因個人理由而選擇取消預約，將不設任何退款。
- 完成預約後如果需要更改個人資料，請send email到help@creatrip.com通知我哋，呢個情況下唔會扣按金。
- 根據韓國法例規定，所有找換店都需要將客人護照資料提交俾國家稅務局。作為代辦合作公司，Creatrip只負責將你嘅個人資料提供俾Money Box，一律唔會儲存或作其他用途。
- 完成交易後，護照號碼等所有個人資料將會自動刪除。
- 請注意所有預約同領取時間都係以韓國時間為準。
韓國機場換錢預約服務 - 優點
1. 公開透明！
只要輸入金額，我哋嘅匯率計算機就會自動幫你計可以換到幾多錢，仲會話你知可以慳到幾多！同時你當時預約匯率係幾多，我哋就會用當時嘅匯率換俾你！
2. 最抵最平！
我哋嘅韓國機場換錢預約服務手續費比一般機場銀行平一半，亦唔會收取任何中介費用，大家可以慳返一筆！
3. 快捷迅速！
平時大家都要走到首爾市區先可以用比較好嘅匯率換到錢，其實都真係幾嘥時間。透過我哋預約換錢可以直接喺機場以最平、最快、最方便方式攞到錢，馬上開始韓國之旅！
4. 毋需擔心！
只需要俾₩10,000按金（完成交易後會喺下一日自動退返俾你）就可以預約，唔需要即時俾曬要換嘅金額，而且如果因航班延誤等不可抗力情況而導致無法到達機場，取消預約時會全額退返按金俾你！
5. 安全有保障！
我哋嘅韓國機場換錢預約服務由得到韓國政府認證嘅官方貨幣兌換公司Money Box提供，而且所有現金都係來自韓國KB國民銀行，百分百真鈔，信心保證。
市區找換店 | 機場/ 銀行換錢 | Creatrip換錢 | |
價錢 （手續費） | 平 | 貴 | 平 |
方便性 | 慢 | 快 | 快 |
所需時間 | 慢 （要搭車先去到） | 快 （喺機場直接換） | 快 （喺機場直接換） |
額外費用 | 有 （需要車錢） | 冇 | 冇 |
總結 | 手續費平、 匯率高， 但需要更多時間同金錢。 | 雖然方便， 但匯率低。 | 手續費平、 匯率介乎機場/找換店中間、 可以即刻開始韓國之旅！ 換錢快、匯率靚、位置正 |
比較參考圖
以假設想換HKD 1,500為例 （2022.02.06匯率） | |||
明洞找換店 （明洞第一找換店） | 機場 （友利銀行） | Creatrip換錢 | |
匯率 | 166 | 158.72 | 163.04 |
兌換金額 | 167.3 x HKD 1,500 = ₩249,000 | 158.72 x HKD1,500 = ₩238,080 | 163.04 x HKD1,500 = ₩244,560 |
車費 | 機場巴士：₩17,000 地鐵：₩4,750 AREX＋地鐵：₩10,750 | X | X |
所需時間 | 2小時 | X | X |
最終可得金額 | ₩232,000 ～ | ₩238,080 | ₩244,560 |
※Creatrip匯率已包手續費，毋需額外支付
6. 隨時去攞都得！
指定時段內（星期三至日 10:00 - 20:00）都會有職員喺現場等候，就算飛機delay咗都可以照樣攞到錢！
韓國機場換錢預約服務 - 預約流程
完成所有步驟之後，你嘅預約將會自動確認，之後會透過email send一份預約憑證俾你，到時會再話俾你知邊度交收（請留低可以聯絡嘅電話）。
韓國機場換錢預約服務 - 領取貨幣當日流程
STEP 1. 連接機場免費WiFi！
STEP 2. 添加Moneybox聯絡方式（Line / KakaoTalk / Whatsapp）！
 |  |  |
LINE ID: moneyboxcs | KakaoTalk ID: moneyboxcs | WhatsApp ID: +82 10-2543-8068 |
STEP 3. 通知Moneybox你已經到機場，職員會教你點去換領地點，你亦可以稍微調整領取時間！
STEP 4. 會合後向職員出示預約憑證同護照，領取貨幣！
所有錢我哋都會用一個信封袋住，上面會寫住你個名、預約號碼同換幾多錢，₩10,000按金亦會喺交易完成第二日退俾你，大家可以放心！
韓國機場換錢預約服務 & BELLYGOM交通卡
而家預約換錢服務嘅時候可以順便買埋BELLYGOM限定聯名交通卡，入面已經幫你增值咗₩5,000，一攞到就可以用（一次過最多可以買10張）！
Creatrip機場換錢服務，可以向你保證換錢快、匯率靚、位置正！計劃緊嚟韓國嘅朋友不妨可以參考一吓！
以上係「韓國機場換錢預約服務」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
