Hello，大家好，我哋係由韓國人每日提供最新韓國旅行資訊嘅Creatrip。

成日睇韓劇見到主角打電話叫外賣？唔使幾耐就有新鮮滾熱辣嘅外賣送到屋企？係咪見到都心郁郁想試下呢～韓國叫外賣最大優點就係：可以最短時間入面送到客人手上！

今日我地就要同大家介紹，喺韓國必叫外賣啦，同時會教教大家用app叫外賣方法、同一啲叫外賣嘅時候需要用到基本韓文用語。重點嚟啦....韓國叫外賣係全年無休㗎！就算新年嘅時候，街邊鋪無開都好，喺民宿都有辦法輕輕鬆鬆咁叫到外賣，而且食物仲會係熱辣辣！

閱讀文章前，可以先參考

橋村炸雞｜代訂外賣服務

豪華拼盤Pizza｜代訂外賣服務

韓國外賣：最受韓國人歡迎外賣美食 Top 6

韓國外賣必食美食：1. 炸雞

✨橋村炸雞｜全年無休外賣訂購   

韓國必食美食之中，炸雞一定係名列前茅！甚至韓國人叫外賣嘅時候最鍾意都係叫炸雞。大家知唔知치느님(雞老爺)呢嗰詞係點解呢？係치킨(炸雞) + 하느님(老天爺)，可想而知～炸雞對韓國人嚟講就好似神一樣存在咁，韓國人對炸雞嘅熱愛，永遠超乎我哋所想。

韓國人食炸雞消耗量每年大約有八億隻！(一啲都唔誇張！) 平均一位韓國人喺一年之內會食14隻炸雞。計落去好似好多咁，但對於生活緊喺韓國嘅小編嚟講，一個月平均都會食三次炸雞左右，所以14隻其實真係一啲都唔多  

韓國橋村炸雞

韓式炸雞唔使小編多講，好多人嚟到韓國旅行時都會必食！其中最多人會揀去堂食或者叫外賣送到民宿嘅莫過於橋村炸雞啦。其實除咗橋村炸雞之外，其他韓國炸雞品牌：BHC、TWOTWO、BBQ等都好出名。

✨橋村炸雞｜全年無休外賣訂購   

雖然直接到炸雞店可以即點即炸，現場食可以食到脆卜卜炸雞，但亦有多人會揀留喺屋企，同朋友、屋企人一齊叫外賣炸雞，最方便嘅係食完攰太攰可以直接入房瞓教XD。

치맥(炸雞加上啤酒)呢嗰詞亦證明咗韓國人食炸雞，一定要配支啤酒先係最好味！甚至好多炸雞店唔單止會送炸雞，亦會送啤酒。

✨橋村炸雞｜全年無休外賣訂購   

2. 中華料理

中華料理亦係韓國外賣必食美食之一，韓國人好鍾意食炸醬麵、海鮮麵同糖醋肉，一方面價錢平，二來簡簡單單就可以食到好飽。另外，喺韓國人習俗當中，搬屋當日同每年4月14日(Black Day)， 都一定會食炸醬麵。

1884年有個中國人喺仁川扎根，好自然當地就起咗間中國餐廳，喺仁川返工嘅韓國人好自然就會成日去嗰邊食炸醬麵～為咗研發出更平、更符合韓國人口味炸醬麵，大家無意發現甜甜焦糖醬，可以取代原本中國炸醬麵嘅甜麵醬，亦成就咗而家韓國黑色炸醬麵由來。

如果有選擇性障礙，一個人想叫韓國外賣，見到炸醬麵、糖醋肉、海鮮麵都想食，咁點算好呢？聰明嘅韓國人研發出半半料理，可以一次食到炸醬麵同海鮮麵嘅叫짬짜면，炒飯同炸醬麵合體嘅叫볶짜면，甚至糖醋肉加上海鮮麵叫탕짬면，大家都可以喺外賣選項中搵得到。

嚟到韓國旅行，覺得攰想留喺酒店或民宿叫中華料理外賣，唔理係炸醬麵、海鮮麵、糖醋肉，甚至係其他炒飯、辣椒燴飯都可以叫。

3. 豬腳

韓國人熱愛豬腳嘅程度，亦係超乎我哋想像～喺韓國，豬腳會先煮熟再用特製醬去醃製，所有豐富膠原蛋白都會鎖哂入去，食落肚唔單止對皮膚好，仲可以防止肌膚老化。

喺首爾同釜山等大城市，都有好多好味豬腳店，甚至連「豬腳大街」都有，成條街都係賣豬腳，而且每間店都超多人！小編覺得都幾神奇XD 如果夜晚喺民宿或酒店突然覺得肚餓，叫一份豬腳好似都幾唔錯阿？XD

小編想推薦大家，如果喺韓國叫豬腳外賣，可以多點一份涼拌辣麵，用生菜將豬腳同辣麵包埋一齊食，嗰種滋味真係好食到難以形容。而且豬腳配返支燒酒，可以話係絕配！小編之前去釜山玩嘅時候，好記得有一晚完全沉浸咗喺豬腳同燒酒世界入面。

4. 菜包肉（白切豬肉）

喺韓國外賣熱門名單當中，同豬腳差唔多嘅仲有菜包肉～大家可能對菜包肉呢嗰名比較陌生，其實菜包肉就係我哋成日講嘅白切豬肉。

呢啲豬肉會先用熱水飛一飛水去除多餘油脂，然後食嘅時候會用大白菜包住豬肉同小菜、蝦醬或辣醬一齊食，大家可以放心，食嘅時候完全食唔到豬腥味，反而覺得爽口、易入口，同其他重油重鹹韓國外賣食物比，小編更鍾意呢種菜包肉。

水煮豬肉油脂比較少，食起嚟會較爽口！如果覺得豬腳太肥有負擔，下次可以試下呢種菜包肉～ 睇落去都無咁大心理負擔XD 

嚟到韓國旅行有機會叫韓國外賣，一定要叫一份豬腳或菜包肉試吓，話唔定大家可能會一試愛上！

5. 辣炒年糕

嚟韓國又點可以唔食辣炒年糕呢？佢可以話係最具代表性平民傳統美食第一名(除咗泡菜)～外賣辣炒年糕會相對比較豐富，除咗年糕仲會加魚糕、蔬菜、麵類甚至肉一齊煮，飽肚感十足！

辣炒年糕外賣

喺韓國，唔理男女老少都鍾意食辣炒年糕！唔知大家知唔知，其實韓國辣炒年糕有分兩種呢？根據材料唔同製作方法亦會唔同，分成大米年糕同麵粉年糕。大米年糕比較有彈性，唔易煮爛，係大家比較常食到嘅辣炒年糕種類。麵粉年糕係會比較水、軟，容易吸入醬汁，兩種都各有千秋。

喺韓國想食辣炒年糕唔難搵～ 普通韓食家、布帳馬車、街邊攤擋都好易搵得到。喺呢到要先提提大家，如果想叫辣炒年糕外賣，通常送嚟都會係三到四人份，份量超多，而且仲會比較辣。

韓國外賣必食美食：6. Pizza

✨豪華拼盤｜Pizza全年無休外賣訂購   

可能好多人會諗，嚟到韓國緊係食韓國野㗎啦！ 點會食Pizza？

但韓國Pizza已經100%演變成符合韓國文化嘅Pizza啦！韓國最有人氣Pizza係番薯Pizza、烤牛肉Pizza、五花肉Pizza等..呢啲Pizza都係用咗韓國式材料所做成，而且為咗迎合韓國人鍾意嘅清爽口味，幾乎唔會食到油膩感。

而且除咗普遍Pizza款式之外，韓國Pizza仲有一個特別賣點....就係有特別豪華拼盤式Pizza啦！！小編上次同朋友點嚟食嘅時候完全超Surprise！！因為無諗過可以咁好食！！

✨豪華拼盤｜Pizza全年無休外賣訂購   

韓國外賣：點叫韓國外賣呢？

叫韓國外賣方法：1. 圖解版 요기요APP 

韓國外賣APP當然唔止小編而家要介紹嘅요기요啦！仲有其他「外賣民族」(배달의민족)，不過요기요確實係目前規模最大、最多人用緊嘅韓國外賣APP，小編而家就實測俾大家睇吓。

1. 選擇外賣地點

2. 選擇餐點

各種韓國外賣美食：炸雞、中華料理、辣炒年糕、豬腳等等，都可以輕輕鬆鬆咁喺요기요APP到點。

3. 下訂單
韓國外賣會有最低金額限制	輸入電話、備註
選擇付款方式 現場現金、現場碌卡、網絡付款	最後確認 送出訂單
點解要揀呢間餐廳 隨便揀一嗰即可	送出訂單之後就等 等等，有人敲門啦！

大家可以見到，小編係19:35送出訂單，結果19:49就送到啦！！真係不得不佩服韓國送外賣效率真係好高。

叫韓國外賣方法：2. 文字版 요기요APP（YoGiYo）

叫韓國外賣用APP嘅時候有咩係必備嘅呢？

• 基本韓文能力
• 韓文地址：唔可以中文或英文，必須要準確韓文地址，同時寫明係幾樓同咩室
• 韓國電話：基本上寫得啱就無問題，除非資料唔完整或去唔到你所在樓層，就會打比你請你出嚟拎
• 付款方式：有現場付款（現金、信用卡），以及網路付款

用韓國外賣APP文字版懶人包

1. 下載韓國外賣APP：요기요
2. 輸入外賣地址，記得確認無錯
3. 揀想要點嘅餐點，並注意最低點單金額限制
4. 選擇付款方式，然後送出訂單
5. 餐點送到再付款
6. 開始享用外賣

韓國外賣：打電話叫韓國外賣常用韓文會話

基本上都需要具備一定程度嘅韓文能力，因為同APP相比外賣可能會有更多複雜對話，但小編整理咗一啲常用對話，比大家參考吓。

如果大家真係無韓國手機號碼，用唔到APP又不想叫民宿、酒店幫手訂外賣，想自己打電話叫嘅話可以試吓講以下對話。

• 想問而家可唔可以點外賣
  배달 되나요?
  bae dal doe na yo?
  
  
• 想問可唔可以送到某地址時？
  여기는 ㅇㅇㅇ인데요. 배달 가능한가요?
  yeo gi neun XXX in de yo. bae dal ga neung han ga yo?
  
  
• 想點一份韓式炸雞
  양념 치킨 한마리 배달해주세요. 감사합니다.
  yang nyeom chi kin han ma ri bae dal hae ju se yo. gam sa hap ni da.
  
  
• 話比店家知外賣地址
  우리의 주소는 ㅇㅇㅇ입니다.
  U ri ui ju so neun ㅇㅇㅇ ip ni da. 

如果真係唔太識用，就請民宿或酒店職員幫手，佢哋一定會幫大家訂韓國外賣。

代訂外賣服務
橋村炸雞	豪華拼盤	辣炒年糕

以上係小編整理出韓國外賣必食六款美食，以及韓國外賣APP使用方法、外賣常見對話等等。希望幫到大家～ 希望大家下次嚟韓國旅行嘅時候，都可以食到好味又熱辣辣嘅外賣。

如果咁啱係韓國公眾假期，街邊鋪都無開，不妨試下叫外賣！全年無休，超方便，同時我哋亦可以幫各位代訂㗎。

如果有更多想知嘅內容，都可以隨時留言或者dm話俾我哋知：）

 Instagram：creatrip.hk

 Facebook：Creatrip 帶你認識韓國每一面

 韓國代購