明洞汗蒸幕 | 黃金桑拿
未夠鐘check-in住宿、或者只係需要過一晚？汗蒸幕會係你嘅首選！
Hello，大家好，我哋係由韓國人每日提供最新韓國旅行資訊嘅Creatrip。
有好多朋友成日都DM小編問邊度有汗蒸幕，今日就等小編介紹一間喺明洞嘅女性專用汗蒸幕俾大家啦！
明洞「黃金桑拿」資訊
- 地址：서울 중구 명동8가길 27 B2
- 營業時間：24小時
明洞「黃金桑拿」推薦原因
- 可以百分百體驗韓國汗蒸幕文化，就好似入咗韓劇咁！
- 24小時開放，如果未夠鐘check-in住宿都可以暫時喺度休息！
- 位於明洞站附近，交通夠方便之餘仲可以去附近行街！
- 呢間係女性專用汗蒸幕，大家可以放心去！
明洞「黃金桑拿」價錢
| 汗蒸幕入場券 | ₩19,000 |
| 汗蒸幕入場券 + 捽老泥服務 | ₩78,000 |
明洞「黃金桑拿」退款政策
| 預約後至體驗3日前取消 | 全額退款 |
| 體驗2日前取消 | 不設退款 |
明洞「黃金桑拿」注意事項
- 請最少喺3日前完成預約。
- 呢間係女性專用汗蒸幕，預約時請注意。
- 如希望加購其他服務，請喺現場支付所需金額。
- 預約時請確保已選擇正確日期及時間。
- 過量飲酒後可能會被禁止入場。
- 大家需要自備洗頭水同護髮素，或者亦可以喺現場買。
- 建議大家將貴重物品交俾櫃枱職員保管，所有因個人疏忽而導致嘅財物損失「黃金桑拿」將一概不負責任。
- 老弱人士、孕婦、發高燒、飲酒、出血過多等身體虛弱人士禁止進入高溫地方。
- 如果想更改預約，或者有任何問題，請send email到help@creatrip.com查詢。
明洞「黃金桑拿」預約流程
| STEP 1. | |
| STEP 2. | 請詳細輸入所有相關資訊，預約會即時成立。 |
| STEP 3. | 請務必準時到達，然後向職員出示預約記錄。 |
| STEP 4. | Enjoy！ |
明洞「黃金桑拿」介紹
今日小編去咗女性專用汗蒸幕「黃金桑拿」，喺明洞站8號出口行3分鐘就到！呢度雖然有男士浴池，不過汗蒸幕就淨係得女士可以入場！
門口附近有好多韓國同其他國家嘅明星嘅簽名！
如果大家唔記得帶沖涼洗頭用品，都可以喺現場買一次裝。
入去之前要先除鞋，然後放入鞋櫃鎖好。鞋櫃嘅號碼同你之後會用嘅儲物櫃號碼一樣，亦都係用同一條鎖匙，大家千祈唔好整唔見，如果唔係要賠錢㗎！
行入去之後右邊係儲物櫃、左邊係化妝枱，呢度有齊風筒、梳同基本護膚品。
再行入去就會見到有個細浴池，如果大家有買埋捽老泥服務就會喺呢度進行。
入到去浴池區就會見到有沖涼嘅地方同三個浴池。
入面有兩間桑拿房，分別係乾式同濕式。
「黃金桑拿」嘅捽老泥地方有牆隔開，其他客人唔會望到你，咁就唔洗怕尷尬啦！
沖完涼之後就可以落一層去汗蒸幕啦！
汗蒸幕前面有條樓梯，上到去會見到第一間睡眠室，有一邊比較光、一邊比較暗，大家可以按照自己喜好揀瞓邊度。
樓梯隔離就係艾草「坐薰」房，其實就係透過加熱艾草，用蒸汽薰蒸肛門同子宮，可以令身體變得更加溫暖之餘，仲有殺菌同促進血液循環嘅功效，改善月經不調、生理痛等症狀。
記住入汗蒸幕嘅時候唔好帶手機入去啊！
行到最入會見到第二間睡眠室，呢間係黃土休息室，有助排毒同淨化身體！雖然「黃金桑拿」同其他汗蒸幕比起唔算大，不過麻雀雖小五臟俱全，大家如果想用比較平嘅價錢體驗韓國傳統汗蒸幕文化，推薦大家可以嚟明洞「黃金桑拿」！
明洞「黃金桑拿」前往方法
喺明洞站（명동역）8號出口出。
第一個路口轉左。
直行。
第一個路口轉右。
直行之後會見到有個商場。
商場門口右邊會有一條行落地下嘅樓梯，同時可以見到「黃金桑拿」嘅招牌。
落去地下2樓就到啦！
以上係明洞「黃金桑拿」嘅介紹，有任何問題請先詳讀呢篇文章。
如果睇完之後有任何疑問，或者我哋語言、標示唔清嘅話，麻煩請send email告知，以方便我哋改進。
如果有更多想知嘅內容，都可以隨時dm話俾我哋知：）
Instagram：creatrip.hk
Mail：help@creatrip.com
