首爾現代百貨/Hyundai Outlets免費接駁車服務

Hello，大家好，我哋係由韓國人每日提供最新韓國旅行資訊嘅Creatrip。

去首爾 shopping，除咗各大百貨公司同outlet之外，現代百貨都係一個非常受歡迎嘅選擇。佢喺首爾好多地區都有分店，當中最出名嘅就有位於汝矣島嘅The Hyundai Seoul！現代百貨旗下仲有Hyundai Outlets（現代Outlets）可以行，等大家可以用更超值價錢買到心儀產品。

如果你擔心Hyundai Outlets位置比較遠，其實都唔洗太擔心！而家Nice Tax Free提供由東大門前往明洞、新村、弘大、汝矣島同金浦Hyundai Premium Outlets嘅免費接駁巴士，來回都好方便，記住掃埋QR code領取專屬優惠折扣！

現代百貨/Outlets免費接駁巴士資訊

• 費用：持護照即可免費搭乘
• 時間：逢星期三至日營運
• 獨家優惠領取方法
• • 於東大門Hyundai Outlets服務台、SKYPARK酒店、接駁車內領取宣傳小冊子
  • 於東大門Hyundai Outlets出示即可領取禮品
  • 於金浦Hyundai Premium Outlets出示即可享折扣優惠

Nice Tax Free提供免費接駁巴士服務，會分別停靠東大門、明洞、新村、弘大、汝矣島同金浦等地點，對於想去金浦Hyundai Premium Outlets購物嘅朋友嚟講非常方便！

呢架接駁巴士分為一般班次（站站停）、快速班次（只停靠部分車站）同直通班次（直達指定車站），大家可以參考以下時間表安排行程。

現代百貨/Outlets免費接駁巴士時間表

※下列時間表於2026.04.22起生效，最新資訊請參考接駁巴士官網

東大門 → 金浦

一般班次（站站停）

快速班次（只停靠部分車站）

金浦 → 東大門

一般班次（站站停）

快速班次（只停靠部分車站）

直通班次（直達指定車站）

撳我睇接駁巴士實時位置

現代百貨/Outlets免費接駁巴士注意事項

• 請於指定地點上車及落車。
• 巴士將按到達先後次序上車，如客滿請等候下一班。
• 實際上車時間可能會因交通情況而有所延誤。
• 車內禁止飲食，請勿攜帶外來食品及飲品上車。

另外，記得留意車上提供嘅宣傳小冊子。小冊子上面嘅QR code係「接駁巴士乘客專屬優惠碼」，去到東大門Hyundai Outlets同金浦Hyundai Premium Outlets出示即刻可以分別換領小禮物同享有獨家折扣。

不過優惠內容有機會不定期更改，建議大家上車之後可以參考返宣傳小冊子入面嘅內容！

東大門現代Outlets 服務台

如果你會直接喺東大門Hyundai Outlets出發，或者會經過HOTEL SKYPARK，上車前都可以去服務櫃枱領取小冊子。

現代百貨/Outlets免費接駁巴士上落車地點

1. 金浦Hyundai Premium Outlets(현대프리미엄아울렛 김포점)

• 地址：경기 김포시 고촌읍 아라육로152번길 100
• 營業時間：10:30-21:00
• 乘車地點：巴士停車場

金浦Hyundai Premium Outlet係首爾近郊最大規模嘅 outlet 之一，亦係好多韓國人都會去嘅人氣購物熱點。特別係weekend好多家庭都會專程過嚟，一邊 shopping、一邊享受輕鬆嘅週末時光。

呢度地下停車場同商場直接連接，就算遇到落大雨或者落雪，都唔怕受天氣影響，行街購物都一樣方便舒服。而且全場店舖已經加裝摺疊門，所以冬天會更加暖，夏天亦更加涼爽，整體購物環境更加舒適。

呢度匯集咗 Gucci、Nike 等 350 個人氣品牌，折扣由4折到1折不等，想買名牌或者運動品牌都好容易搵到筍貨。另外，呢度仲係韓國唯一一間可以欣賞漢江景色嘅 outlet，一邊 shopping、一邊睇風景，亦令整個購物體驗更加特別。

喺接駁巴士上面拎咗小冊子嘅朋友們記住去領取獨家折扣優惠，用更抵價錢買齊心頭好！

2. 汝矣島The Hyundai Seoul(더현대 서울)

• 地址：서울 영등포구 여의대로 108
• 營業時間：
• • 星期一至四 10:30-20:00
  • 星期五至日 10:30-20:30
• 乘車地點：P3停車場入口

汝矣島嘅The Hyundai Seoul可以話係首爾規模最大嘅百貨公司，呢度唔單止係購物天堂，亦係好多首爾人weekend都會去嘅人氣景點。商場入面集合咗大量人氣品牌同期間限定pop-up store，無論係想買嘢、行街，定係感受韓國最新潮流，都非常值得一去。

想了解更多詳細資訊，可以再睇下面我哋嘅 blog 介紹！

3. 現代百貨新村店(현대백화점 신촌점)

• 地址：서울 서대문구 신촌로 83
• 營業時間：
• • 星期一至四 10:30-20:00
  • 星期五至日 10:30-20:30
• 乘車地點：百貨公司後門

現代百貨新村店位於新村商圈，並且同U-PLEX商場相連，由新村站地下通道就可以直接到達，交通非常方便。呢度集合咗好多深受年輕人歡迎嘅人氣潮流品牌，去新村 shopping 嘅話都好值得順便行下。

4. 弘大入口站(홍대입구역)

• 乘車地點：
• • 東大門→金浦所有班次、金浦→東大門一般班次：2號出口
  • 金浦→東大門快速班次：8號出口

由2026年4月開始接駁車終於會停靠弘大附近，如果你住宿本身位於弘大、合井一帶就更加方便！或者大家亦可以安排同一日去金浦Hyundai Premium Outlets同弘大，一次過買盡佢！

5. 東大門Hyundai Outlets(현대아울렛 동대문점)

• 地址：서울 중구 장충단로13길 20
• 營業時間：
• • 星期一至四 10:30-21:00
  • 星期五至日 10:30-21:30
• 乘車地點：同地址HOTEL SKYPARK KINGSTOWN門口

東大門Hyundai Outlet位於韓國代表性購物熱點東大門，亦係首爾市區其中一間最具代表性嘅 outlet。商場規模相當大，總共有 11 層，匯集咗多個國際名牌同人氣運動品牌，無論想買 fashion 定運動用品都好方便。

如果行到肚餓，場內亦有各式各樣餐飲選擇，可以順便食飯休息一下。另外，呢度亦經常會有 pop-up store，行街時仲可以發掘更多新鮮品牌同限定活動。

金浦Hyundai Premium Outlets探訪記

東大門Hyundai Outlets(HOTEL SKYPARK KINGSTOWN)入口上車

你可以由東大門方便咁搭乘免費接駁巴士，直達明洞、新村、汝矣島同金浦 Hyundai Premium Outlet，去唔同購物熱點都非常方便。巴士車廂環境亦相當舒適高級，整體乘搭體驗幾唔錯。

如果你喺東大門Hyundai Outlet上車前唔記得拎宣傳小冊子，都唔使擔心！你仍然可以喺接駁巴士車內掃描宣傳小冊子上嘅QR code，領取金浦Hyundai Premium Outlet 最新嘅優惠券。記得優惠內容成日都會變，例如我去嗰陣嘅優惠係UNDER ARMOUR額外9折優惠券！

金浦 Hyundai Premium Outlet 規模非常大，分為East、Tower同 West三大區域。呢度亦係今日介紹嘅接駁巴士嘅終點站（同時亦係回程起點），所以如果你想搭免費接駁巴士返首爾，基本上都一定會有位坐。

呢度雲集咗超過350 個品牌，由Gucci、Burberry、Prada、Coach等名牌，到 Nike、Adidas、FILA等人氣運動品牌，仲有多個知名國際同韓國本地品牌，選擇非常豐富，部分商品最高仲可享4折優惠！

另外，去outlet shopping 時最怕遇到天氣唔好，不過喺金浦 Hyundai Premium Outlet就唔使擔心！場內設有有蓋通道同地下連接通道，即使遇到落雨或者落雪，都可以輕鬆行街唔受影響。

而且由2024年6月起，1 樓所有店舖都已翻新並加裝可按季節開關嘅摺疊門，冬天更保暖，夏天亦更涼爽，令整體購物環境更加舒適，行得更輕鬆放心。

由East館行到Tower館，再去到West館，幾乎每間鋪頭都有唔錯嘅折扣優惠。場內雲集咗好多人氣國際品牌，成個 shopping 體驗都相當過癮！

如果行街行到攰，都唔使擔心！金浦 Hyundai Premium Outlet 就喺漢江旁邊，係韓國唯一一間可以一邊shopping、一邊欣賞漢江靚景嘅outlet！

金浦 Hyundai Premium Outlet 設有長達450 米嘅水道空間，成體感覺唔似一般人多擠迫嘅商場，反而更有種悠閒放鬆嘅度假氛圍。如果你嚟韓國旅行想盡情 shopping，呢度真係好值得去一次！

現代百貨公司/Outlets相關介紹

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！