韓日互取消簽證發給

日本取消韓國免簽...韓國反擊，宣布同一時間起「取消日本免簽優待」韓日關係再降新冰點

Jeongyeong Yeo

5 years ago

Hello，大家好，我哋係由韓國人話你知每日最新韓國資訊嘅Creatrip。

＃武漢肺炎＃韓國新聞
＃20200309＃出入境
＃日本＃韓國＃互相限制

韓日關係惡化已經唔係第一日嘅事。

上星期四（03月05日），日本因應強化武漢肺炎防疫，宣布將由今日（09日）起，針對檢疫所有韓國入境日本嘅人。

Creatrip為咗關心疫情嘅咁多位著想，會持續更新相關新聞（點我）。

咁多位亦唔需要恐慌，不論喺邊度都記得戴好口罩、勸洗手！小編會繼續更新消息。

03月05日當天，日本單方面發布消息，因應武漢肺炎防疫，喺09日09:00起，將取消韓國人赴日嘅免簽證制度，

而且要求由韓國入境日本嘅人，需要喺指定檢疫所留14日隔離，並禁止坐任何大眾交通工具。

最令航班大亂嘅係，日本將限制韓國航班只可以喺東京成田機場、大阪關西機場降落。其餘航線就等同禁飛。

因此喺消息一出嘅第二日，韓國政府即刻表示抗議同不滿，牽連到韓日互通嘅大量旅遊人口；青瓦臺更出聲明，表示日本嘅行為「令人不解」。

韓國外交部長康京和（강경화）喺06日召見日本駐韓大使冨田浩司，表示強烈抗議，而喺日本發布消息嘅前一天，外交部都召見日本公使，向日本抗議取消簽證嘅舉動。

韓國外交部亦宣布喺同一時間（09日09:00起），取消日本人入境韓國嘅免簽證制度，更擴大至對日本人已發放嘅簽證都一併中止，

更計劃限制日本航班入境韓國、日本入境嘅人要特別審查等，作為反擊。