東大門咖啡廳總整理
東大門私藏7間Cafe！每間唔同風格，總有一間啱你心水！
Hello，大家好，我哋係由韓國人每日提供最新韓國旅行資訊嘅Creatrip。
東大門可能大家只會諗都係shopping，不過其實呢度都有唔少美食同特色Cafe，如果之後行到攰，不如就參考小編整理好嘅必去Cafe清單啦！
1. Cha Cha Tea Club（차차티클럽 창신점）
東大門下一個好繁忙嘅購物區，如果想搵一間安靜又可以舒服休息嘅Cafe，小編會推薦嚟Cha Cha Tea Club，而家喺東大門同延南洞都可以搵到佢嘅蹤影。
佢係一條小巷入面，不過周圍都係住宅區，所以嚟到呢度會特別安靜，之前KBS《生生情報通》都有嚟介紹過。
入到去下一間老舊嘅老舊韓屋，中間大枱擺滿好多可愛裝飾品，有乾花同茶具，俾人一種好舒服嘅感覺。
顧名思義呢度係一間轉門賣茶嘅地方，小編最後揀咗白牡丹同正山小種紅葉，職員會好細心咁幫大家沖，每一款茶最多可以沖5次。
白牡丹查小編覺得有啲似青蘋果味道，正山小種紅茶好濃郁，好香醇，如果只係覺得飲茶太單調，可以加多個朱古力柿子（₩8,300），甜味多汁，配茶一流！
Cha Cha Tea Club（차차티클럽 창신점）
- 地址：서울 종로구 종로46가길 13
- 營業時間：星期三至日：13:00 - 22:00、週一、二休息
- 價格：白牡丹（백차 백모단）₩10,000、正山小種紅葉（홍차 정산소종）₩11,000、朱古力柿子（곶감 초코 살라미）₩8,300
- 小Tips：東大門站7號出口行130m
2. Jeong Geurida（정그리다）
Jeong Geurida係喺東大門站1號出口附近，位於一棟擁有200多年歷史嘅建築物2樓同3樓，要去相當方便。
Cafe入面種咗香蕉、木瓜、菠蘿同咖啡樹，俾人一種好似去咗一個熱帶雨林咁，同時仲有一對可愛鸚鵡，鍾意同客人交流。
呢度空間好大，甚至仲有團體房，天氣好嘅話可以欣賞到興仁之門，小編建議大家可以喺日落或者夜晚去，感受東大門另一個景色。
Jeonggeuriya係芒果＋椰子，好香，唔太酸唔太甜，上面仲有幾片芒果，而百香果茶，微甜好爽，兩款都各有特色！另外叢林蛋糕係抹茶口味，好香同濃郁，茶味十足，最上層嘅忌廉好正！
Jeong Geurida（정그리다）
- 地址：서울 종로구 낙산성곽길 2
- 營業時間：10:00 - 23:00 、只有星期三開到22:00（閂門前30分鐘Last Order）
- 價格：Jeonggeuriya（芒果+椰子）（정그리야（망고 + 코코넛）₩5,500、百香果茶（패션후르츠티믹스）₩5,500、叢林蛋糕（정글케이크）₩7,500
- 小Tips：東大門站1號出口行103m
3. REMICONE
REMICONE係一間出名食雪糕嘅Cafe，佢唔單止好味，而且形狀仲好特別，位於Doota B1， 唔少人行街嘅時候，口痕肚餓入去買返杯雪糕食。
呢度裝修好簡單，主要係白色，用咗啲粉紅色同紅色去做點綴，空間嚟講都算大。
小編叫咗呢度嘅招牌，Thunder Bomb係棉花糖雪糕，上面嘅棉花糖好似爆炸糖咁好特別，Hawaiian Beach係加咗青檸醬嘅雪糕，酸得嚟又好味！另外小編再叫多咗個Crumble Cake，蛋糕中間層比較甜，都OK！
呢度除咗雪糕仲有賣咖啡、早午餐等，最特別係唔同季節仲有限定Menu，每次去都會有新鮮感！
REMICONE
- 地址：서울 중구 장충단로 275 두산타워 B1 33호
- 營業時間： 平日 10:30 -24:00、週末 10:30 - 05:00
- 價格：Thunder Bomb (썬더밤) ₩6,100、Hawaiian Beach (하와이안 비치) ₩5,500、Crumble Cake ₩5,500
- 小Tips：東大門站8號出口行198m
4.TIFF（티프）
TIFF係最近一間好受年輕人歡迎嘅Cafe，呢度風格好簡單，但就提供好高質嘅甜品同飲品。
TIFF空間只得黑白兩種顏色，檯上有小植物做裝飾，周圍仲有一啲繪畫、書同模型等，散發出一種現代藝術感，每張檯都有一段距離，好有個人私隱。
TIFF Menu多樣化，有咖啡、汽水、蛋糕、早午餐等，櫃檯前有一部iPad，上面有每款菜嘅相，所以就算唔識韓文，都可以輕鬆落單。
呢度嘅所有食品同飲品都好吸睛，小編最後叫咗Einspanner nutty上面層Cream超好飲，甜得嚟帶有堅果味，如果唔飲咖啡，可以試佢哋嘅2021 Tropical House，酸酸甜甜，好好味！另外牛角包煙肉料多，同時仲附幾條薯條。
TIFF（티프）
- 地址：서울 중구 퇴계로53길 6-17 B1
- 營業時間：12:00 - 21:00
- 價格：Einspanner nutty（아인슈페너 너티）₩6,500、2021 Tropical House（2021 트로피컬 하우스）₩6,800、牛角包煙肉（크루아상 베이컨） ₩9,000
- 小Tips：東大門歷史文化公園站6號出口行132m
5. Jeanfrigo（장프리고）
如果喺東大門行到黃昏時候，會唔會想去一間酒吧放鬆一下呢？ 如果睇外觀我以為係一間水果店，入口好特別，用咗冰箱去做設計。
呢度嘅燈光好有feel， 1樓有Bar檯，可以望住調酒師調酒，或者如果想有個人空間，可以上2樓。而且每一張檯都有一個生果名，例如蘋果檯、香蕉檯、橙檯等，相當有趣。
如果唔飲得酒嘅朋友，可以嚟飲Weekly Fruit Colada，佢係一款由菠蘿、菠蘿汁、椰子、橙汁製成嘅雞尾酒，好新鮮，甜而不酸，飲得酒嘅朋友可以試吓Little Forest，由伏特加、檸檬汁、新鮮蘋果同羅勒製成，上面仲有啲糖，甜得嚟又酸酸地。同時小編另外仲叫多咗個西柚芝士，喺韓國最近超hit，西柚同羅勒醬同芝士一齊食，聽落怪但好好味！
Jeanfrigo（장프리고）
- 地址：서울 중구 퇴계로62길 9-8
- 營業時間：星期二至四 18:00 - 01:00、星期五 18:00 - 02:30、星期六 14:00 - 02:30、星期日14:00 - 1:00
- 價格：Weekly Fruit Colada（위클리 콜라다）₩13,000、Little Forest（리틀 포레스트）₩15,000、 西柚芝士（하몽 부라타치즈）₩18,000
- 小Tips： 東大門歷史文化公園站3/4號出口行197m
6. J.Hidden House（제이히든하우스）
東大門仍然保留唔少韓國傳統文化，當中J.Hidden House就係由韓屋改造而成嘅Cafe，佢喺興仁之門同DDP附近，自1915年以嚟已經去到第5代。
J.Hidden House有好多座位，有室內同室外，佈置得好靚，每個位都可以成為打卡位，呢度嘅甜品同飲品都係由曾經喺酒店餐廳工作過嘅經理親手製作，品質絕對係唔話得！唔同季節亦都會換適合嘅咖啡豆，所以每一次嚟都會好有驚喜。
J.蔓越莓忌廉鮮奶咖啡相信係每位女仔嚟到都會愛上嘅飲品，梳打係檸檬味，酸得嚟夠爽！只要出示我哋提供嘅優惠券，仲可以有飲品9折優惠添！
J.Hidden House（제이히든하우스）
- 地址：서울 종로구 종로 269-4
- 營業時間：12:00 - 18:00（休息日子可以參考Cafe Instagram）
- 價格：J.蔓越莓忌廉鮮奶咖啡（J.라즈베리크림라떼）₩7,500、J.手工檸檬梳打（J.수제 청 에이드）₩7,000、甜品₩3,500~₩4,500
- 小Tips：東大門站10號出口行56m
7. Starbucks DOOTA店（스타벅스 동대문두타점）
Starbucks周圍都有，不過小編會推薦Doota店係因為呢度夠方便，行到攰嚟呢度坐就啱啦！
呢度可以直接望到DDP周東大門街，朝早同夜晚去完全唔同氣氛，如果想坐到好位，一定要避開高峰時間！
如果有收集Starbucks杯嘅習慣都可以嚟呢度睇吓有冇啱心水，通常價錢係₩25,000以上。
Starbucks DOOTA店（스타벅스 동대문두타점）
- 地址：서울 중구 장충단로 275, 2F
- 營業時間：10:30 - 22:00
- 小Tips：東大門站8號出口行198m
以上咁多間Cafe，每間都唔同特色，大家又有冇邊間覺得唔錯呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk