韓國必食豬腳專賣店

哈囉！大家好～～

我哋係由韓國人話你知每日最新韓國旅遊資訊嘅Creatrip！

韓國咁多好嘢食之中，除咗炸雞同烤肉之外，唔可以錯過嘅仲有韓國豬腳！

而喺韓國相當之出名嘅豬腳店之一 - 豬腳鬼神，每一次出Post都會勁多人問！

所以小編今日就為大家寫出佢有幾咁好食，同埋呢間豬腳鬼神秘訣同小常識，

有興趣嘅就繼續睇落去啦！

＜進入本文前可以參考以下文章＞

【韓國美食】韓國旅遊必食！首爾人代表宵夜～韓國豬腳推薦TOP5總整理！

【韓國美食】韓國首爾旅遊必食！首爾美食TOP10！2018年最新攻略～

【韓國美食】韓國旅行必食首爾美味辣炒年糕店 TOP6！(包含三清洞吃休錢走等等)

【韓國美食】韓國必食美食！韓國人鍾意嘅烤腸～超高人氣首爾烤腸店TOP5！

呢間咁好食嘅豬腳店應該要點去呢？

首先搭地鐵到麻浦區廳站！

去4號出口～

上到去之後一直直行，大約行4分鐘左右就會見到。

遠望就可以發現呢間店充滿復古氣氛！

可能因為夠復古，更令人覺得係一間唔可以錯過嘅韓國美食店～

點解會話呢間店充滿復古氛圍呢？

其實行入店之前就可以發現，呢間韓國美食餐廳門係旁邊拉開，而唔係用推。

唔知點解會好有一種日式感覺～哈哈！XD

其實呢間鋪一啲都唔細，不過只要一到晚餐時間就會勁多客人。

加上呢間豬腳份量都幾大，所以如果大家遲咗去，可能需要等一段時間。

一行入店裡面就可以見到牆上勁多簽名，

因為呢間豬腳店同韓國MBC電視台相當之近，

唔少藝人，例如SHINee 、Sistar 、Rainbow等都有幫襯過。

亦因為有明星效應，所以呢到變得更加出名。

一入到去老闆就會將各種豐盛小菜擺上檯，

呢到最特別嘅係估唔到小菜會有魚糕？

通常韓國餐廳裡面小菜都係無refill，

呢間豬腳鬼神當然都唔例外，但無諗過就連魚糕都可以！

小編呢次點咗＂半半豬腳＂（前腳），以及手抓飯糰，

唔洗等好耐豬腳就送上檯啦！

豬腳份量真係唔係講笑，份量真係超多！

如果係兩個女仔一齊去，一定會食唔哂。

肉質鮮軟多汁，雖然小編平時唔太敢食肥肉同豬皮，

不過呢間豬皮真係好易入口，超好食！

雖然都會驚食太多會肥，但因為可以增加骨膠原同對皮膚好食多啲都唔怕啦！ (胃食就係多藉口XD)

另外，原味豬腳雖然已經好好食，但如果敢食辣嘅過，

小編推薦大家一定要試吓呢到嘅辣味豬腳！

秘製辣醬香得嚟又甜又麻辣，刺激大足！食過之後真係令人胃口大開～

不過要注意嘅係，辣味豬腳真係都幾辣！

如果怕太辣但又想試吓嘅話，可以好似小編咁點半半豬腳，

或者包住生菜一齊食都可以減輕一啲辣度㗎！

除此之外，仲記唔記得一開始小編點嘅紫菜手抓飯糰呢？

其實如果有點紫菜手抓飯糰配著辣味豬腳一齊食嘅話，亦可以減輕一點辣度！

大家只要帶上膠手套，然後捏成一舊蕭飯糰就可以啦！

但因為紫菜量都好多，大家捏嘅時候要小心啲，如果唔係會噴得周圍都係！

如果帶埋小朋友一齊去食嘅話，相信佢哋一定會好鍾意哈哈！

雖然紫菜手抓飯糰捏嘅大小其實係睇個人喜好，

不過小編個人覺得如果大小啱啱好係一粒就食落肚，其實係最好嘅。

一啖豬腳一啖手抓飯糰完全就係人間美食啊！！

如果嚟到鬼神豬腳嘅話，紫菜手抓飯糰一定係必點之一。

除咗係因為夠好食之外，同時可以幫助解辣同解膩，唔會因為食太多豬腳而感到膩。

除咗手抓飯團之外，小編都幾推薦大家點蒸蛋！

蒸蛋上面有蔥花同芝麻，好香而且好好食！

如果多人一齊去，真係要點！

最後都係想讚一吓呢到嘅魚糕！唔會因為係免費而整得唔好食，唔會太軟或太硬啱啱好。

除咗魚糕真心好食之外，連嗰湯小編都係咁refill XD

真心推薦大家！！如果嚟到呢間豬腳店一定要飲哂魚糕湯！解膩又好飲～

另外，小篇有發現大家如果去到只要打卡，呢到就會送飲品，

如果想飲免費飲品，只需影相UP上FB或IG就可以，

打卡內容需要Hashtag三個內容：#성산동맛집 #망원동맛집 #족발맛집

打完卡之後Show比老闆睇就可以啦~~~

因為豬腳份量真係太大，如果大家食唔哂，亦可以打包拎走返酒店慢慢食。

＜想知道韓國美食 - 豬腳鬼神詳細資訊同韓中菜單＞

今日嘅介紹就到呢到，下次嚟韓國玩又想試吓食豬腳嘅話，

小編真心推薦大家嚟試吓！保證大家都會覺得好食！

馬上Follow我哋IG
instagram.com/creatrip.hk