2026首爾站美食總整理

Hello，大家好，我哋係由韓國人每日提供最新韓國旅行資訊嘅Creatrip。

首爾站係韓國大眾運輸中樞，除咗有機場鐵路直達仁川、金浦機場之外，地鐵1號線、4號線兩條線都通，甚至仲可以搭KTX或巴士去韓國各大城市，去邊都好方便！

不過去到首爾站唔單止係搭車或者去樂天超市Shopping，其實仲好多美食等住大家試，今日就等小編話你知首爾站附近有咩好食啦！

首爾站美食總整理

1. FOCAL POINT_{(포컬포인트)}

• 地址：서울 용산구 청파로 387
• 時間：07:30-22:00（Last Order 21:20）
• 交通：首爾站（서울역）15號出口

首爾站一出就會見到嘅「FOCAL POINT」係一間酥皮批專門店Cafe，更加榮獲韓國版米芝蓮「Blue Ribbon」認證！

呢度所有酥皮批都係用最高級法國牛油加上韓國當造食材每日新鮮烘焙而成，超過30種鹹批同甜批任君選擇，更加有提供多款咖啡豆，無論係早餐定下午茶都可以食到高質餐點（小編私心推薦食忠州蘋果批同韓式炒牛肉批）。

「FOCAL POINT」另外一個優點係朝早7點半就開門，搭凌晨機太早到要等check-in、仲未夠鐘搭AREX去機場，或者想一早食個靚早餐開始充實行程都冇問題！而且Cafe環境非常闊落，而且大家只要喺度消費仲可以免費擺低一件行李，可以舒舒服服休息！

領取優惠券👇🏻

[스팟] FOCAL POINT（首爾站）

2. Confier_{(콘피에르)}

• 地址：서울 중구 세종대로 14 B2F
• 時間：12:00-21:30（Break Time 14:30-18:00）
• 交通：首爾站（서울역）4號出口

通常講起Fine Dining都會覺得好貴，不過「Confier」CP值夠高，連BLACKPINK同EXO私底下都有嚟過幫襯！而且所有餐點都係用韓國當造食材炮製而成，更加會根據季節轉menu，等客人可以食到最新鮮最好食嘅高級料理。

想同另一半享受浪漫氣氛，小酌返一兩杯嘅話，非常推薦大家嚟「Confier」！

預約資訊&價錢👇🏻

[스팟] Confier（首爾站）

3. 湖水家_(호수집)

• 地址：서울 중구 청파로 443
• 時間：11:10 - 22:00（Break Time 14:00 - 17:00）
• 交通：首爾站（서울역）2號出口、忠正路站（충정로역）4號出口

「湖水家」喺1986年開張，係一間專賣辣燉雞湯同烤雞肉串等嘅餐廳，喺首爾站一帶非常之出名，門口就可以見到老闆以古早方式烤雞肉串。而辣燉雞湯肉夠鮮嫩、湯味濃郁，最後建議大家再加多個炒飯，食完會超滿足！

4. 厚肉_(두툼)

• 地址：서울 중구 중림로 10
• 時間：
  • 星期一至五 15:30-24:00
  • 星期六及日 13:00-24:00（Break Time 15:00-15:30）
• 交通：首爾站（서울역）15號出口、忠正路站（충정로역）5號出口

「厚肉」同樣都係喺首爾站附近，店名顧名思義就係提供又厚又多汁嘅五花肉，只係諗吓都令人流口水。落完單之後都要等一陣，雖然價錢唔算好平，但真係超好味！小編特別推薦大家要嚟食佢哋嘅五花肉同豬頸肉！

[블로그] 首爾站「厚肉」介紹

5. SZIMPATIKUS_{(심퍼티쿠시)}

• 首爾站店地址：서울 중구 세종대로 14
• 時間：11:00-22:00
  • Break Time：15:00-17:00
  • Last Order：14:00、21:00
• 交通：首爾站（서울역）4號出口

「SZIMPATIKUS」係一間食Fusion菜嘅高級Fine Dining餐廳，因為可以用合理價錢食到高質菜式，所以成為咗最受韓國人歡迎嘅高級餐廳之一。黃昏同夜晚時段坐窗邊位仲可以睇到超靚夜景，推薦大家同家人、朋友或者另一半一齊嚟度過特別時光！

預約資訊&價錢👇🏻

[스팟] SZIMPATIKUS（首爾站店）

6. 國民會館_{(국민회관)}

• 地址：서울 중구 중림로 10
• 時間：
  • 星期一至五 16:00-22:30
  • 星期六及日 12:00-22:00（Break Time 15:00-16:00）
• 交通：首爾站（서울역）15號出口

首爾站附近另一間出名食燒肉嘅餐廳「國民會館」主要賣薄切五花肉，特點係肉質鮮嫩，撒少少胡椒粉再配埋烤野菜更加清爽唔油膩。

而且餐廳氣氛令人好似返番去以前年代咁，有啲似係《請回答》嘅feel，之前韓綜《Running Man》都有嚟過取景！

7. 柚子拉麵_{(유즈라멘)}

• 地址：서울 중구 만리재로 217
• 時間：11:00-21:00（平日 Break Time 15:00 -17:00）
• 交通：首爾站（서울역）15號出口

如果嚟韓國食唔慣韓國嘢，可以試吓呢間日式拉麵店。佢哋嘅招牌菜就係「柚子鹽味拉麵」，湯底比小編喺日本食到嘅清爽淡口，而日式叉燒味又相對濃，非常特別。不過因為佢太出名，好多時去到都要排隊先可以入到去，想去就記住趁早啦！

8.  首爾鐵路辣炒年糕_{(서울역철도떡볶이)}

• 地址：서울 용산구 청파로93길 18-1
• 時間：11:00-22:00
• 交通：首爾站（서울역）15號出口

「首爾鐵路辣炒年糕」外觀係鮮紅色，好顯眼，一入到去會見到好多復古海報同裝飾，鋪頭唔大，只係得三張檯，所以小編建議大家避開食飯時間嚟，如果唔係就要排隊。

價錢相當合理，而且辣炒年糕辣度適中，偏甜、好味，怕辣嘅朋友都可以試吓，再叫多個迷你紫菜包飯一齊食，更加有飽肚感！

9. Cafe de nusi_{(카페드누시)}

• 地址：서울 용산구 소월로2길 17
• 時間：
  • 星期一至五 11:00-18:00
  • 星期六 10:00-18:00
• 交通：首爾站（서울역）10號出口

如果想去食brunch，推薦大家可以去「Cafe de nusi」！呢間Cafe以木質風格為主，俾人一種好溫馨嘅感覺，坐1樓窗邊有陽光曬入嚟，望住出面嘅景好舒服。

呢度最出名嘅係牛角包窩夫配焦糖香蕉Brulee同泡菜蛋包飯配牛油果，同朋友去嘅話記住兩款都要叫嚟食！

10. 兔子停_(토끼정)

• 地址：서울 중구 한강대로 405 2F
• 時間：10:00 - 21:00
• 交通：首爾站（서울역）1號出口

兔子停主打日式西餐，喺首爾好多主要地區都有分店，而喺首爾站行去樂天超市方向都可以見到有！呢度招牌菜係「忌廉咖哩烏冬」，一上到檯可能會以為係甜品，但其實係濃郁薯仔忌廉配香濃咖喱，令人忍唔住食完一啖又一啖。

11. 囕盈豚_(남영돈)

• 地址：서울 용산구 한강대로80길 17
• 時間：
  • 星期一至五 16:00-22:00
  • 星期六 12:00-21:00
• 交通：南營站（남영역）1號出口、淑明女大站（숙대입구역）6號出口

喺首爾站搭多一個站就會去到南營站，呢度附近有被譽為韓國三大燒肉店之一，開咗鋪30幾年嘅「囕盈豚」，每次去到食飯時間都會大排長龍。

呢度最特別嘅係會用傳統炭火去燒，啲肉食落都會有陣炭香味，雖然價錢偏貴，不過小編個人覺得非常值得！

[블로그] 首爾站「囕盈豚」介紹

12. 熱情島烤肉_{(열정도고깃집)}

• 地址：서울 용산구 백범로87길 55
• 時間：12:00-22:00（平日 Break Time 14:00-16:00）
• 交通：南營站（남영역）1號出口

「熱情島烤肉」同樣位於南營站附近，呢間餐廳上過唔少韓國電視節目，仲有好多明星都有幫襯過！所有豬肉都係1+等級韓國本地豬，更加經過獨家方式進行熟成，肉質鮮嫩夠juicy，如果住宿位於首爾站附近記住一定唔可以錯過。

預約資訊&價錢👇🏻

[스팟] 熱情島烤肉（龍山）

13. 熱情島小章魚_{(열정도쭈꾸미)}

• 地址：서울 용산구 백범로87길 40
• 時間：11:30-23:00
• 交通：南營站（남영역）1號出口

「熱情島烤肉」行多幾步路就會去到「熱情島小章魚」，呢度主打碳烤小章魚，炭火味配埋特製醬汁超惹味，更加可以調節辣度，就算唔食辣都冇問題。

而且餐廳裝修氣氛夠復古，就好似返咗去八九十年代嘅韓國咁，非常特別。大家記住要book定枱，如果唔係可能要排長龍等！

預約資訊&價錢👇🏻

[스팟] 熱情島小章魚（龍山）

之後去首爾站搭車，或者去完樂天百貨、超市行完去補充體力，都可以去以上餐廳同Cafe，希望呢篇文章可以幫到即將會去首爾站附近玩嘅朋友們啦！

行程當中會去首爾站附近？

[블로그] 1月韓國超市/百貨公司休息日

[블로그] 首爾站「樂天超市」介紹&購物攻略

[스팟] KTX火車票代訂服務 | 首爾、釜山、東大邱、五松(清州)、江陵、慶州、全州、浦項

[스팟] 仁川機場快線AREX直通車票

[스팟] KR PASS (KTX)

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！

如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！