韓國便利店有咩係必買？
去CU到底買咩好？邊款商品只得GS25獨家發售？韓國3大便利店必買攻略
哈囉，大家好，呢度係由韓國人每日提供最新韓國旅行資訊嘅Creatrip。
＃韓國便利商店＃必買
＃便利商店推薦＃食品
＃買咩好＃韓國必買
＃CU＃GS25＃7-11
唔知大家會唔會同小編一樣，只要去旅行就好鍾意去便利店呢？
就算行咗好多次都唔會厭，每次都可以買到好到返去。
而且附近仲有一間喺附近，就算唔同便利店，賣嘅商品亦都會有唔同。
所以！今日小編要介紹喺韓國行便利店時，喺CU、GS25同7-11一定要買嘅商品有邊啲！
如果有興趣就繼續睇落去啦！下次嚟韓國就可以跟住買嚟試下啦。
✨馬上Follow我哋IG
instagram.com/creatrip.hk
韓國便利店必買：GS25
1. GS25 蟹膏醬
要講到GS25獨家發售，而且一定要試嘅就莫過於有濃濃鮮味蟹膏醬啦！
大家食嘅時候，記得一定要連飯食，食完簡直係令人難忘嘅味，直到而家只要一上架都會比人搶哂。
2. GS25 火雞紫菜包飯
火雞系列喺各大便利店都買得到，但只有正統火雞紫菜包飯得GS25先買得到！
想體驗辣得過癮、香氣十足嘅紫菜包飯滋味？咁就要去GS25搵下佢嘅身影啦。
3. GS25 西瓜燒酒
夏天出爐新款西瓜燒酒，倒入杯會呈現淡淡紅色，飲嘅時候酒味唔會好重，有非常香甜果汁氣味，
同時亦係只得GS25先有得買，想買嘅就要把握機會啦！
4. GS25 泡菜鍋杯麵
GS25自家品牌中，泡菜鍋拉麵可以話係必買！
佢標榜味道同真正泡菜鍋一樣，小編食過幾次之後，真係同外面泡菜鍋一模一樣？
韓國同事都好驚訝咁講，瞇埋眼食唔講以為真係喺專門店入面食緊泡菜鍋咁。
5. Kakao果汁
GS25獨家發售仲有呢3款Kakao Friends飲品，口味就係果汁，
但更吸引人嘅係個樽本物非常具有紀念價值，小編見到好多人一買就會買哂三罐走。
6. 人氣歌謠三文治
GS25啱新出呢款，號稱同《人氣歌謠》口味一模一樣嘅三文治時，小編真係覺得好新奇，
食過一次之後，其他便利店都推出男友三文治、女友三文治，味道就覺得一般，只一次就好。
韓國便利店必買：CU
喺開始介紹CU便利店商品之前，相信大家應該都知道，CU強項就係甜品，
所以想要食平、CP高嘅甜品，就一定要去CU行一圈。
1. CU 柔軟朱古力熔岩
唔係講笑，呢個真係全部都係朱古力！朱古力多到好似熔岩咁流出嚟，
濃郁嘅後勁，搭配柔軟麵包本身，對於鍾意食朱古力嘅朋友嚟講，一定要試下呢款CU便利店甜品。
2. CU 朱古力麻糬
融化咗嘅朱古力，配上柔軟麻糬，號稱係惡魔味道，一粒麻糬大小就非常有飽足感。在
喺CU買一盒，當做飯後甜品真係幾唔錯㗎。
3. CU Lotus Biscoff 忌廉蛋糕
呢款CU獨家發售嘅Lotus蛋糕，亦係小編食過一次，就忘記唔到嘅味，
Lotus鋪喺綿密忌廉蛋糕上面，口感好之如味道更係無得頂，達成畫龍點睛效果，
一個係₩3,000(hkd 20左右)，打贏一堆外面Cafe賣嘅蛋糕。
4. CU 火雞辣餃子
火雞系列當中子產品出咗餃子，同樣係CU便利商店獨家發售，
小編食過一次之後，覺得辣度都仲可以接受，同GS25火雞紫菜包飯不相上下，但價錢就貴少少。
5. CU 年糕蛋糕捲
呢款亦係CU便利店歷久不衰商品之一，中間有彈牙年糕，配上濃厚甜醬名綿密蛋糕，
咬落去就係大滿足，佢一共有四款口味，你又最鍾意邊一款呢？
韓國便利店必買：7-11
雖然7-11喺其他國家都有，同GS25或CU便利店比，「只有7-11」先發售嘅特別商品其實唔算多。
7-11 Kakao便當
5月開始，韓國7-11靠住呢款Ryan便當，一度起死回生，
如果7-11冇出呢款Kakao便當，又真係好難打得贏GS25同CU。
雖然GS25同CU比較熱門，但身為韓國三大便利店之一嘅7-11，應有商品都會有，
呢幾款Kakao便當更係熱賣咗好耐，而家仲不停推出新產品添！
韓國每間便利店都有唔同必買商品，除咗小編介紹以上「喺某店先會有」嘅商品之外，
其實呢啲便利店仲有好多共通商品，大家嚟韓國嘅時候一定要試下啊。
唔知大家又有冇咩特定便利店限定商品，想同我哋分享呢？快啲留言話比我哋知啦。
✨馬上Follow我哋IG
instagram.com/creatrip.hk
| 其他延伸閱讀 | |
 香蕉牛奶迷你版 |  韓國必買商品 |
 大創本月人氣品 |  首爾outlet整理 |
 韓國血腸食法 |  絕美隧道打卡點 |
