韓國冷知識(1)
韓國冷知識整理，韓國人英文能力其實同香港人唔係差好多？巴士地鐵轉乘四次唔使錢？
Hello，大家好，我哋係由韓國人每日提供最新韓國旅行資訊嘅Creatrip。
呢幾年越嚟越多人都嚟韓國，對韓國大小事可能都會知唔少，但總有一啲事，聽到當下會有種「啊，原來係咁嘅」感覺。小編整理出相關韓國冷知識補充，唔知大家又知幾多個呢？
韓國旅遊冷知識
1. 梨花壁畫村其唔係喺梨大？
喺早幾年「梨花洞壁畫村」可以話係人人去韓國必去景點之一，經過好多當地居民激烈手段抗爭後，已經睇唔到以前畫風。
不過好多人都以為梨花壁畫村係喺梨花女大附近，而將兩個行程排得超近，但其實梨花壁畫村係喺惠化站大學路附近，同梨大係完全冇任何關係。
2. 首爾嘅水其實可以生飲？
雖然首爾自來水已達到生飲標準，但其實多數首爾人係唔會好似日本咁，直接開水龍頭水嚟飲，就連平時煮拉麵、煮熱水，大多數都係買支裝水嚟飲。
雖然政府一直倡導首爾居民，可以直接生飲水龍頭嘅水，但基本上冇首爾人會「敢」做。
3. 東大門真係咁好買？
好多人都話東大門有好多衫同飾物買，而且每次去都可以見到好多人。
但東大門係唔係真係咁好買？錯啦！其實東大門對自由行嚟講，唔會比較抵。好多都係代購同大量批發中下游廠商，如果真係要買平衫，勸各位去地下街行，反而會有更多收穫。
4. 血腸湯中黑色粉其實唔係胡椒？
食血腸湯嘅時候，大家可能會覺得有啲辣，加上見到湯裡面有好多黑色粉，就以為韓國人好鍾意食胡椒。
但其實黑色粉並唔係胡椒，而係芝麻粉（胡麻），不過根據每間店唔同，湯可能會加少少胡椒（都融哂），浮喺湯上面其實只剩得芝麻粉。
5. 韓國冇地震？
雖然同日本或者環太平洋地震帶唔遠，但其實朝鮮半島基本上係冇咩地震。對日本、台灣嚟講中型地震，或者每日小地震就會令佢哋心慌慌。
有地震紀錄相關儀器以來，韓國從未發生過規模6以上地震，就連規模4、5地震都唔常見。所以韓國屋普遍耐震係數都唔太好，加上近期韓國弱震有增加趨勢，專家表示，如果首爾發生規模6地震，死傷可能會破10萬。
6. 韓國人其實英文唔差？
好多人嚟韓國嘅時候，以為韓國人唔太叻講英文，但其實.......................
韓國人英文真係唔差，2021年EF成人英語能力指標中，香港係排全世界第32名，韓國係37名，相差唔係好多，評級一樣都係中等熟練度。
但點解大家都會覺得韓國人英文唔好？係因為好多韓國人學英文都轉化成韓文拼音。所以佢哋講呢時候，大家可能會以為佢講緊韓文而唔係英文。
7. 巴士地鐵轉乘四次唔使錢？
相信大家都知道，韓國巴士轉地鐵、地鐵轉巴士係可以享有轉乘優惠，不過亦有一啲例外，或者超過里程就要補差額。
- 地鐵出站、再搭地鐵：重新收費
- 地鐵出站、再搭巴士：有轉乘優惠
- 地鐵出站、再搭巴士、再轉巴士：有轉乘優惠
第三點巴士必須要唔同班次，先可以一直用轉乘優惠，而且最多可以用到第四次。但注意，千祈唔好地鐵同地鐵連續搭，咁樣優惠就會斷。
8. 因為升學壓力，政府下令補習班10點就要閂門？
升學壓力大嘅韓國，好多中學生（甚至小學）每日放學之後就要面對補唔完嘅習，甚至連星期六、日休息時間都冇。喺2014年全球調查當中，韓國青少年幸福指數係最低，而且平均每日都會有一位青少年，因為唔同壓力，例如：家庭、學校、排擠等原因走上絕路。
雖然政府已經正視到呢類問題，但幾乎每次選舉時，都會提出相關政見，甚至明令補習班唔可以營業超過10點。
9. 週末地鐵比平日更早結束？
大家都知道首爾大眾交通非常方便，地鐵幾乎四通八達，但大家又知唔知其實平日地鐵結束時間比週末仲要晏呢？
好多人可能都會意外，認為週末夜生活豐富嘅韓國，點解週末地鐵末班車時間會閂得比較早？其實係因為平日之會遲結束原因，係為咗加班嘅上班族……
10. 韓國租房押金係天價？
韓國押金稱為「保證金」，而且唔同地方會有唔用計法。以小編喺韓國住咗咁耐為例，見好多地方都係收500萬 (hkd35,000左右) ~ 1000萬(70,000左右)，當然想再住好啲，保證金就會再貴啲，但韓國有一種特別計法係：保證金越高，月租會越平。或者仲有一種係一次過俾一大筆錢，而唔需要交租，只需要交水、電、媒，而且最後係拎得返。
小編韓國朋友向銀行借咗1.5億韓元（大約100萬港幣），換到喺江南區租兩年，唔需要俾租金。
如果拎唔出越高額保證金作為抵押，咁就一定要俾高月租。喺韓國，年青人如果喺出面租房，如果冇屋企支援，背後都係孭住好幾千萬甚至到億嘅債（但最後係拎得返）。
以上係小編整理出相關冷知識補充，唔知道大家原本又知幾多個呢？有好幾個都係小編嚟韓國生活之後先知，希望大家會鍾意呢次分享啦。
如果有更多想知嘅內容，都可以隨時留言或者dm話俾我哋知：）
Instagram：creatrip.hk