景福宮美食總整理
邊個話淨係得土俗村人參雞？韓國人最愛景福宮美食 TOP5!
Hello，大家好！呢度係由韓國人每日提供最新韓國旅行資訊嘅Creatrip。
＃韓國＃首爾＃景福宮
＃景福宮美食＃韓國人推薦
「去景福宮嗰頭一定要食土俗村人參雞！」十年前可能係；但今時今日，嗰到幾乎九成都係香港同台灣客，仲要排好耐先食到。唔通真係咁中意同遊客鬥排隊咩？
韓國人嚟到景福宮一帶，唔係淨係食人參雞！呢到有好多並唔隱世，位置易搵，但又非常好食嘅餐廳。今日就同大家公開「韓國人最愛景福宮美食 TOP5」，等大家可以跟住local搵真正嘅好西啦！
1. 景福宮美食：玉仁披薩（옥인피자）
以甜南瓜同芝士製成韓式薄餅而聞名—「玉仁披薩」
↑傳說中嘅南瓜芝士pizza！
因為很重要所以要講三次：「玉仁披薩」真係真係真係好好食！所以佢係景福一帶非常有人氣嘅韓式pizza店。
如果抱住「全世界嘅pizza咪都係一樣」嘅心態就唔啱喇！韓國嘅pizza只可以喺韓國食到！口感更鬆軟，而且口味非常多變化，有好多意想不到但好食嘅配搭都有。
而「玉仁披薩」嘅招牌pizza—南瓜芝士pizza正正係「韓西混血」—既有用韓國傳統料理常見嘅南瓜，仲有無人不愛嘅邪惡拉絲芝士！
呢個pizza口感豐富，味道香甜。「減肥？返香港先啦！」
↑無呃人！店家落咗超多芝士！名符其實「邪惡拉絲」呀！
唔只pizza係「韓西混血」，「玉仁披薩」嘅店面環境同樣混合傳統韓屋同現代時尚風格。
外內環境都咁靚，喺到絕對可以放鬆心情，同朋友戀人邊食邊傾計，仲可以打個靚卡。
↑仍然保留到一定傳統韓屋嘅味道！
「玉仁披薩」真係好受韓國人歡迎，無論午市定晚市，都會見到有人排隊。
小編假期去就等咗差唔多1個鐘……不過見全部都係韓國人，而且味道真係好正，所以真係「有下次」！
當然如果唔想排咁耐，可以試下平日啱啱開午市，或者遲多少少先去。小編因為要返工，所以平日就難啲去食喇！
【景福宮美食】「玉仁披薩」中文菜單、小貼士、交通位置、更多靚相！
주소: 서울 종로구 옥인길 26
2. 景福宮美食： 南道粉食（남도분식）
"結合全羅道同西洋風格之麵食館"
↑ 景福宮美食：「南道粉食」招牌菜—「魷腸糕」（오순떡）及「生菜包炸物」（상추튀김）
全羅道喺韓國心目中喺美食料理嘅集中地，當中有一道無人唔識嘅喺光州發跡嘅特色菜—「生菜包炸物」（상추튀김）本來只可以喺全羅道先食到，但依家喺首爾都可以食喇！
對首爾人嚟講好新奇嘅生菜包炸物係用生菜包住炸魷魚同醃洋蔥嘅料理。清爽嘅生菜將炸物嘅油膩感一掃而空，越食越好食！
↑ 全羅道人會將醃洋蔥同炸物放喺生菜上，之後再包一齊食住炸物食。
另一道招牌菜—「魷腸糕」（오순떡）同樣好食！
「魷腸糕」，即係魷魚、血腸同炒年糕。呢到嘅炒年糕比一般炒年糕有更多用料！
↑ 入面仲有好煙韌嘅年糕同長通粉！
呢道菜式魷腸糕」這道料理是用整隻魷魚裡塞進了義大利麵和起司，再和辣炒年糕一起下去煮成的。
↑ 景福宮美食：南道粉食外觀
地址: 서울특별시 종로구 옥인길 33
3. 景福宮美食：光化門餐廳（광화문집）
"景福宮附近第一名嘅泡菜鍋美食店!"
↑ 呢到嘅泡菜鍋真係一食愛上！超級好味！
光化門同景福宮附近有好多傳統嘅美食餐廳，其中「光化門餐廳」就係以泡菜鍋起家嘅老牌食店。
↑ 非常有歷史嘅餐廳。
↑ 連接地下1樓同2樓嘅樓梯。
雖然好似幾十年都冇裝修過咁，但係老舊嘅環境並冇影響食客到訪嘅意欲，所以佢係經常高朋滿座嘅名店嚟。
如果1樓冇曬位，就坐2樓。但如果兩層都坐滿曬客，就要等大約10-20分鐘喇。
↑ 傳統平價韓式美食一定係咁樣擺陣。
↑煎雞蛋卷（5,000圜）要分開叫，無論係做前菜定送食都咁好味。
呢到嘅泡菜鍋唔會太辣，但味道十分濃厚，所以好緷名。
而且用料實在，泡菜鍋入面加咗好豬肉同泡菜。
份量又大又好食，就韓國著名美食節目<星期三四美食會>都專登嚟訪問佢。亦因為咁，呢到唔只得老一輩捧場客，最近仲多咗好多後生仔女去添 ！
↑深受韓國人歡迎嘅老店經常高朋滿座。
주소: 서울 종로구 새문안로5길 12
4. 景福宮美食：「麵疙瘩與大麥飯」（수제비와 보리밥）
"擺盤精緻，味美又健康之家庭式韓國料理店"
↑「 麵疙瘩與大麥飯」嘅招牌菜— 「大麥飯 1人」 (如果中意食麵，可以叫「麵疙瘩」組合。)
(出處: 네이버 블로그)
呢間「麵疙瘩與大麥飯」係位於景福宮站附近嘅小店。
入面只有掛牆菜單，而且裝修簡單樸素，但憑住乾淨嘅擺盤方式同健康吸引嘅味道令到唔少韓國人都舉起手指公大讚！
↑ 韓國人成日覺得「只有掛牆菜單嘅餐廳」嘅嘢食係最好食。
(出處: 네이버 블로그)
呢到招牌菜有用鯷魚熬煮成湯嘅麵疙瘩，放喺傳統大甕到令人印象深刻。
↑ 落雨嘅時候，有部份韓國人會專登走去食可以暖身嘅麵疙瘩。如果係大胃王嘅話可能一碗未必夠喉啊！
(出處: 네이버 블로그)
慈祥嘅婆婆用心煮出味道宜人嘅麵疙瘩，唔會太鹹太辣，加上清甜嘅堤魚湯底，絕對係令您「愛回家」嘅味道。
↑ 景福宮美食「：麵疙瘩與大麥飯」수係一間細小嘅韓屋美食店。
(出處: 네이버 블로그)
5. 黄漆家（황칠가）
韓國代表養生料理—牛骨湯之景福宮名店
↑ 食過翻尋味—「黄漆家」牛骨湯。
超大份牛骨！
食肉獸朋友一定會好興奮！您仲可以拎起成件嚿牛骨食！
↑ 牛骨湯用料十足！
牛肉既柔嫩又有咬口。湯裡頭除咗有牛肉，仲有紅棗、木耳、冬粉、野菜，真係好夠份量同營養。
再配上用黃漆藥材燉煮嘅排骨湯頭真係無得頂！湯底味道自然回甘。
配埋附送嘅石頭鍋白飯食真係非一般享受！
↑ 如果叫一份牛骨湯嘅話店家會免費附送埋石頭鍋飯！
韓國人食石鍋飯有佢哋嘅傳統方法，想知道點食，請參考「【景福宮美食】「黃漆家」—正宗韓國石頭鍋飯食法 。
↑ 黃漆家就喺 景福宮韓服 No.1 韓服租借店—「韓服Plus」 隔離，非常易搵。(Creatrip會員可以獨家九折優惠租借「韓服Plus」！）
以上就係小編整合嘅「韓國人最愛景福宮美食 TOP5」。
大家下次就可以唔洗跟住旅遊書或者遊客指南，可以好似local食更多好西啦！嚟到景福宮，就去試下以上嘅韓國人氣食店啦！
我哋下次再見！
★其他延伸閱讀★
▷ 【韓服預約租借】免費預約享折扣！韓服Plus(HanbokPlus)全面享折扣！華美韓服首選