益善洞美食總整理
益善洞唔單止多Cafe，原來仲隱藏咁多美食？
- 海天漁夫(해천어부)
- 益善洞牧場(익선동 목장)
- 首爾88啤酒(서울88맥주)
- 鐘路三街布帳馬車一條街
- ikseon atteut(익선애뜻)
- Favorite Ikseon/益善取向(익선취향)
- 溫泉家(온천집)
- Jalppajin mill(잘빠진메밀 익선점)
Hello，大家好，我哋係由韓國人每日提供最新韓國旅行資訊嘅Creatrip。
講到益善洞可能只會諗到好多Cafe？咁諗就錯啦！其實呢度都有唔少隱藏美食，而且好多都係電視節目介紹過，有興趣嘅朋友就要繼續睇落去啦！
益善洞附近有咩好玩？
益善洞美食總整理
海天漁夫(해천어부)
- 地址：서울 종로구 수표로28길 11
- 營業時間：
- 星期二至五 11:30-22:30
- 星期六及日 11:30-22:00
- 前往方法：前往方法：鐘路3街站（종로3가역）4號出口行1分鐘
呢間龍蝦料理專門店上過超多韓國美食節目，出名龍蝦新鮮又大隻！提供超豐富龍蝦套餐，仲可以食到新鮮鮑魚、大蝦等等，鍾意食海鮮嘅你一定唔可以錯過。而且環境氣氛好，無論係一大班人聚餐定係要慶祝特別日子都好啱去！有興趣可以搵我哋幫手book枱！
益善洞牧場(익선동 목장)
- 地址：서울 종로구 돈화문로 53
- 營業時間：11:30-22:00（Break Time 15:00-16:00）
- 前往方法：鐘路3街站（종로3가역）6號出口行1分鐘
「益善洞牧場」位於鐘路燒肉街附近，餐廳外觀設計融合昌德宮丹青藝術元素，令人印象深刻！餐廳內部乾淨，而且有好多位；而嘢食方面，呢度用咗韓牛同西班牙頂級豬，更加有多種同燒肉好夾嘅小菜，保證大家食完一定會滿足！記住download定我哋嘅優惠券，享有9折優惠啦！
首爾88啤酒(서울88맥주)
- 地址：서울 종로구 돈화문로 46
- 營業時間：11:00-04:00（Break Time 15:00-16:00）
- 前往方法：鐘路3街站（종로3가역）7號出口行1分鐘
「首爾88啤酒」就喺益善洞外圍、鐘路三街嘅酒吧區附近，呢度出名飲手工啤酒，仲可以一次食到4款口味嘅Pizza！而且因為開到好夜，所以想同朋友飲酒吹水嘅話推薦大家嚟呢度！
鐘路三街布帳馬車一條街
- 前往方法：鐘路3街站（종로3가역）3、4、6號出口
- 營業時間：星期一至五 17:00起、星期六及日 12:00起（每間鋪頭都唔同）
首爾規模最大嘅布帳馬車一條街就係位於鐘路益善洞啦！每逢星期五/六夜晚，間間餐廳同布帳馬車檔攤都會坐滿人，一齊飲酒吹水，享受夜生活。如果大家都想好似韓國本地人一樣，體驗最道地嘅飲酒文化，咁就一定要嚟呢度啦！
ikseon atteut(익선애뜻)
- 地址：서울 종로구 돈화문로11다길 24
- 營業時間：12:00 - 21:00
- 前往方法：鐘路3街站（종로3가역）6號出口行2分鐘
「ikseon atteut」係一間特色韓式餐廳，連裝修都係行韓屋風格，之前喺IG成日都會見到佢出現！推薦大家食呢度嘅招牌「豬肉大醬菜包飯」，只睇外表可能會覺得只係一個飯包左一片菜，不過食落原來會辣辣地，口感好特別，飯入面包咗少少肉碎，同個醬一齊食好夾！
Favorite Ikseon/益善取向(익선취향)
- 地址：서울 종로구 수표로28길 17-32
- 營業時間：12:00 - 21:00
- 前往方法：鐘路3街站（종로3가역）4號出口行2分鐘
無論幾時經過都會見到呢度成日坐滿哂人，而基本上每一枱都會一個蛋包飯/意粉+牛扒，唔單止影得仲食得！如果食厭韓國菜，或者想同朋友或者另一半撐枱腳，推薦大家嚟「益善取向」！
溫泉家(온천집)
- 地址：서울 종로구 돈화문로11나길 31-8
- 營業時間：11:30-21:30（Break Time 14:00 - 17:00）
- 前往方法：鐘路3街站（종로3가역）6號出口行3分鐘
原本呢間「溫泉家」得大田先有，而家喺益善洞都有啦！呢度主打日式Shabu-shabu，平日開門前去到都已經有人排緊隊，人氣相當之高！餐廳環境夠靚，而且無論係Shabi-shabu定蓋飯，所有套餐睇落都好高級，又係一間影得又食得嘅餐廳！
Jalppajin mill(잘빠진메밀 익선점)
- 地址：서울 종로구 율곡로8길 73
- 營業時間：
- 星期一至五 11:00-21:30（Break Time 15:00-17:00）
- 星期六 11:00-21:00（Break Time 15:30-16:30）
- 前往方法：鐘路3街站（종로3가역）8號出口行2分鐘
益善洞「Jalppajin蕎麥麵」主打韓式鍋類料理，餃子鍋湯底有啲似日式濃湯，份量都好夠，不過蕎麥麵偏淡，建議要加多少少調味料食。
益善洞除咗多Cafe之外，其實仲有唔少餐廳等住大家嚟試，記住要plan落行程啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk