明洞美食總整理
小編私藏名單！明洞必食美食總整理，吃貨必知嘅美食大公開！
- 韓國料理🇰🇷
- 燒肉🥩
- 西餐🍴
- 炸雞🍗
- 小食🍔
- 其他🥘
Hello，大家好，我哋係由韓國人每日提供最新韓國旅行資訊嘅Creatrip。
如果問韓國人，首爾最具代表性嘅觀光景點喺邊嘅話，通常大部分韓國人都會答「明洞」。當中其實係有正反面嘅意思，一係代表明洞真係好受到歡迎，二係代表明洞其實已經幾乎成為咗外國遊客嘅天下。以為人多就無嘢好行，無嘢好食？錯啦！今日小編幫大家整理咗一連串嘅明洞美食，大家下次嚟明洞嘅時候，可以去試吓㗎 。
想用最少錢玩轉明洞？😍
明洞美食總整理
韓國料理🇰🇷
百濟蔘雞湯（백제 삼계탕）
- 地址： 서울 중구 명동8길 8-10
- 營業時間：09:00 - 22:00（Last Order 21:00）
- 前往方法：明洞站（명동역）6號出口行4分鐘
百濟蔘雞湯有50幾年歷史，只係睇門口，都已經感受到濃郁嘅傳統氣息，入到去仲會見到有唔少海外嘅報道，同唔少名人嘅簽名。
烏骨湯由骨頭到肉都係黑色，韓國之前一直都當係藥材咁用，對身體好健康，味道同普通雞冇乜分別，不過營養方面就一定好好多！喺明洞shopping，肚餓嘅時候食返碗人蔘雞即刻充滿活力！下載埋下面張coupon，去到仲可以享有95折優惠添！
烏達里家（오다리집 명동점）
- 地址：서울 중구 명동8나길 28 2、3F
- 營業時間：10:00 - 23:00
- 前往方法：明洞站（명동역）5號出口行3分鐘
醬油蟹唔單止多韓國人鍾意，就連好多遊客嚟到都一定會試，呢間「烏達里家」相當出名，有好多明星藝人都有嚟過！佢哋除咗醬油蟹出名之外，醬油蝦（새우장）同辣醃蟹（양념게장）都一樣好食！
醬油蟹2人套餐包括泡菜湯、紫菜飯、各種配菜、煎雞蛋同汽水。醬油蟹一啲都唔腥，而且味道甜而微鹹 ，同紫菜飯一齊食超好味！
木覓山房（목멱산방）
- 地址：서울 중구 퇴계로20길 71
- 營業時間：11:00 - 20:00（Last Order 19:20）
- 前往方法：明洞站（명동역）1號出口行8分鐘
木覓山房係榮獲《米芝蓮指南》嘅拌飯餐廳，相當近N首爾塔（南山塔）。
入到去大家要先落單，然後再揀位坐，當食物準備好之後，大家就要去櫃檯度拎。呢度嘅烤牛肉拌飯同所有菜撈埋一齊食超健康同好味，而雞胸肉溫泉蛋醬油拌飯加埋辣椒醬一樣咁惹味，大家仲可以再加啲菜一齊撈勻食！
明洞亭（명동정）
- 地址：서울 중구 삼일대로299
- 營業時間：11:30 - 21:30（Break Time 15:00 - 17:00）
- 前往方法：明洞站（명동역）10號出口行1分鐘
有好多人韓國人喺重要日子，例如BB百日宴、男女雙方見家長、或者需要接待貴賓嘅時候都會嚟呢間位於明洞嘅韓定食餐廳 —— 「明洞亭」。而且每組客人都會有單獨一間房，私隱度夠高！
韓定食本身就出名有超多款菜式，「明洞亭」嘅韓定食就算係最平嗰款都可以食到超飽，而且全部餐點都超高質。大家仲可以食飯前/後著住韓服喺走廊同房入面影相！
瑞源粥店（서원죽집）
- 地址：서울 중구 퇴계로 141 세룡빌딩 B1F
- 營業時間：07:30 - 17:00
- 前往方法：明洞站（명동역）9號出口行1分鐘
「瑞源粥店」曾經上過一個叫《好吃的傢伙們》嘅韓國飲食節目，呢個節目去得嘅地方全部都有超高評價！所以最近好多韓國人都會專程嚟食粥，連遊客自己一個嚟都可以食返碗粥暖胃~
呢間鋪頭屹立37年不倒，證明老闆煮粥功夫夠曬好，而且所有食材都係當日新鮮處理，好味得嚟令人食得安心！如果覺得好食，大家仲可以買真空包裝鮑魚粥同辣醃魷魚返屋企添！
自己一個嚟韓國玩都想食盡好西？😋
長今煎家（장금이전집）
- 地址：서울 중구 충무로2가 61-1
- 營業時間：星期一至六 11:00 - 00:00（逢星期日休息）
- 前往方法：明洞站（명동역）10號出口行1分鐘
「長今煎家」地理位置非常方便，係好多外國人必去嘅韓式料理餐廳之一。
呢度除咗煎餅都仲有好多韓國傳統菜式，全部都勁真材實料！如果大家趕時間或者想喺酒店食，都可以外賣take away！
咸草醬蟹（함초간장게장）
- 地址：서울 중구 명동8가길 27 B1F
- 營業時間：11:30 - 22:00
- 前往方法：明洞站（명동역）8號出口行2分鐘
「咸草醬蟹」嘅醬油蟹係用鹹草醬油醃製而成，同出面嘅醬油蟹好唔同，每日都吸引唔少韓國人同遊客嚟食！
每隻醬油蟹都有好多膏！而且平時去食其他醬油蟹，有時候得個蟹身有肉，蟹腳會好削，但呢度每隻蟹腳入面蟹肉都好飽滿！而家只要出示「明洞美食優惠券」 就可以每人得到一隻醬油蝦，每隻蝦都好多肉，而且望落好晶瑩剔透，夠曬新鮮！
明洞餃子（명동교자）
- 地址：서울 중구 명동10길 10
- 營業時間：10:30 - 21:00（Last Order 20:30）
- 前往方法：明洞站（명동역）8號出口行4分鐘
明洞餃子係一間榮獲《米芝蓮指南》提名嘅餐廳，相當受韓國人同外國人歡迎，基本上飛過一次韓國都應該會食過！
刀削麵湯底好濃郁，冬天食完即刻暖笠笠！另外嚟到一定要食佢哋嘅蒸餃，裡面包嘅係豬肉餡，每一粒都超大，皮唔會太厚，幾乎每一檯都有叫到！
以南場（이남장）
- 地址：서울 중구 명동9길 39 1,2F
- 營業時間：平日 08:30 - 22:00（Last Order 21:30）、週末 08:30 - 21:00（Last Order 20:30）
- 前往方法：乙支路入口站（을지로입구역）5號出口行2分鐘
如果想食到韓國傳統雪濃湯，推薦大家去明洞以南場。呢度唔單止有2層夠闊落，內部仲有好多韓國傳統小物，就算平日3點去到，仍然都係有好多人。
特雪濃湯入面係有牛胸腱肉、牛舌同牛腩，份量相當豐富，埋單嘅時候，向職員出示優惠券，仲可以有9折優惠添！
安東燉雞（안동찜닭）
- 地址：서울 중구 명동10길 3
- 營業時間：11:00 - 23:00（Last Order 22:30）
- 前往方法：明洞站（명동역）8號出口行4分鐘
安東燉雞相信好多人嚟到都會食，呢度有成3層，3樓仲要係坐地式超特別！
小編去嘅時候就有Lunch Set（燉雞+白飯），一送到上嚟就聞到超香，而且份量超多，雞肉好嫩滑，就連雞胸肉都係，而韓式粉絲亦都好煙韌，配埋白飯一齊食簡直係冇得輸！（怕辣嘅朋友，喺落單前一定要同職員講要小辣。）
牛骨湯之家（곰국시집）
- 地址：서울 중구 명동10길 19-3 2F
- 營業時間：11:00 - 21:30
- 前往方法：明洞站（명동역）8號出口行3分鐘
明洞嘅「牛骨湯之家」已經有超過47年歷史，裝修整體都非常古色古香。呢度超受明洞打工仔同遊客歡迎，係呢頭最出名嘅鋪頭之一！
湯麵嘅湯底係用2+等級韓牛熬製而成，麵都係每日新鮮製造，而家喺韓國已經冇邊幾間餐廳會咁做！透過我哋預約可以食到獨家套餐，入面包括雪花肉眼、調味排骨肉同原味牛骨湯麵，燒肉同清清地嘅湯麵好夾！
豆骨炭骨薯仔排骨湯 明洞店（콩뼈숯뼈감자탕 명동점）
- 地址：서울 중구 명동3길 21 2F
- 營業時間：11:00 - 24:00
- 前往方法：乙支路入口站（을지로입구역）5號出口行2分鐘
「豆骨炭骨薯仔排骨湯」位於乙支路入口站附近，住明洞或者乙支路附近嘅朋友們可以一試！
招牌嘅「豆渣酸泡菜薯仔排骨湯」同「豆渣菜乾薯仔排骨湯」全部都勁濃郁，小編個人覺得排骨肉點醬汁再配酸泡菜呢個組合最好食！食到咁上下大家仲可以叫多個炒飯食，飯粒會吸收曬所有湯底精華，真係冇得彈！
仲有其他餐廳想book？
燒肉🥩
黃金牧場（황금목장）
- 本店地址：서울 중구 명동8나길 6 3F
- 明洞聖堂店地址：서울 중구 명동10길 23 2F
- 營業時間：11:00 - 04:00
想一次過食到燒豬肉同牛肉嘅話，推薦大家嚟「黃金牧場」！呢度嘅肉類同埋小菜有好多，而且全部都係熟成肉，所以肉質夠嫩滑，亦都好juicy！
呢度嘅肉全部都會由職員幫手燒，大家只要等食就得！而且仲唔會好大油煙味，想舒舒服服咁食返餐高質燒肉嘅話不妨可以嚟「黃金牧場」！
君子大韓烤腸 明洞店（군자대한곱창 명동점）
- 地址：서울 중구 명동 7길 18-1
- 營業時間：11:00 - 02:00
- 前往方法：明洞站（명동역）8號出口行5分鐘
自從MAMAMOO成員華莎喺韓綜《我獨自生活》食烤腸食到舔舔脷之後，「君子大韓烤腸」爆紅，越開越多分店，而家喺全韓國有成60幾間，而喺大家經常去嘅明洞都有！
大韓烤腸套餐係「君子大韓烤腸」主打Menu之一，裏面有牛小腸、雪花大腸、牛皺胃、牛肚、牛心等，職員會一直幫手燒，大家只要等食就可以，烤腸勁香口，送酒一流！大家記住要食埋吸收曬烤腸精華嘅炒飯啊！
荒謬的生肉（엉터리 생고기）
- 地址：서울 중구 명동4길 23 2F
- 營業時間：11:00 - 23:00
- 前往方法：明洞站（명동역）6號出口行3分鐘
相信有嚟過韓國嘅朋友們都聽過「荒謬的生肉」呢間燒肉放題，甚至都有食過，其實明洞都有分店！鋪頭乾淨企理，仲可以將隨身物品同褸放落櫈入面，咁就唔洗怕會索曬啲油煙味啦！
₩20,000之內就可以食到五花肉放題，小菜同大醬湯都係無限任食！Download埋張Coupon仲有95折優惠，旅行經費唔多嘅朋友想食燒肉食得盡興，就一定要嚟呢度~
青年烤肉 明洞店（청년고기장수）
- 地址：서울 중구 명동10길 19-3
- 營業時間：11:00 - 23:00（Last Order 22:30）
- 前往方法：明洞站（명동역）8號出口行3分鐘
청년고기장수
講起韓國燒肉放題，通常大家都只會諗起荒謬的生肉，不過最近呢間「青年烤肉」好受韓國人歡迎，因為佢主打嘅係高級無限任食燒肉！
「青年烤肉」嘅放題set提供8款用秘製紅酒調味料醃製而成嘅熟成肉，quality同平時喺普通燒肉餐廳單叫嘅肉冇分別，仲可以自由享用沙律吧，CP值夠曬高！大家亦都可以唔食放題單叫幾份肉嚟食，一樣可以食得滋味！
高喜來（고시레）
- 地址：서울 중구 명동9길 21
- 營業時間：11:00 - 00:00
- 前往方法：乙支路入口站（을지로입구역）5號出口行3分鐘
「高喜來」係一間炭火燒肉專門店，除咗醬醃牛排骨，連呢度嘅醬油蟹都得到韓國認同覺得好食！
呢度無論係醬油蟹定醬醃牛排骨，全部都係由餐廳自家調味，唔怪得咁受歡迎啦！透過我哋預約，仲可以用最抵價錢食燒肉+醬油蟹套餐！
Namsan Sirloin（남산등심）
- 地址：서울 중구 퇴계로18길 26
- 營業時間：11:00 - 22:00（Last Order 21:00）
- 前往方法：明洞站（명동역）3號出口行2分鐘
남산등심
講起明洞，通常大家都會覺得係賣平嘢，quality唔會好得去邊，不過呢個係大家嘅偏見！其實呢度都有幾間出名嘅高級餐廳，其中一間就係最近SEVENTEEN Mingyu都有去幫襯過嘅「Namsan Sirloin」啦！
「Namsan Sirloin」嘅韓牛全部都係1++等級，夠曬juicy之餘超香肉味！除此之外，呢度更加有韓式蒸蛋、秘製蘿蔔泡菜炒飯同冷麵等多種餐點可以配住燒肉食！而家只要燒肉叫2人份或以上，再出示埋「明洞美食優惠券」， 就可以免費得到一份韓式蒸蛋！
Woodaepo（우대포）
- 地址：서울 중구 명동10길 40 2F-3F
- 營業時間：10:00 - 23:00（Last Order 22:20）
- 前往方法：明洞站（명동역）8號出口行2分鐘
Woodaepo係一間最近喺明洞新開咗分店嘅韓牛專門店，呢度嘅牛肉全部油花都勁靚！
想食返餐韓牛，但因為好多韓牛鋪頭又貴又唔知好唔好食所以成日都會打消念頭嘅話，推薦大家嚟呢度！
天下第一鐵鍋蓋烤肉 明洞店（천하제일 솥뚜껑 명동점）
- 地址：서울 중구 명동3길 21 3F
- 營業時間：11:00 - 22:00
- 前往方法：乙支路入口站（을지로입구역）5號出口行2分鐘
顧名思義，呢度最特別嘅就係會用韓國傳統鐵煲蓋嚟燒肉！呢度亦都比其他普通燒肉舖提供更加多款蔬菜，等大家可以一齊燒嚟食~
除咗肉之外，仲有好多韓國傳統料理可以叫埋嚟一齊食！大家可以輪流試吓唔同配搭，搵出你最鍾意嘅食法！
西餐🍴
The Sic-Ddang 明洞本店（더식당 명동본점）
- 地址： 서울 중구 명동10길 36 2F
- 營業時間：11:00 - 22:00
- 前往方法：明洞站（명동역）8號出口行2分鐘
嚟首爾想食返餐好食嘅海鮮大餐，又唔想使咁多錢，可以去食明洞THE SIC-DDANG高CP值龍蝦套餐，多樣搭配令你食得盡興，而且重點係一啲都唔貴。
如果唔想食龍蝦，可以揀另一個更平（份量一樣好多）嘅2人套餐，當中包括火烤小章魚或烤牛肉、藍芝士pizza、 沙律意粉、香菇刀削麵同白飯！
SAYU Library Bar&Bistro 南山店（사유의서재 남산점）
- 地址：서울 중구 퇴계로20길 13 3F
- 營業時間：11:30 - 23:00
- 前往方法：明洞站（명동역）3號出口行2分鐘
裝修靈感來自巴黎圖書館，餐廳每個角落都勁啱影相打卡！
呢度運用芝士、松露、香草等高級食材烹製而成，高質意大利菜一定可以滿足你嘅味蕾！餐點風味濃郁，仲可以配紅/白酒食，唔止氣氛好，食物味道更加係一流。
明洞「SAYU Library Bar&Bistro」詳細介紹
炸雞🍗
BBQ明洞Star分店（BBQ명동스타점）
- 地址：서울 명동2가 55-5 2F
- 營業時間：11:00 - 00:00
- 前往方法：乙支路入口站（을지로입구역）5號出口行5分鐘
嚟韓國又點可以唔食炸雞飲返杯啤酒呢？BBQ炸雞係韓國三大品牌之一，品質絕對有保障！
有時十五十六唔知揀食邊款好，小編推薦大家可以叫半半炸雞，因為係用橄欖油去炸，就算食得多都唔會覺得好膩。而且只要出示優惠券，叫炸雞就會送芝士波一份（原價₩6,000），或者外賣拎走可以減1,000！咁好嘅優惠，大家千祈唔好錯過！
OppaDak烤雞 明洞店（오빠닭 명동점）
- 地址：서울 중구 을지로2가 199-40 명동아르누보센텀
- 營業時間：14:00 - 03:00
- 前往方法：乙支路入口站（을지로입구역）5號出口行2分鐘
有時候想食炸雞但覺得太邪惡，「OppaDak烤雞」賣嘅低脂、低膽固醇、高蛋白嘅烤雞係一個更健康嘅選擇！
雖然冇用油炸，但係都同普通炸雞一樣咁外脆內Juicy！而最最最令小編興奮嘅係呢度居然有賣生啤酒！呢度嘅生啤酒更加得到韓國啤酒品牌Cass嘅認可~ 大家如果想試炸雞配啤酒呢個組合，嚟呢度就冇錯啦！
小食🍔
ISAAC TOAST 明洞聖堂店（이삭토스트 명동성당점）
- 地址：서울 중구 명동 10길 17-1
- 營業時間：08:00 - 20:00
- 前往方法：明洞站（명동역）8號出口行3分鐘
相信大家嚟韓國都一定會買個Isaac Toast嚟當早餐！Isaac Toast明洞聖堂店冇得堂食，只可以邊行邊食，或者外賣拎去酒店慢慢食。
Isaac多士即叫即整，配上佢哋秘製醬汁，真係好食到令人忍唔住食完一啖又一啖！
小雞紫菜飯捲（병아리김밥）
- 地址：서울 중구 명동10길 19-3 B1F
- 營業時間：08:00 - 21:00
- 前往方法：明洞站（명동역）8號出口行3分鐘
「小雞紫菜飯捲」成間鋪頭裝修非常的骰可愛，影相打卡一流！
呢度有11款迷你紫菜飯捲同腐皮壽司，而且全部都係每日新鮮製造，食得安心又放心。所有迷你紫菜飯捲口味都經過長時間研究，款款都一樣咁好味。推薦大家叫Set嚟食，咁就可以一次過試幾款Menu啦！
其他🥘
鼎泰豐（딘타이펑）
- 地址：서울 중구 명동7길 13 2F
- 營業時間：11:00 - 21:00
- 前往方法：乙支路入口站（을지로입구역）5號出口行3分鐘
鼎泰豐係原汁原味嘅台灣品牌，喺世界各地都有超高評價，如果嚟到韓國都想食到台灣料理，可以去鼎泰豐！
Menu有中文、英文、韓文，大家唔需要怕睇唔明，另外呢到有一個貼心位係怕韓國人唔知點食小籠包，喺隔離仲有一個韓文食法講解。呢度選擇多，當中仲有唔少韓式中華料理，真係而家望返張相都流哂口水。只要係我哋會員，下載優惠券仲可享鼎泰豐「麵包蝦」一份。
半天妖烤魚（반티엔야오 카오위）
- 地址：서울 중구 명동7길 13
- 營業時間：12:00 - 23:00
- 前往方法：乙支路入口站（을지로입구역）5號出口行3分鐘
而家喺韓國越嚟越多中國餐廳，而當中最近最多韓國人去食嘅就非呢間「半天妖烤魚」莫屬啦！ 100%好有中國風味，就連韓國人食完都大讚！
小編試咗佢哋兩個最受歡迎嘅Menu，分別係麻辣同青花椒，配菜方面小編叫咗蔬菜菇拼盆、 腐竹、乾豆腐 、中國寬粉同蝦滑，每一款份量都超多。同朋友一齊去share食特別開心！
之後去明洞，唔單止可以瘋狂shopping，其實仲有好多美食等住大家！
如果有更多想知嘅內容，都可以隨時dm話俾我哋知：）
Instagram：creatrip.hk