蠶室住宿總整理
蠶室住宿介紹！想望到首爾塔、石村湖邊，又近地鐵站，邊一間酒店係至好？
Hello，大家好，我哋係由韓國人每日提供最新韓國旅行資訊嘅Creatrip。
嚟韓國旅行，揀酒店搵蠶室都係一個唔錯嘅選擇，因為近樂天世界、水族館等，而且2號線去邊都方便，今日想同大家介紹幾間酒店，有興趣嘅朋友可以留意一下！不過提提大家，價格因預訂日期、預訂網站同促銷活動都可能會唔同。
蠶室住宿總整理
1. Signiel Seoul（시그니엘 서울）
Signel Seoul係一間超豪華地標酒店，為客人提供終極獨特體驗，酒店位於樂天塔76至101層！影外觀就影得多，但住你又試過未呢？
因為係樂天塔入面，所有房望出去嘅景色都會特別靚！而且仲同蠶室站直接相連，去首爾任何地方都好方便。酒店內有5間餐廳同酒吧，夜晚喺81樓酒吧飲返杯，認起都覺得正！
當然酒店裡面仲有好多超正設施，包括米芝蓮星級餐廳、水療、桑拿、游泳池同健身中心。只要入住呢度絕絕唔會後悔，而且每間房都好大，一家大細嚟到絕對會住得開心同舒服。
- 地址：Address: 서울 송파구 올림픽로 300 76-101F
- 價格：Grand Deluxe Double Room 一晚 ￦420,000~
- 小Tips：蠶室站1 & 2號出口隔離
2. 首爾樂天世界飯店（롯데호텔 월드）
Agoda
首爾樂天世界飯店係一間度假式商務酒店，佢同樂天世界購物中心直接相連，交通方便，行幾步就可以到達樂天世界。
每一間房都好大，而且俾人感覺好舒服，裝修夠現代，喺房都可以欣賞到蠶室同石村湖美景。訂房時仲有包括樂天世界同樂天世界水族館門票套餐可以揀，如果帶小朋友嚟旅行，一次過預約就啱哂！
酒店設施包括健身中心、桑拿浴室、游泳池、室內高爾夫球場同商務會議室。 根據網站所指，目前健身中心、桑拿、游泳池同高爾夫球場正在裝修中，如果打算去，最好試前再check多次。另外酒店入面有4間家餐廳同酒吧，食完之後仲可以去石村湖附近散步消化吓。
- 地址：서울 송파구 올림픽로 240
- 價格：Deluxe Double Room 一晚 ￦250,000~
- 小Tips：蠶室站3號出口附近
3. Sofitel Ambassador Seoul Hotel （소피텔 앰배서더 서울 호텔）
booking.com
Sofitel Ambassador Seoul Hotel係一間法國風格豪華酒店，位於石村湖附近，鄰近樂天塔。精緻設計同設施，將會為你帶嚟難忘體驗，特別係春天嚟呢度，櫻花盛開真係特別靚！
每一間房都好有巴黎嘅味道，主要以奶白色、灰色同藍色去做裝飾，酒店總共有403間客房，高17至21層，喺房都可以眺望首爾市景，真正感受到自己喺度渡假。
酒店內設有游泳池、健身中心、水療中心同商務中心，同時仲有法式餐廳同酒吧，等你有置身喺巴黎嘅感覺，朝聞仲有自助早餐。酒店喺32樓設有屋頂酒吧，夜晚嚟飲返杯絕對係一大享受！
- 地址：서울 송파구 잠실로 209
- 價格：Luxury Room 一晚￦255,000~
- 小Tips：蠶室站10號出口行大約6分鐘
4. Hotel The Castle（호텔 더 캐슬）
trip.com
Hotel The Castle同蠶室站距離只係幾分鐘，位於出名附燒肉店同酒吧嘅芳荑洞，再行附幾步就可以去到出名多cafe嘅松理團路，相當方便！
Agoda
每一間客房裝修得好獨特，大膽配色膽唔同圖案去裝飾，每間房都有一個浴缸，啱晒出去玩完全日，返到酒店好好浸浴休息。
Expedia
呢度天台仲有一個酒吧，可以望到樂天塔同首爾市景，不過有啲唔好彩，因為疫情影響，暫時停開。同其他酒店相比，呢間價錢相對比較平，之後嚟首爾住返晚都幾唔錯！
- 地址： 서울 송파구 올림픽로32길 7
- 價格：Deluxe Room 一晚 ￦80,000~
- 小Tips：蠶室站10號出口行大約10分鐘
揀酒店其實蠶室都係一個幾唔錯嘅地方，唔知今日介紹嘅呢幾間，有幫唔幫到大家呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
