2023年上半年韓國最常搜尋男星Top9
2023年上半年韓國最常搜尋男星Top9，同大家嘅眼光有冇分別呢？
Hello，大家好，我哋係由韓國人每日提供最新韓國旅行資訊嘅Creatrip。
唔同年齡層大家鍾意嘅style都會唔一樣，早前就有網站整理出2023年上半年韓國國內最常搜尋男星Top10，唔知大家平時search開嘅偶像又有冇上榜呢？
TOP 9. BTS - SUGA
第9位係BTS嘅SUGA，今年4月以「Agust D」呢個名發行首張solo專輯，由歌曲製作到策劃幾乎都係由佢一手包辦，真係相當之厲害！小編平時都好鍾意睇佢主持嘅YouTube節目「슈취타」，雖然係Talk Show，但完全唔會有冷場或者覺得無聊，睇嘅時候真係唔知時間過得咁快！
TOP 8. BIGBANG - G-Dragon
雖然G-Dragon當完兵之後少咗出歌，不過佢身為潮流嘅尖端，佢周不時仲會出現係各大Fashion Show，之前佢仲有同NIKE聯名，開咗個紀念party邀請各大韓星參加，當時更加送咗漢南洞嘅「Golden Piece」藥果俾佢哋，大家有興趣可以去試~
TOP 7. BTS - RM
RM係BTS隊長，上年12月佢出咗個人專輯《Indigo》，出歌當日就已經拎咗好多世界各地音樂榜第一名，喺今年5月仲同創作歌手Colde一齊合唱《Don’t ever say love me》，低音嘅聲線真係超Sexy。
TOP 6. TXT - Yeonjun
作為BTS師弟嘅TXT，由出道開始已經備受關注，當中Yeonjun更加有傳奇練習生之稱，因為佢由練習生開始公司每個月底舉行嘅評價跳舞、主唱、Rap三個項目一直都拎第一，相當犀利！
TOP 5. BTS - Jin
BTS大哥Jin喺上年10月尾推出個人solo單曲之後，同年12月就入伍，令到唔少fans都覺得好突然，不過相信A.R.M.Y們都會一直聽住佢嘅歌等佢退伍！
TOP 4. BTS - Jimin
今年BTS好多成員都出自己專輯，當然Jimin都唔例外啦！佢首主打曲《Like Crazy》更加成為繼BTS後首位獲得Billboard Hot 100冠軍單曲韓國歌手！
TOP 3. BTS - 柾國
BTS最強忙內柾國排第三名！平時佢同BTS成員相處得好好，係大家心目中嘅小寶貝，同時佢出名錫fans，記得fans嘅說話同幾時見過，咁溫暖嘅舉動，真係好難令人唔心動啊！今個月佢仲會推出首支solo歌曲《Seven》，真係令人相當期待！
TOP 2. ASTRO - 銀優
呢個世界上人類好難會做到100%完美，不過對於「車銀優」嚟講，可以話係一位非常接近「完美」兩個字嘅偶像。由出道開始，佢已經有「臉蛋天才」之稱，唔單止外表突出，就連頭腦都醒過好多人！而且仲勁到韓國有一個單字（최최차차）係專屬形容佢，想知呢個字點解可以撳我了解吓！
TOP 1. BTS - V
世界美男第一嘅V又點會唔上榜呢？相信冇人唔鍾意睇靚仔嘅 雖然V以前因為直到13歲都係喺鄉下同婆婆一齊住，所以夢想係想做農夫，未有諗過會做藝人。不過小編相信就算佢做農夫，都因為佢太靚仔而爆紅，做韓國最靚仔農夫。喺心情低落望一望即刻可以重新振作！
大家又有冇search過以上男Idol呢？歡迎留言一齊討論。
如果有更多想知嘅內容，都可以隨時留言或者dm話俾我哋知：）
Instagram：creatrip.hk