濟州航空快閃店cafe
濟州航空快閃店cafe正式喺弘大開幕！飛唔到都可以食到飛機餐？
정영여영이
4 years ago
Hello，大家好，我哋係由韓國人每日提供最新韓國旅行資訊嘅Creatrip。
喺早前4月底，弘大AK Plaza（AK&弘大）同濟州航空聯手，開設咗一間由空姐親自營運嘅快閃店cafe，開張冇耐已經吸引唔少人去打卡，到底佢係賣啲咩？同至到幾時呢？
濟州航空快閃店Cafe
뉴스1
喺疫情前，想去邊話飛就飛，不過而家想飛都冇得飛...喺呢個時候，濟州航空就同弘大AK聯名，開咗一間飛機快閃店cafe，主要係賣濟州航空提供嘅人氣飛機餐同飲品，目前預計會去到7月28號為止。
뉴스1
呢次濟州航空快閃店概念為「體驗旅行嘅幸福（여행의 행복을 맛보다）」，總共有提供四種飛機餐，分別係烤肉蓋飯（₩10,000）、黑豬肉蓋飯（₩10,000）、蔥炒豬肉包飯（₩10,000）以及空姐機內餐（₩11,000），另外其他咖啡、飲品等機內飲品都可以喺現場買到。
而最最最特別嘅係，呢啲飛機餐全部都係由濟州航空空姐親自製作同提供，係一個相當唔錯而又特別嘅體驗。
뉴스1
雖然冇得飛但都可以食到飛機餐，真係相當有諗頭而且都幾特別，唔知大家又會點睇呢？
希望疫情可以早日結束，大家可以飛到想去嘅國家同食到真正嘅飛機餐啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk