Hello，大家好 ，我哋係由韓國人每日提供最新韓國旅行資訊嘅Creatrip。
薄荷朱古力越出越多花款嘅甜品，早前韓國亦都出過震撼嘅薄荷朱古力炸雞！大家又有冇諗過放落即食麵度？
薄荷朱古力拉麵
MBC綜藝節目《反正要上班》(아무튼 출근) 喺上星期22號播出嘅一集主角係「農心」拉麵湯底嘅研發人員--李康熙（音譯：이강희）。喺預告入面睇到李康熙返工嘅日常，每日反覆研究同做實驗、煮麵同試食，為嘅就係創造出「新口味」嘅同時要保持「本來嘅味道」。
李康熙喺節目中講到而家發明緊一種令堂堂男子滿食到流淚嘅拉麵，亦提到自己最大嘅目標就係創造出全世界都感動嘅拉麵。喺會議上，佢表示下一步想創造令韓國同全世界都會驚豔嘅薄荷朱古力拉麵。
在場嘅職員（睇落似前輩）聽完之後覺得又衝擊又要忍住笑，睇到佢哋嘅樣，真係好好笑！
薄荷朱古力就好似莞茜咁分咗兩個極端嘅派別（？），一係就好鍾意，一係就極度討厭，唔知李康熙可唔可以力排眾議，成功創出超乎想像嘅新口味拉麵呢？
如果真係出咗，唔知最近表示過自己係薄荷朱古力派嘅宋仲基會唔會食呢？大家又敢唔敢試呢？
如果有更多想知嘅內容，都可以隨時留言或者dm話俾我哋知：）
Instagram：creatrip.hk
