logo

韓國旅遊注意事項

2024年韓國自由行必讀!出發前須知、必備物品、各種資訊總整理!

Yeong
6 months ago

Hello,大家好,我哋係由韓國人每日提供最新韓國旅行資訊嘅Creatrip


難得可以嚟韓國旅行,相信大家都一定會好期待同興奮!不過嚟之前有好多旅行時嘅注意事項你都需要知!小編今日就幫大家整理咗韓國網絡、行李、換錢、機場交通等等嘅資訊,記住要save低篇blog嚟之前核對一下,或者share埋俾身邊最近要嚟韓國玩嘅朋友啦!




韓國SIM卡+DATA優惠組合  

韓國機場優惠套裝 | 撳我購買



韓國旅遊注意事項

1. 簽證&護照

韓國行前須知 2023 韓國旅遊 入境前準備事項


之前因為疫情,好似香港咁免簽證嘅國家/地區入境韓國嘅時候要申請K-ETA,不過而家韓國政府暫時停止咗呢項措施,喺2024年12月31號之前飛韓國都唔需要再整!

另外大家要注意由2024年1月1號起韓國政府為防止傳染病擴散,要求喺指定國家/地區入境嘅韓國旅客要整Q-CODE或者填健康申報表(黃色紙仔),雖然冇白紙黑字咁寫話香港要,不過小編向觀光公社職員查詢過之後,話建議大家最好整定或者喺飛機上填表(準備定冇壞啊嘛!)。

另外大家飛之前記住要check清楚護照有效期,根據韓國駐港領事館嘅指引,你嘅護照有效期最少需要有6個月以上,如果就到期嘅話記住要續咗護照先啦!

 2024韓國入境政策


2. 韓國網路/SIM卡

韓國行前須知 2023 韓國旅遊 入境前準備事項


嚟到人生路不熟嘅國家,手機data真係好重要,無論要查地址、睇地圖定用其他網上服務都一定要有data先得!而對韓國遊客嚟講最common嘅選擇就係SIM卡同WiFi蛋啦!

韓國三大電訊公司分別係KT、SKT同LG U+,基本上如果你買嘅sim卡data係由呢3間公司提供嘅話,喺韓國各地都會收得好好,唔洗擔心會發生收唔到訊號嘅問題~ 但係有時候太多選擇,都唔知道要點揀...


韓國行前須知 2023 韓國旅遊 入境前準備事項


今次Creatrip推出全新「機場優惠套裝」,喺全韓國都適用!呢個set入面包含一張無論搭車定喺便利店都可以用嚟俾錢嘅交通卡(入面仲事先幫你充定咗₩5,000!),仲有SIM卡或者WiFi蛋!買呢個set價錢會平過單買以上呢幾樣item,仲可以一到埗去同一個櫃枱一次過攞曬,唔洗周圍搵!

 「機場優惠套裝」詳細介紹


3. 韓國交通卡

韓國行前須知 2023 韓國旅遊 入境前準備事項


韓國同香港一樣,公共交通工具網絡非常發達,所以只要有一張交通卡就可以四圍去(車費會平過用現金)!而且亦都可以喺便利店俾錢嘅時候用,同香港八達通差唔多!

如果大家仲未買交通卡,不妨可以考慮早前我哋之前同韓國人氣卡通人物BELLYGOM合作推出嘅獨家交通卡!呢張交通卡入面已經有事先增值好₩5,000,喺機場就可以直接開始用,唔洗再去便利店增值咁麻煩!


韓國行前須知 2023 韓國旅遊 入境前準備事項


小編亦都推薦大家買頭先介紹過嘅「機場優惠套裝」,咁就唔洗分開買啦!

 「Creatrip限量BELLYGOM聯名交通卡」詳細介紹


4. 唱錢

韓國行前須知 2023 韓國旅遊 入境前準備事項


韓國比起現金,大部份人都會揀碌卡,不過喺外國碌卡嘅話匯率未必靚,而且仲會有手續費,所以小編都建議大家準備少少現金以備不時之需。

如果大家係喺仁川機場入境,又唔想專登走去明洞換錢曬錢曬時間,推薦大家用我哋嘅「仁川機場換錢服務」!預約嘅時候只需要輸入簡單資料就得,而且包保匯率係全機場最靚,方便得嚟夠曬抵!

 「仁川機場換錢服務」詳細介紹


5. 入境前後行李問題

韓國行前須知 2023 韓國旅遊 入境前準備事項


去旅行雖然好開心好興奮,但係行李都真係一個大煩惱/問題!有關入境韓國行李限制,可以撳我參考韓國入境政策,亦都可以參考航空公司官網。

如果大家行李比較多,唔想自己拖行李周圍走;或者如果係一家大細一齊嚟,一次過顧及唔到咁多嘢,推薦大家預約行李托運服務(由機場去酒店 / 酒店去機場都得),或者預約定包車服務都可以更加舒服同方便!

 機場行李托運服務詳細介紹


6. 機場去市區交通

韓國行前須知 2023 韓國旅遊 入境前準備事項


去到機場之後,下一步當然就係要諗點出市區同住宿啦!由仁川機場去首爾市區嘅話,除咗可以搭普通機場鐵路、機場快線AREX機場巴士之外,仲有機場包車服務!如果大家係一班朋友或者一家人一齊嚟,包車唔單止會比較抵,而且仲唔洗自己拖住行李周圍走,可以直達目的地!大家可以根據預算同需求揀點出市區~

 Creatrip精選機場豪華包車服務


7. 韓國電壓/插頭

韓國行前須知 2023 韓國旅遊 入境前準備事項


韓國電壓同香港電壓一樣係220V,插頭就係用圓柱兩腳插頭(插頭腳直徑係4.7mm),嚟旅行嘅時候記住要帶轉插啦!



8. 韓國旅遊必備App

#1 Naver Map

韓國行前須知 2023 韓國旅遊 入境前準備事項


搵路、查鋪頭/餐廳資訊、check地鐵同巴士到站時間同路線都可以直接用Naver Map,真係好方便!呢個App有提供埋中文(簡體)同英文服務,就算唔識韓文都冇問題!

 「Naver Map」 使用方法



#2 Subway Korea

韓國行前須知 2023 韓國旅遊 入境前準備事項


小編有時候想查地鐵路線圖都會用呢個App,全韓國五大地鐵都有,而且有繁體中文服務,仲有頭尾班車資訊同到站時間可以參考!




#3 Creatrip

韓國行前須知 2023 韓國旅遊 入境前準備事項


最後當然唔少得「Creatrip」啦!喺App StoreGoogle Play都可以搵到呢個App,無論係預約韓國旅行行程、最新韓國旅遊資訊、每日最update匯率定代叫外賣服務都有!



9. 韓國天氣&穿著

韓國行前須知 2023 韓國旅遊 入境前準備事項


比起香港,韓國四季更加分明,大家可以參考下面呢個表睇大概每個月嘅天氣會係點!


12月1月2月
冬天
(初雪)
冬天
(好凍)
冬末
(好凍)
3月4月5月
入春
(少少凍)
春天
(天氣舒服)
春天
(天氣舒服)
6月7月8月
春末
(開始熱)
夏天
(雨季+好熱)
夏天
(好熱)
9月10月11月
夏末
(開始變涼)
秋天
(涼爽)
初冬
(開始變凍)


如果都仲係唔知帶咩衫好,推薦大家參考右下角條link,或者喺Instagram search自己要去嘅地方,睇吓喺嗰度打卡嘅人著咩衫!

 韓國天氣著衫指南


今日小編幫大家整理咗好多人嚟韓國之前都會問嘅問題同注意事項,希望可以幫到大家!想知道更多韓國最新資訊都可以喺我哋網站度search,或者follow埋我哋InstagramFacebook




韓國SIM卡+DATA優惠組合  

韓國機場優惠套裝 | 撳我購買




如果有更多想知嘅內容,都可以隨時留言或者dm話俾我哋知:)

 Instagram:creatrip.hk

 Facebook:Creatrip 帶你認識韓國每一面

 韓國代購

熱門文章

LoadingIcon