Hello，大家好，我哋係由韓國人每日提供最新韓國旅行資訊嘅Creatrip。
好多朋友都會專程嚟韓國做醫美療程，而其中一個最受歡迎嘅係可以改善細紋同臉部下垂問題嘅「拉提」療程！不過韓國有好多款拉提可以做，到底每種療程有咩唔同，又會唔會好痛？不如睇小編幫大家整理好嘅內容啦！
韓國「HIFU/超聲刀」療程介紹
「HIFU/海芙音波/超聲刀」係咩嚟？
HIFU又叫做海芙音波或者超聲刀，全名係「High-Intensity Focused Ultrasound」，運用非侵入性超聲波嘅熱力拉緊皮膚，刺激臉部皮膚膠原蛋白再生，達到拉提同緊緻效果。
因為唔需要開刀，用HIFU做拉提嘅話臉上唔會有傷口，亦都唔太需要恢復期，療程速度都夠快，通常半個鐘就可以搞掂。做完療程當下臉部就會feel到變得更加緊緻，效果通常會喺做完療程1個月左右越來越明顯，更加可以維持6個月到1年以上（醫美療程效果因人而異）！
「HIFU/海芙音波/超聲刀」咩人啱做？
比較啱做HIFU拉提嘅人：
- 大約 20~40幾歲，覺得皮膚開始有少少鬆弛
- 想解決雙下巴、下顎線唔明顯、面珠墩肉下垂問題，但又唔想開刀做手術
- 想做修復期較短療程，返工/返香港前就完全冇曬療程痕跡
但係如果你臉部鬆弛問題已經好明顯，或者已經超過50歲，皮膚比較鬆，醫生通常會建議你考慮做埋線拉提或者手術拉皮。
另外如果本身脂肪比較多，可能要配合埋瘦面針、溶脂等相關療程，或者做好似ONDA咁有埋溶脂功能嘅拉提療程。
邊幾款「HIFU/海芙音波/超聲刀」最多人做？
喺韓國醫美診所如果話想做HIFU拉提，最常見嘅有：
- Shurink HIFU韓版超聲刀(슈링크)
- 韓國本土最受歡迎嘅HIFU療程之一
- 價錢相對親民，好多人第一次做拉提療程會揀佢
- Ultherapy美版超聲刀(울쎄라)
- 能量較強，效果比韓版超聲刀更持久
- 價錢相對比較比較貴
- Liftera(리프테라) / LinearZ(리니어지)
- 可以用點+線狀模式輸出能量，比起傳統點狀式發射範圍更加大
- 可以快速收緊 SMAS 筋膜層同破壞皮下脂肪，對臉部消脂塑形好有幫助
- 而且療程需時較短，做完塊臉都唔會好紅
「HIFU/海芙音波/超聲刀」同其他拉提療程有咩分別？
HIFU VS 高頻拉提RF
HIFU | 高頻提拉(RF) | |
原理 | 用非侵入性超聲波打入肌膚深層 | 用高頻電波廣泛加熱真皮層 |
療程效果 | 拉提、改善輪廓線條、 改善皮膚彈性、減少皺紋 | 收毛孔、改善皮膚彈性、 減少皺紋 |
人氣療程 | Shurink HIFU韓版超聲刀 Ultherapy美版超聲刀 | Thermage熱瑪吉 10THERMA十倍電波 Oligio完美電波 |
推薦人士 | 臉頰肉較多、皮膚較厚 | 臉部較瘦削、皮膚較薄 |
HIFU VS 埋線拉提
HIFU | 埋線拉提 | |
原理 | 用熱力收緊皮膚 | 物理性地用線掛起皮膚內部肌肉 (需要微創/開刀) |
療程效果 | 拉提、改善輪廓線條、 改善皮膚彈性、減少皺紋 | 即時拉提 (較強效) |
推薦人士 | 一般情況 | 肌膚鬆弛問題較嚴重 因老化而導致臉部皮膚下垂 |
韓國「HIFU/海芙音波/超聲刀」推薦診所
其實而家香港好多美容中心都有HIFU做，不過如果大家係想做第三代HIFU甚至係Shurink Universe，小編強烈建議一定要嚟韓國，因為會平好多！以下係小編整理出位於首爾一帶嘅HIFU療程推薦醫美診所，有興趣嘅話記住save低篇blog啦！
[스팟] ONDA專業醫生主理 | DIORE CLINIC（江南）
[스팟] Abijou Clinic（國際明洞店）
[스팟] Abijou Clinic（國際弘大店）
[스팟] 10THERMA/拉提專業醫生主理 | S Reborn（弘大）
[스팟] XENIA CLINIC（江南）
[스팟] 皮膚科專科醫生主理 | 清潭 ÉCLAT DE（狎鷗亭羅德奧）
[스팟] REPIC CLINIC（江南）
[스팟] LAMINE CLINIC（市廳）
[스팟] WOOA妩阿整形醫院（狎鷗亭）
[스팟] 超聲刀拉提、填充療程 | id Clinic（江南店）
[스팟] Karin Clinic（明洞）
韓國「HIFU/海芙音波/超聲刀療程」常見問題FAQ
Q1. HIFU療程需要幾耐時間？
A：視乎範圍同儀器設定，通常做全塊面大約需要30分鐘到1個鐘。
Q2. 療程時會唔會好痛或者做完會瘀咗？
A：根據小編經驗，HIFU算係拉提療程入面相對上冇咁痛，而且療程速度快，好快就可以做完見到效果。另外比起埋線或者其他拉提手術，HIFU 一般瘀同腫嘅情況比較少，但都視乎每個人體質。
Q3. HIFU拉提療程需要做幾多次先有效？
A：呢層真係要視乎做嘅發數同強度，有啲人一次已經覺得有分別！但係始終醫美療程唔係魔術，但如果想長期保持，多數會每6~12 個月做一次當保養。
Q4. 做完之後會唔會腫或者紅？
A：療程後可能會短暫出現少少熱感、紅腫、短暫疼痛或拉緊感覺，但大部分都會喺幾個鐘到 1 日內慢慢消退。
Q5. HIFU拉提療程有冇副作用？
A：可能會有短暫嘅腫脹、紅腫等，但通常都會隨時間自然恢復。如果出現水泡等燙傷跡象，必須即時聯絡診所。
Q6. 做完HIFU療程之後幾時可以洗面同化妝？
A：療程當日就可以，不過記住洗面力度要溫和啲；如果你皮膚比較敏感，可以等一日先再化妝，以免刺激到皮膚。
Q7. 去韓國旅行順便做，時間夠唔夠？
A：因為HIFU療程修復期比較短，通常當日就可以正常行街，只要唔係最後一刻趕住搭飛機，其實行程當中預大約1~2小時就得。
Q8. 咩情況下唔可以做HIFU拉提療程？
A：孕婦/餵哺母乳期間、療程部位有皮膚病或者嚴重傷口、患有嚴重全身性疾病，以及上眼皮部位（眼瞼）都唔建議做。
Q9. 做咗填充或者打完Botox可唔可以做HIFU拉提療程？
A. 做咗玻尿酸填充或者打完肉毒桿菌素之後最好避免即刻做HIFU拉提，因為填充劑或肉毒桿菌成分可能會被熱力影響。通常要隔一段時間（ard 1~3 個月）先可以做，詳情記住問清楚醫生！
Q10. 可唔可以同其他提拉療程一齊做？
A：可以瘦臉針、填充、botox等其他療程一齊做，喺線條、彈性、飽滿度等方面可以有更好嘅效果。大家記住一定要先同專業醫生諮詢，搵出最適合你嘅療程組合
韓國每間美容中心嘅HIFU/超聲刀都會有少少唔同，不過整體效果都大同小異，通常評價比較高嘅都唔會伏！不過要提提大家，喺正式做之前記住一定要同諮詢師討論好邊款療程最啱自己，同時要決定好做幾多shot同療程部位。
你可能會有興趣睇埋⭐️
[블로그] 香港人必睇韓國醫美療程攻略 | 醫美診所預約流程、人氣醫美療程及診所推薦
[블로그] 2025年最受外國遊客歡迎韓國醫美療程TOP10
[블로그] 韓國醫美診所分類&挑選攻略（流水線/非流水線/私人醫美診所）
如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！
