Hello，大家好，我哋係由韓國人每日提供最新韓國旅行資訊嘅Creatrip。
9月除咗係新一個學年嘅開始，同時亦都係一個特別嘅月份！因為9月嘅韓國天氣又舒服、又好多嘢玩，係喺韓國玩嘅好時機！今日就等小編話你知呢個9月韓國有咩好玩啦！
點解推薦9月嚟韓國旅行？
旅行最怕天氣太熱/凍，不過韓國9月踏入秋天，氣溫平均介乎於16-26度，日頭唔會太熱、夜晚又好涼爽，真係好啱四周圍去玩！而且9月亦都會舉辦好多慶典同活動，想玩盡韓國就要趁而家啦！
韓國必去景點之一嘅「景福宮」每年會分別喺春天同秋天舉辦期間限定嘅夜間開放，而秋天夜間開放通常都會係9-10月，唔好錯過咁難得嘅機會！
相信大家嚟韓國都會去主題公園玩，當中「樂天世界」同「愛寶樂園」最受香港人歡迎！今個9月呢兩個主題公園都會舉辦特別活動同慶典，推薦大家9月嚟玩！
想知點先可以百分百體驗韓國魅力？咁就要睇埋落去啦！
Creatrip 9月精選行程
#1 去韓國傳統宮殿參觀&影相
好似景福宮咁嘅韓國傳統宮殿通常都要俾₩3,000買入場券，不過其實只要著韓服去就可以免費入場！今次秋季特別夜間開放都一樣，著韓服去唔單止可以唔洗俾錢入場，仲唔洗預約添！而家透過我哋預約韓服仲可以享有優惠價，千祈唔好錯過呢個機會啦！
著到咁靚，當然要整埋個靚靚髮型去影相啦！小編幫大家精選咗兩間提供免費髮型服務嘅韓服鋪，影返輯人生相話咁易！
租好衫Set好頭，而家就等小編話你知邊幾個位影相最靚啦！
① 勤政殿（근정전）前
② 勤政殿（근정전）隔離有瓦遮頭嘅地方
③ 勤政殿（근정전）樓梯
④ 慶會樓（경회루）
⑤ 石牆前草地
⑥ 宮闕門口
#2 做Personal Colour Test
喺韓國Personal Colour有幾hit大家都知，不過好多個人色彩診斷中心都冇翻譯，外國人好難做到... 不過最近我哋幫大家搵到幾間提供中文同英文服務嘅中心，大家嚟韓國前不妨可以預約定！等小編私心推薦2間俾大家啦！
做完測試之後，小編推薦大家可以去埋影個人形象照或者證件相，用最啱自己嘅顔色做背景影返張靚相！預約Personal Colour之後同時預約埋影相鋪，仲可以享有特別折扣~
（順帶一提，而家喺Creatrip已經可以預約到超受歡迎嘅「Sihyunhada」，有興趣就千祈唔好錯過啦！）
相信大家都試過去租韓服嘅時候因為太多選擇而揀唔落手，不過做Personal Colour就可以知道自己襯咩顔色，揀韓服嘅時候都會方便啲~
有時候就算係韓國明星，如果染咗個唔啱自己嘅髮色，顔值都補救唔到XD 呢個時候透過做Personal Colour Test，聽專家分析自己嘅色調，就可以知道咩髮色、咩顔色嘅化妝品最襯自己！好多人都會做完測試之後順便去髮型屋染個頭髮，變靚話咁易！
講到9月最令小編期待嘅活動，一定唔少得「Olive Young秋季大減價」！今年大優惠由31/8做到6/9，呢段時間喺韓國嘅朋友唔好錯過啦！
#3 著住校服去主題公園參加秋季慶典
9月嚟韓國旅行，一定要去樂天世界同愛寶樂園！趁天氣唔太熱唔太凍，去室外主題公園玩真係好正~ 大家都知道好多韓國人去主題公園都會租返套校服，無論係同朋友定另一半去都可以留低美好回憶（+好多張相XD）
롯데월드 홈페이지
而家就等小編分別介紹呢兩個主題公園啦！首先係「樂天世界」，佢位於首爾中心地帶，係遊客必去景點之一，附近仲有商場同百貨公司可以慢慢行！而9月樂天世界將會同ENHYPEN合作推出以Webtoon 《DARK MOON》為主題嘅慶典，fans們一定唔可以錯過！
樂天世界亦都出名多打卡位，以下就係幾個小編個人認為一定要去影相嘅地方！
① 旋轉木馬前（夜晚著燈之後會更加靚！）
② 魔幻城堡附近高處
③ 魔幻城堡
④ 亞特蘭提斯前面條橋
而「愛寶樂園」就位於龍仁市，可以話係全韓國最有代表性嘅主題公園之一！今年9月呢度會舉辦秋季慶典，通常呢啲特別活動期間夜晚都會有燈光表演，推薦大家可以等到天黑睇完先走！
另外最近超紅嘅熊貓福寶下年就唔再喺韓國啦，所以今年係最後可以見到佢嘅機會！不過因為佢真係太受歡迎，由9月起每人只可以喺福寶區停留5分鐘，大家要注意啦！
去主題公園點少得影相啊！愛寶樂園都有唔少影相靚嘅景點，以下幾個係韓國人必去Photo Zone！
① 四季花園
② 玫瑰城
③ 入口棵樹
④ 熊貓世界
話明係Creatrip精選行程，當然會幫大家爭取優惠價！呢個9月大家可以用優惠價預約到主題公園門票，最近plan住嚟韓國嘅朋友們記住快啲買定啦！
#4 去漢江叫外賣野餐
嚟首爾玩當然唔少得要去漢江，睇得多韓劇同綜藝嘅朋友們都知道韓國人超鍾意去漢江野餐！而且因為韓國外賣文化非常發達，就算喺咁大個公園叫外賣，嘢食都可以新鮮滾熱辣咁安全送到你手上！冇韓國電話號碼唔緊要，大家可以搵我哋幫手代叫外賣，無論係炸雞、辣炒年糕、Pizza，甚至係烤腸都可以叫！
秋天天氣好又夠涼爽，係露營嘅好時機！想學韓國人咁chill喺漢江公園露營，小編推薦大家可以租返套露營用品，租一次4個鐘，價錢仲包曬野餐墊、帳篷、枱等等，CP值夠高！
9月嚟韓國真係好多嘢玩，想plan返個完美旅程，Creatrip幫到你！而家仲有9月限定優惠，絕對唔可以錯過！
如果有更多想知嘅內容，都可以隨時dm話俾我哋知：）
Instagram：creatrip.hk
