2026首爾個人色彩中心推薦 | 10間Personal Colour中心比較
繼MBTI之後韓國又興起Personal Colour！點解咁多人想去做？做完又有咩好？
- 咩係Personal Colour(個人色彩)？
- 點解要做Personal Colour診斷？
- 首爾邊間Personal Colour中心好？
- 2026首爾Personal Colour中心推薦20
- 做Personal Colour前要注意咩？
- 做完Personal Colour之後可以咁用結果！
- 韓國Personal Colour常見問題FAQ
Hello，大家好，我哋係由韓國人每日提供最新韓國旅行資訊嘅Creatrip。
韓國最近超興做Personal Colour Test（個人色彩診斷），大家應該都聽唔少！不過韓國有好多個人色彩診斷中心都冇提供外國語言服務，要預約都好難，甚至可能要自己請翻譯...
而小編團隊由幾年前開始就喺韓國幫大家發掘Personal Colour中心，今次推薦俾大家嘅10間首爾個人色彩中心，全部都係小編團隊親身探訪同體驗過嘅店舖，亦都有提供中文、英文翻譯服務、服務夠高質嘅店鋪，每間仲有小編真實探訪記，打算嚟韓國體驗嘅朋友記住save低參考啦！
韓國Personal Colour中心推薦
咩係Personal Colour(個人色彩)？
Personal Colour/個人色彩係一個色彩學理論，顧名思義就係最適合我哋膚色嘅顏色。由於每種顏色冷暖度、明度同飽和度等都唔一樣，透過用機器、色布等進行比較，觀察膚色有冇均勻咗、黑眼圈或者暗瘡印之類嘅色素有冇睇落深色咗、氣色有冇變好等等，就可以搵出可以配合返每個人皮膚、眼珠同髮色嘅色調，令成個人睇落更亮眼。
通常Personal Colour會先分為暖色系（Warm Tone）同冷色系（Cool Tone），之後再按照季節細分。韓國每間Personal Colour中心嘅分類方法都唔同，由4種色調到12、16種，甚至超過20種都有！最common嘅4色調分類分別係：
色調種類 | 特徵 | 形象 |
Spring Warm (春季暖調；봄웜톤) | 偏黃底、鮮艷、 明亮、飽和度高 | 活潑、有朝氣 |
Summer Cool (夏季冷調；여름쿨톤) | 偏藍底、明度高、 Pastel Tone粉色系 | 清爽、優雅 |
Autumn Warm (秋季暖調；가을웜톤) | 飽和度低、 大地色、墨綠色系 | 有氣質、成熟 |
Winter Cool (冬季冷調；겨울쿨톤) | 對比度高、彩度高 | 冷酷、有氣場 |
點解要做Personal Colour診斷？
#1 打造專屬形象同魅力
更加清楚自己適合啲咩之後，無論係穿搭打扮、化妝髮型等都可以upgrade，令你成個人睇落更有氣質同個人魅力，無論係去面試定去拍拖都可以俾到人一種好印象。
最重要係唔需要再盲目跟住潮流，知道最啱自己嘅形象之後個人自然會更有自信，由內到外散發光芒！
#2 可以慳返唔少冤枉錢
大家只要知道自己屬於邊種色調，就可以參考返最襯呢個Tone嘅顏色list，之後買化妝品同買衫都可以跟住揀，只要避開唔夾你嘅色，就唔會再發生「買咗返去又用唔著」嘅情況。
部分Personal Colour中心仲會提供推薦產品購物清單，大家做完之後可以即刻直接跟住去掃貨，以後買衫、買化妝品唔會再買錯色。
#3 一次過幫你襯好造型！
而家有好多Personal Colour中心都有提供埋體型同臉型分析，甚至有埋時裝指導，可以喺瞭解自己啱咩色之餘仲可以聽取專家意見，睇自己啱咩髮型髮色、咩版型嘅穿搭、咩飾物等等，事半功倍。
首爾邊間Personal Colour中心好？
Personal Colour中心越開越多，到底邊幾間出名、每間Personal Colour中心又有咩特色同優點？今日小編幫大家整理咗10間首爾必去嘅Personal Colour中心，不妨可以參考以下整理表（下面會有詳細介紹同小編團隊親身體驗分享），睇吓邊間啱你行程符合你要求啦！
中心名稱 | 特色 | 翻譯語言 | 推薦對象 |
(弘大) | 個人色彩同體型分析都有、可以試著推薦穿搭 | 中文(普通話)、英文、日文 | CP值高、想一次過做色彩+體型診斷 |
COCORY Color Inc. | 使用自家研發測色器、可加體型/化妝/時裝分析 | 中文(普通話)、英文、日文 | 想按行程揀最近分店、想做較完整診斷 |
(合井) | 偶像御用個人色彩分析中心、分類細緻更準確 | 中文(普通話)、英文、日文 | 重視時尚感同整體造型、想由頭到腳一次過分析 |
(明洞) | 地理位置方便、專家同職員夠親切、建議實用 | 中文(廣東話/普通話)、英文、日文 | 行程集中喺明洞、第一次做Personal Colour |
(聖水) | 可以同時做體型&風格分析 | 中文(普通話)、英文、日文 | 想瞭解自己穿搭方向、得到親切實用建議 |
(聖水) | 知名度高、系統化診斷 | 中文(普通話)、英文、日文 | 想揀穩陣、完整服務 |
(狎鷗亭) | Running Man拍攝場地、診斷項目多、可加化妝體驗 | 中文(廣東話/普通話)、英文、日文 | 重視溝通暢順，希望同時體驗韓國化妝服務 |
(清潭) | 系統化診斷、已獲各種專利 | 中文(普通話)、英文 | 重視專業度 |
(江南) | 自家16分類系統+測色儀、可加體型&臉型診斷/化妝體驗 | 中文(普通話)、英文、日文 | 追求更細緻、更客觀結果 |
ocollor | 有專利體型計算機，體型分析強、可加化妝體驗 | 中文(普通話)、英文、日文 | 想做更專業體型診斷+形象諮詢 |
首爾Personal Colour懶人包
- 需要廣東話翻譯：my:shopper、The Bom
- 想做得更仔細：Warm N Cool、韓國時尚心理研究院、ColorLover
- 想連體型分析一齊做：COLORGA SANDA、Does Studio、DAMPPEUM、ocollor
- 希望交通更方便：The Bom、COCORY Color Inc.、ColorLover
- 第一次做Personal Colour：The Bom、ColorLover、COLORGA SANDA
- 想連韓妝體驗一齊做：my:shopper、The Bom
2026首爾Personal Colour中心推薦
※下列資訊以2026年5月可確認之店家公開資訊與Creatrip預約頁面為準，各中心方案、最新價格及可預約時段可能因分店/語言服務而有所不同，建議進入各預約頁面確認最新資訊。
弘大 | COLORGA SANDA(컬러가산다)
- 地址：서울 마포구 양화로19길 22-8 B1F
- 交通：弘大入口站（홍대입구역）3號出口
- 翻譯語言：中文、英文、日文
✨特色：提供體型&臉型分析、 妝髮體驗 |
位於弘大入口站附近嘅「COLORGA SANDA」係好多香港朋友嘅首選。除咗會幫你測Personal Colour，仲會推薦啱你嘅唇膏、髮色、飾物顏色等等，更加會幫你check你本身用緊嘅化妝品啱唔啱你，結果非常實用。
呢度另外仲有提供體型分析同妝髮體驗，透過測量各部位尺寸同搵出你嘅身材同臉部比例，推薦啱你嘅髮型同衫嘅版型。
[이미지 슬라이더] 
小編A嘅朋友上次去就一次過做咗Personal Colour分析同體型分析，填完問卷之後就會用色布進行比較，最神奇嘅係皮膚真係會因為顏色變化而變得更暗沉或者紅潤！最後測出小編朋友屬於Spring Pale色調，專業顧問會細心講解呢個色調嘅特徵，更加會推薦化妝品、飾物、髮色等等。
[이미지 슬라이더] 
然後就會進行體型分析，量度好胸圍、腰圍、臀圍、腳長等之後就會幫你計算比例，專業顧問同樣會講解相關體型特徵同注意事項。最正係現場直接有一個showroom，擺滿各種版型嘅衫，可以直接喺現場試著推薦穿搭，真眼望到分別！
✏️小編小貼士：呢間啱想一次過搞清楚自己啱咩色、咩版型嘅人，尤其係平時成日覺得「買嗰陣好似OK，着上身又唔係嗰回事」嘅話，會幾有幫助。
更多資訊&預約詳情👇🏻
[스팟] COLORGA SANDA（弘大） | Personal Colour診斷
[스팟] COLORGA SANDA（弘大） | 體型分析
[스팟] COLORGA SANDA（弘大） | 韓式妝髮體驗
弘大/明洞/江南 | COCORY Color Inc.(코코리색채연구소)
延禧總店
- 地址：서울 서대문구 연희로 193-3
- 交通：新村站（신촌역）轉乘巴士
- 翻譯語言：中文、英文、日文
弘大店
- 地址：서울 마포구 홍익로 11 3F
- 交通：弘大入口站（홍대입구역）9號出口
- 翻譯語言：中文、英文、日文
明洞店
- 地址：서울 중구 명동10길 7-9
- 交通：明洞站（명동역）8號出口
- 翻譯語言：中文、英文、日文
江南店
- 地址：서울 강남구 강남대로158길 28 3F
- 交通：新沙站（신사역）8號出口
- 翻譯語言：中文、英文、日文
✨特色：自家研發測色器&色彩理論 |
「COCORY Color Inc.」係一間規模都頗大嘅韓國Personal Colour中心，遊客必去嘅弘大、明洞、新沙都有分店，而且聽講會喺香港開班教學！佢哋除咗普通Personal Colour個人色彩診斷，仲有提供體型、化妝同時裝分析，想一次過做齊詳細分析、聽專家建議嘅話，推薦大家去「COCORY Color Inc.」！
[이미지 슬라이더] 
解釋完咩係Personal Colour同填完問卷之後，專業顧問會用「COCORY Color Inc.」自家研發嘅機器去測試皮膚明亮度、黃色&紅色比例，分辨到底你屬於Warm Tone定Cool Tone。然後就會用超多種顏色嘅布去比較，睇邊款最啱你。過程當中顧問勁快手，而且真係會睇得出分別！
最後會再整理一次結果，除咗自己本身屬於嘅色調之外，仲會俾埋其他襯你但係唔係best colour嘅顏色大家做參考。然後就會推薦髮色、配飾同化妝品色，亦都會以明星藝人做例子，向你推薦襯你嘅化妝風格。
[이미지 슬라이더] 
而另外加錢做嘅個人體型診斷入面會幫大家分析臉型、五官同體型，顧問會先量度身體同臉部五官大細，然後透過計算數字比例搵出你屬於邊種臉型，再推薦適合呢種臉型嘅髮型、眉型、眼鏡形狀、飾物等。小編朋友本身以為自己唔啱戴眼鏡，但係原來只係冇搵到啱嘅款式！
之後就會分析埋你啱咩pattern同版型嘅衫，以後要點襯衫，點買飾物都可以直接參考。
✏️小編小貼士：COCORY最大優點真係夠方便，弘大、明洞、江南都有分店，如果你行程排得好密，揀返近酒店或者近下一個景點嘅分店會令行程更順暢舒服。
更多資訊&預約詳情👇🏻
[스팟] COCORY Color 延禧總店 | Personal Colour診斷
[스팟] COCORY Color 弘大店 | Personal Colour& 體型& 時裝分析
[스팟] COCORY Color 明洞店 | Personal Colour& 體型& 時裝分析
[스팟] COCORY Color 江南店 | Personal Colour& 體型& 時尚分析
弘大 | 朵姿 Does Studio(더즈 퍼스널컬러)
- 地址：서울 마포구 포은로2가길 65 2F
- 交通：合井站（합정역）8號出口
- 翻譯語言：中文、英文、日文
✨特色：偶像御用個人色彩中心、 分類細緻更具體、可現場購物 |
[이미지 슬라이더] 
位於合井站附近嘅「朵姿 Does Studio」，無論係韓國本地人定偶像明星都會去做個人色彩診斷，專業度同信譽有保證！好多韓國Personal Colour中心都唔俾同行人士陪同入場，但呢度就可以自行帶翻譯人員(or朋友)，更加舒服同方便！
[이미지 슬라이더] 
小編B上次陪朋友去做咗個All-in-One診斷，入面包括個人色彩診斷、骨架/體型分析、時裝造型諮詢等項目，個半鐘就可以做到由頭到腳超詳細嘅形象諮詢！
首先會進行個人色彩診斷部分，專業顧問先用專業色彩儀器量度臉部膚色，當中除咗可以知道皮膚大約屬於咩色調，仲發現咗朋友額頭同下巴膚色唔均匀嘅問題，再提供相關建議，非常貼心。
之後就會好似平時做Personal Colour診斷咁，比較各種色布對膚色嘅影響，更加會詳細講解適合/唔適合嘅原因，而小編朋友就被診斷為Spring Pale色調！
[이미지 슬라이더] 
之後就會用透明卡分析臉部輪廓、五官、眉毛比例，仲會睇埋應該揀咩飾物、眼鏡，再比較埋各種花紋圖案、布料類型，做一個勁完整嘅造型諮詢。
[이미지 슬라이더] 
最後仲會量度肩闊、腰圍、臀圍同胸圍等，分析出體型種類之後就會進入試衫階段。現場有提供多種版型同材質嘅服裝，顧問會根據你嘅體型推薦你著邊幾種衫褲，對比前後差別都真係幾大。
✏️小編小貼士：呢間唔係淨係用色布比較咁簡單，連飾物、花紋、布料都會一齊分析埋，啱本身對穿搭同整體造型有要求嘅人。重點係大家如果有啱心水嘅衫，仲可以直接買返屋企，小編都係第一次見有呢種服務嘅個人色彩中心！
更多資訊&預約詳情👇🏻
[스팟] 偶像御用個人色彩中心 | 朵姿 Does Studio（弘大合井）
明洞 | The Bom個人色彩診斷(더봄 퍼스널컬러)
- 地址：서울 중구 퇴계로18길 7 107호
- 前往方法：明洞站（명동역）3號出口
- 翻譯語言：中文、英文、日文
✨特色：位於明洞大街附近、 提供韓妝體驗 |
「The Bom個人色彩診斷」係一間明洞大街附近嘅Personal Colour中心，全部道具同設備都好新淨！過程當中唔止Personal Colour，仲有韓式化妝體驗，可以直接喺度等專家幫你化返個靚妝。
[이미지 슬라이더] 
小編朋友幾年前去過一次「The Bom個人色彩診斷」做Personal Colour Test，當時去本身以為得普通話同英文翻譯，但點知最後發現翻譯姐姐識講廣東話（不過佢話唔係日日都會喺度）！可能係因為咁，所以成個診斷過程都非常順暢，而且有咩唔明都可以直接問。
專業顧問除咗會搵出你嘅個人色調，更加會幫你揀埋Best Colour同Worst Colour。佢話就算係Worst Colour，都可以用唔同方式去活用，打破咗大眾對Worst Colour嘅偏見！之後顧問會再推薦化妝品，大家可以影低之後直接去明洞Olive Young掃貨，非常方便。
✏️小編小貼士：如果你本身住明洞附近，或者做完診斷想順手去買化妝品、即刻試返推薦色號，揀呢間Personal Colour中心會比較方便順路。
更多資訊&預約詳情👇🏻
[스팟] The Bom個人色彩診斷（明洞） | Personal Colour診斷
[스팟] The Bom個人色彩診斷（明洞店） | 化妝體驗
聖水 | DAMPPEUM個人色彩診斷(담쁨퍼스널컬러)
- 地址：서울 성동구 연무장길 50-1 604호
- 前往方法：聖水站（성수역）1號出口
- 翻譯語言：中文、英文、日文
✨特色：提供體型分析、造型推薦服務 |
2號線聖水站行5分鐘就會去到嘅「DAMPPEUM個人色彩診斷」有分基本同高級2個選項，揀高級選項可以同時體驗埋體型分析、風格分析等服務，之後買衫唔洗再十五十六，一眼就可以知自己啱咩style！
[이미지 슬라이더] 
小編A之前陪同事去嘅時候第一印象係專業顧問好親切友善，而且因為有中文翻譯，所以就算小編朋友聽唔明韓文都冇問題。顧問會幫忙分析髮色同膚色，然後再推薦啱你嘅粉底色號，亦會幫你check你個化妝袋入面嘅化妝品到底啱唔啱你。
其實小編A一直以為皮膚白啲就係Cool Tone、黃啲就係Warm Tone，但做完test之後發現原來唔係咁，而且每個人嘅結果真係可以好唔同！
[이미지 슬라이더] 
最後再做埋體型分析，顧問會根據你嘅頸部長度、肩寬、腰圍、盆骨、腿長等等幫你分析，仲會根據體型特徵推薦你做邊款運動改善體態，上身同下身啱著咩style、你嘅Personal Colour俾人咩印象、要點襯衫都會一次過話你知！
✏️小編小貼士：想知自己點解成日覺得某啲衫唔算唔啱，但着極都差少少感覺，呢間加做體型分析會幾實用，而且價錢唔貴，CP值高！
更多資訊&預約詳情👇🏻
[스팟] DAMPPEUM個人色彩診斷（聖水店）
聖水 | ColorLover(컬러버)
- 地址：서울 성동구 성수이로 51 1차 1302호
- 前往方法：聖水站（성수역）3號出口
- 翻譯語言：中文、英文、日文
✨特色：全球聞名個人色彩中心、 提供自家開發應用程式 |
「ColorLover」係一間獲得韓國專利廳、中小企業部同Google認證嘅專業Personal Colour診斷中心，以科學同系統化診斷系統為基礎，提供準確又可靠嘅個人色彩結果。自家開發嘅應用程式更加全球累積超過420萬次下載，好多人都用過覺得滿意！
因為已經有好多人去過呢間中心做個人色彩診斷，現場專業顧問全部都經驗豐富，如果想體驗系統化服務，同時參加埋化妝班，非常推薦大家去「ColorLover」！
✏️小編小貼士：小編想特別推薦ColorLover俾第一次做Personal Colour診斷嘅朋友們，可以做一次就得到最完整又有公信力嘅診斷結果！
更多資訊&預約詳情👇🏻
[스팟] ColorLover（聖水）
狎鷗亭 | my:shopper(마이쇼퍼)
- 地址：서울 강남구 언주로153길 10-6
- 交通：狎鷗亭站（압구정역）3號出口
- 翻譯語言：廣東話、普通話、英文、日文、法文、阿拉伯文
✨特色：診斷項目多樣化、 提供化妝班&韓妝體驗 |
要喺韓國搵到有廣東話翻譯嘅Personal Colour中心真係唔易！呢間「my:shopper」上過好多韓國電視節目，而且仲有好多明星都嚟做過診斷，例如MONSTA X同Running Man都有喺度拍過節目，喺韓國係數一數二出名嘅Personal Colour中心！
[이미지 슬라이더] 
小編E之前去咗做Personal Colour診斷同韓妝體驗，覺得比較特別嘅係呢度仲會幫你睇你啱亮面定霧面、金色定銀色，仲會比較各種花紋，非常仔細。冇諗過同樣係格仔紋，大格仔同細格仔感覺完全唔同！
專業顧問幫你check完化妝品之後，亦都會另外推薦幾款化妝品、穿搭、髮色同飾物俾大家，試完滿意可以直接影低去買，成個體驗結束之後都會send個完整file俾你，之後去行街shopping都可以參考。
[이미지 슬라이더] 
而韓妝體驗亦都唔馬虎，同普通去明星妝髮Studio差唔多。優點係會直接根據你嘅Personal Colour診斷結果，用推薦過嘅化妝品進行，大家可以從中偷師！
✏️小編小貼士：香港小編表示有廣東話翻譯真係方便好多！尤其係想問有關化妝、髮色或者飾物細節嗰陣，成個過程會順暢得多。
更多資訊&預約詳情👇🏻
[스팟] my:shopper（狎鷗亭店）
[스팟] my:D Makeup（狎鷗亭）
狎鷗亭/釜山 | 韓國時尚心理研究院(한국패션심리연구소)
清潭總店
- 地址：서울 강남구 선릉로 840 4F
- 前往方法：狎鷗亭羅德奧站（압구정로데오역）4號出口
- 翻譯語言：中文、英文
釜山店
- 地點：부산 수영구 남천바다로10번길 19 2F
- 前往方法：金蓮山站（금련산역）5號出口
- 翻譯語言：中文、英文、日文
✨特色：運用專業儀器進行診斷、 提供化妝班 |
[이미지 슬라이더] 
「韓國時尚心理研究院」總店位於狎鷗亭羅德奧，仲有一間分店喺釜山，呢間中心規模大，有各種專利之餘仲攞過唔少獎，唔少韓國人氣明星同運動選手都有嚟過做Personal Colour診斷。除咗可以知道自己屬於咩tone，仲有機會俾專家幫你化返個韓式日常妝！
[이미지 슬라이더] 
小編F之前去清潭總店做咗次個人色彩診斷，開始前會先用一部專業儀器量度皮膚明亮度、黃色調同紅色調嘅準確數據，之後再透過用一系列嘅顔色卡仔，同自己嘅皮膚、頭髮同眼珠顔色比較之後搵出準確顏色。
Check完色調之後會直接比較最襯同最唔襯嘅顏色，齋睇相就知道真係差好遠！之後顧問仲會教應該要點襯衫同推薦飾物顏色、髮色、香水等。而小編覺得最實用嘅係可以直接搽粉底上臉睇效果，小編平時用開嘅粉底太白，但係又搵唔到啱嘅顔色，不過好彩有專家推薦，終於俾小編搵到最啱自己嘅粉底色號！
[이미지 슬라이더] 
✏️小編小貼士：呢間江南Personal Colour中心亦都有提供化妝服務，專業化妝師會用返頭先推薦過嘅product去化，如果有其他滿意嘅產品話，建議大家可以問化妝師用咗咩色號，化妝師都會一一解答大家嘅問題，之後自己化妝就可以跟住用啦！
更多資訊&預約詳情👇🏻
[스팟] 韓國時尚心理研究院（清潭總店） | Personal Colour診斷
[스팟] 韓國時尚心理研究院（清潭總店） | 化妝體驗&化妝班
[스팟] 韓國時尚心理研究院（釜山店）
江南 | Warm N Cool 個人色彩診斷(웜앤쿨 퍼스널컬러진단)
- 地址：서울 서초구 사평대로 353 2F 205호
- 交通：新論峴站（신논현역）1號出口
- 翻譯語言：中文、英文、日文
✨特色：自家開發16分類系統更客觀、 院長有色彩學專業背景 |
被譽為韓國始祖級Personal Colour中心，「Warm N Cool」憑住無數客人嘅口碑同光顧，建立高度信譽，而且院長自己一個人就幫過超過35,000人進行診斷，加上色彩學專業背景，能夠提供更準確同客觀嘅諮詢服務！
呢度唔單止簡單分暖同冷色調，仲會利用自家開發嘅16分類系統、超過300款診斷布同測色儀等工具，為顧客帶來客觀又科學化嘅診斷結果！
[이미지 슬라이더] 
小編H話之前都有聽過呢間Personal Colour中心，去之前非常期待，而做完之後真係冇失望，成個診斷過程同報告都勁仔細！首先因為呢度會用自家開發嘅色調分類系統，而且仲會配合測色儀，結果相對上更客觀。
另外「Warm N Cool」專業顧問經驗豐富，無論係用色布測試時會睇下膚色係咪顯得暗啞定有精神，仲會分析下法令紋或者黑眼圈有冇特別突出，更加會提供好多實用貼士等大家可以直接應用於日常生活。
[이미지 슬라이더] 
而進行體型診斷嘅時候唔單止會量度各部位長度大小，仲會逐一摸清楚骨架同手骨，了解基本體型底子。除此之外呢度仲有臉型診斷，根據診斷結果推薦髮型、領口剪裁、飾物、眼鏡款式，仲可以親自試戴，體驗下邊啲風格啱自己。有興趣嘅話仲可以預約化妝體驗，用最啱你嘅化妝品化返個韓妝。
✏️小編小貼士：如果你之前有做過Personal Colour診斷，想再做更詳細嘅分析或者做埋體型診斷同化妝體驗，推薦大家可以揀呢間做個深層分析！
更多資訊&預約詳情👇🏻
[스팟] Warm N Cool 個人色彩診斷（江南總店）
新沙/汝矣島 | ocollor(오콜로르)
新沙店
- 地址：서울 강남구 강남대로156길 20 2F
- 前往方法：新沙站（신사역）8號出口
- 翻譯語言：中文、英文、日文
汝矣島店
- 地址：서울 영등포구 국제금융로6길 33 11F 1106호
- 前往方法：汝矣島站（여의도역）5號出口
- 翻譯語言：中文、英文、日文
✨特色：運用獨家體型計算機進行分析， 提供化妝體驗 |
「ocollor」已經開咗15年，專家經驗超豐富，而且設備同道具都好齊全。如果大家會揀去呢間Personal Colour中心體驗，記住要做埋Personal Fit體型分析，因為佢哋會運用獲得專利嘅獨家體型計算機，以科學角度分析體型之後教你點放大優點、彌補缺點，再根據生活習慣提供多樣化指導。
[이미지 슬라이더] 
早前小編I就慕名去咗「ocollor」汝矣島店體驗，做完基本Personal Colour診斷之後，專業顧問就幫小編量度手、腳、膊頭長度同胸圍、腰圍、臀圍，然後透過獨家計算方法分析到底屬於邊種體型，然後再話俾大家知著衫嘅時候需要注意啲咩，仲會幫大家分析埋臉型。
最後聽顧問分析，原來每個色調都有幾個可以聯想起嘅形容詞，小編個人覺得同自己都幾夾。佢仲會教要點襯色、揀咩版型嘅衫、眼鏡、帽等等，無論係買衫/化妝品定染頭髮前都可以參考。如果有預約埋化妝體驗，仲可以化返個襯返你形象嘅日常妝，之後繼續去玩！
✏️小編小貼士：如果你平時最大煩惱其實唔係揀色，而係着咩版型都好似差啲啲，呢間嘅體型分析反而可能仲有參考價值。
更多資訊&預約詳情👇🏻
[스팟] ocollor個人色彩診斷（新沙店）
[스팟] ocollor個人色彩診斷（汝矣島店）
做Personal Colour前要注意咩？
呢幾年小編團隊都有去過唔少Personal Colour中心體驗，發現以下呢幾樣嘢係無論去邊間做個人色彩診斷都應該要注意，大家記住去體驗之前要參考定！
1. 事先執定自己平時用開嘅化妝品
好多韓國Personal Colour中心都有提供化妝品檢查服務，專業顧問主要會睇你用開嘅粉底、眼影、唇膏等等嘅色號符唔符合你嘅個人色彩，然後再為你推薦產品。所以去之前記住執定個化妝袋，咁就可以聽到更實用嘅建議啦！
2. 建議要素顏去
因為Personal Colour診斷係根據你最原始嘅膚色進行，所以要用素顔進行。雖然部分個人色彩中心會提供卸妝嘅地方，但大部分都唔會有卸妝產品，所以建議直接素顔去！
3. 診斷前要除低所有飾物/眼鏡
飾物同眼鏡都會影響到Personal Colour診斷結果，所以建議視力較差人士可以戴透明隱形眼鏡。但如果平時會一直佩戴眼鏡，亦都可以戴住眼鏡進行診斷。
4. 問卷答案要寫得更詳細
幾乎所有Personal Colour診斷開始前都要先寫一份問卷，專家會根據呢張問卷幫大家分析，問卷答案寫得越詳細，專家就可以更加有效咁幫大家進行診斷！
5. 進行體型分析時建議著貼身衫
因為體型分析主要需要量度各個身體部位嘅大小同闊度，然後診斷出你屬於咩體型，如果著比較寬鬆或者厚嘅衫就會影響到效果，而且會睇唔出到底真實比例係點。
做完Personal Colour之後可以咁用結果！
韓式形象照
韓國而家真係好興去影彩色背景嘅證件相同個人形象照，唔再只係得平時嘅白色、藍色、粉紅色底！
就好似好多香港朋友們都有預約去影嘅Sihyunhada會透過詳細諮詢，瞭解個人風格同特色再進行拍攝。如果呢個時候大家知道自己係咩色調，就可以揀返最襯自己嘅背景顏色，影返張獨一無二嘅形象照。做完Personal Colour之後記住預約埋韓式妝髮服務同證件相/形象照拍攝體驗，留低你最靚嘅moment！
韓式染髮
知道自己係咩色調之後，就當然要染返個最襯自己嘅髮色啦！上述介紹過嘅Personal Colour中心都會喺過程當中向你推薦髮色（甚至係髮型），大家可以攞住個結果去韓國髮型屋，體驗高質韓國美髮同時轉個新形象！想知道首爾邊幾間髮型屋最出名染頭髮？快啲睇下面呢篇文章啦：
[블로그] 2026年首爾必去染髮Salon推薦
韓國Personal Colour常見問題FAQ
Q1. 翻譯服務係Personal Colour中心提供定要自己安排？
A：而家好多韓國Personal Colour中心都會有專業翻譯駐場，或者顧問可以直接用英文溝通，所以唔需要自己安排翻譯人員！預約之前建議參考上述介紹，睇清楚想去嗰間Personal Colour中心會提供咩語言嘅翻譯服務。
Q2. 喺韓國做Personal Colour診斷平均價錢係幾多？
A：視乎你所揀嘅診斷包括咩項目，通常1:1診斷平均₩100,000~150,000(100000-150000)不等，如果你同朋友一齊做1:2甚至係1:3診斷，價錢會平啲。
Q3. Personal Colour診斷成個過程要幾耐？
A：1:1診斷通常要1-1.5小時左右，如果同朋友一齊做，就要大約2小時，安排行程嗰陣記得預留返足夠時間。
Q4. 點樣預約Personal Colour診斷體驗？
A：多數Personal Colour中心都可以透過Instagram DM或者WhatsApp預約，但如果唔識韓文，又唔想咁麻煩，可以直接透過Creatrip用繁體中文同港幣預約，去到現場就唔洗另外再俾錢！
Q5. 可唔可以同朋友一齊做Personal Colour診斷？
A：可以！上述介紹嘅鋪頭幾乎都有提供1:2或者1:3嘅小組診斷選項，同朋友一齊做可以互相睇之餘，安排行程嘅時候都會更方便！
Q6. 做Personal Colour診斷可唔可以戴隱形眼鏡或者Color Con？
A：進行個人色彩診斷嘅時候最重要係保持最自然嘅狀態，而且因為要觀察眼珠色調，所以係唔可以戴Color Con 嘅，如果有近視建議戴透明隱形眼鏡。
Q7. 會唔會提供個人色彩診斷中文或者英文報告？
A：呢篇文章入面介紹嘅Personal Colour中心都會提供中文或者英文分析報告，有啲仲會寄PDF俾你，方便你之後去行街買嘢嗰陣隨時拎出嚟參考。
以上就係小編幫大家整理出2026年最推薦嘅Personal Colour中心同相關服務，有興趣嘅朋友們記住下次嚟韓國之前要book定啦！
本文由Creatrip長期整理韓國美容/體驗類內容團隊根據實際探訪經驗、平台內預約資訊、旅客回饋及發布時點可確認之店家公開資料整理撰寫，並按香港讀者需求進行在地化編輯。
如果你對文章內容有咩意見或者想查詢更多資訊，可以隨時喺留言區留言，亦可以透過WhatsApp(+82 10-8818-2915、英文服務)或LINE(@creatrip；中/日文服務)聯絡Creatrip 24小時客戶服務中心，亦歡迎透過電郵(help@creatrip.com)來信諮詢。想知更多韓國最新資訊，記住follow埋我哋嘅Instagram同Threads啦！
