韓國照相館 | Sihyunhada
最受韓國年輕人歡迎嘅影相鋪！自選風格、1:1諮詢&拍攝&修圖一條龍服務，包你滿意成果！
Hello，大家好，我哋係由韓國人每日提供最新韓國旅行資訊嘅Creatrip。
有留意開韓國流行嘅你應該都有聽過「Sihyunhada（시현하다）」呢間影相鋪。呢度最出名嘅係攝影師會喺拍攝前同客人進行1:1諮詢，瞭解客人想要嘅風格同要求之後，幫大家影出最靚嘅個人照、形象照同證件相！不過「Sihyunhada」目前都只係得韓國網站可以book到，唔識韓文嘅話都幾麻煩吓...今次我哋成功同呢間影相鋪合作，有興趣嘅朋友們可以透過我哋輕鬆預約！
等陣❗
你入手咗Creatrip優惠券禮品包未呢？
買一套就可以喺全個網站用🎉
你而家準備要預約嘅體驗都有9折優惠！
「Sihyunhada」資訊
弘大SPACE店
- 地址：서울 마포구 독막로2길 37
- 營業時間：10:00 - 18:30（Lunch Break 12:30 - 13:30）
聖水旗艦店
- 地址：서울 성동구 성수동2가 277-9 EM TOWER
- 營業時間：10:00 - 18:30（Lunch Break 12:30 - 13:30）
江南店
- 地址：서울 강남구 테헤란로19길 53-6
- 營業時間：10:00 - 18:30（Lunch Break 12:30 - 13:30）
北村韓屋店
- 地址：서울 종로구 계동길 80
- 營業時間：10:00 - 18:30（Lunch Break 12:30 - 13:30）[逢星期二、三休息]
釜山西面店
- 地址：부산광역시 부산진구 전포대로 203
- 營業時間：11:00 - 19:00（Lunch Break 12:50 - 14:00）[逢星期二、三休息]
「Sihyunhada」推薦原因
- 拍攝前透過深入對話，瞭解個人風格同特色，影出最能夠代表你嘅個人照同證件相！
- 可以透過揀最鍾意/能夠表達你嘅“形容詞卡”，令攝影師可以快速掌握你想要嘅風格！
- 修圖嘅時候可以即場俾feedback攝影師，保證可以P出最滿意成果！晒好相之後仲可以喺鋪頭入面嘅Photo Zone影相打卡留念！
「Sihyunhada」價錢
| 選項 | 價錢 | 範例 |
| 「第一格」等級攝影師 | ₩54,000 (54000) | - |
| 「第二格」等級攝影師 | ₩68,000 (68000) | |
| 「第三格」等級攝影師 | ₩84,000 (84000) | |
| 「第一格」等級攝影師 + Blooming Frame | ₩76,000 (76000) |  |
| 「第二格」等級攝影師 + Blooming Frame | ₩90,000 (90000) | |
| 「第三格」等級攝影師 + Blooming Frame | ₩106,000 (106000) |
[北村韓屋店獨家商品]
選項 | 價錢 |
Together Basic多人拍攝（2人） | ₩200,000 (200000) |
Together Basic多人拍攝（3人） | ₩260,000 (260000) |
Together Basic多人拍攝（4人） | ₩320,000 (320000) |
※「Sihyunhada」攝影師等級
| 等級 | 資格 | 服務 |
| 第一格 | 成功通過「Sihyunhada」教育課程同考試嘅攝影師 | 「Sihyunhada」基本角度拍攝 修圖（上半身人體&五官對稱、基本臉部及皮膚瑕疵修復、基本臉部明暗調整、碎髮&頭髮豐盈度修整、基本化妝效果、背景整理） |
| 第二格 | 最少進行過1,000次拍攝，並成功通過晉級考試嘅攝影師 | 「Sihyunhada」基本角度及廣角拍攝 修圖（上半身人體&五官對稱、基本臉部及皮膚瑕疵修復、基本臉部明暗調整、碎髮&頭髮豐盈度修整、基本化妝效果、背景整理） |
| 第三格 | 最少進行過3,000次拍攝，並成功通過晉級考試嘅攝影師 | 「Sihyunhada」基本角度、廣角、近鏡拍攝 修圖（上半身人體&五官對稱、基本&高級臉部及皮膚瑕疵修復、基本&高級臉部明暗調整、碎髮&頭髮豐盈度修整、髮根顏色修補、基本化妝效果、增加化妝細節、整理背景、視線調整、下顎矯正、衣著&頭髮調色） |
「Sihyunhada」退款政策
| 預約後至到訪6日前取消 | 全額退款 |
| 到訪5日前取消 | 不設退款 |
「Sihyunhada」注意事項
拍攝注意事項
- 基本拍攝商品
- 體驗流程如下：填寫問卷&諮詢 > 個人準備 > 拍攝&修圖 > 領取最後成品
- 大約會進行30分鐘拍攝&修圖，諮詢及個人準備時間可能會影響拍攝開始時間。
- 每時段只限1人進行單主題拍攝，最後會提供一張修圖後成品，到時候請向職員講你張相有咩用途。
- Together Basic多人拍攝商品
- 當日可以揀2張相進行修圖及製作最後成品，你亦可以揀最多10張電子版原圖，之後會透過email send俾你（需時約2星期）。
- 全個體驗大約為時2小時，請預留充分時間。
- 拍攝&修圖大約需要60分鐘，諮詢及個人準備時間可能會影響拍攝開始時間。
- 每時段只限進行單主題拍攝，唔可以中途轉背景顏色或者更換服裝。
- 唔提供髮型、化妝、衣服租借服務。
- 唔可以裸身拍攝。
體驗注意事項
- 如果你喺營業時間前或Lunch Break時間去到嘅話，鋪頭並唔會俾你入去入面等。
- 由於場地較為狹小，所以只可以有1個人陪同。
- 如果需要換衫、Set頭或者化妝，請喺預約時間前完成。
- 我哋會喺預約憑證上寫低詳細嘅拍攝注意事項俾你，到訪前請先細閲。
- 請確保你滿意最終修圖成果，之後先進行晒相程序，唔接受重新修圖。
- 大部分攝影師都識講簡單英文，不過為咗可以令攝影師更加瞭解你嘅要求，可能需要使用到翻譯器。
- 因各國家/地區簽證照片規格不一，請事前查清楚。
- 唔可以參加Sihyunhada本身提供嘅優惠活動。
遲到時注意事項
- 為不影響下一位客人體驗，如遲到，攝影師將會加快整體拍攝及修圖程序。
- 如果因為遲到而唔夠時間修圖，可能需要額外支付事後遙距修圖費用。
- 唔接受現金付款，請事前準備信用卡。
其他注意事項
- 請最少喺7日前完成預約。
- 每月11號會開放下個月預約 [例）8月11號開始可以預約9月時段]。
- 如果係平日預約，我哋會喺24小時內確認訂單，如果係週末或公眾假期預約，我哋會喺下一個工作天確認訂單。
- 由於Sihyunhada只接受預約，無法即日更改時間及退款，建議唔好預約入境當日進行拍攝。
- 每個時段只可以執一張相，如果想執兩張，請預約兩個時段。
- 如需其他商品及服務（如相簿、額外晒相等），請喺現場選購及付款。
- 建議拍攝前可先去「Sihyunhada」官網或官方Instagram，參考其他人嘅背景顔色、表情、姿勢等。
- 「Sihyunhada」只提供諮詢、拍攝及修圖服務，並未有提供其他拍攝前準備（如化妝、Set頭）服務。
- 基本提供嘅jpg檔案入面會有攝影師嘅簽名同Logo，解像度為300dpi。
- 你可以選擇購買冇Logo嘅高解像度jpg檔案，價錢為拍攝金額嘅50%。
- 拍攝肖像權及版權均為「Sihyunhada」所有，未得到事前同意下唔可以用作任何商業用途或進行2次加工。
- 如果想更改預約，或者有任何問題，請send email到help@creatrip.com查詢。
「Sihyunhada」預約流程
1. 揀你想預約嘅分店
2. 請確保已選擇正確選項，並詳細輸入所有相關資訊及付款
3. 我哋會喺1-2個工作天內確認預約，如果需要更改日期/時間我哋會另外通知你
4. 我哋會喺預約憑證上寫低詳細嘅拍攝注意事項俾你，到訪前請先細閲
5. 體驗當日去到之後向職員出示預約記錄
6. 開始體驗！
「Sihyunhada」介紹
「Sihyunhada」呢間影相鋪近幾年超受韓國年輕人歡迎，睇IG成日都會見到啲人po相，有好多韓國政治人物同韓星都有去影過！當中包括有李泳知、Red Velvet Yeri、MAMAMOO華莎、ASTRO、MeloMance 金珉碩同一班韓國著名YouTuber，想知道仲有邊個去過可以參考呢條link。
而今日小編去嘅係聖水旗艦店，因為係新開嘅旗艦店，所以鋪頭好大好新淨，而且勁搶眼！
整體裝修好似博物館咁，喺度自拍打卡應該會好上鏡！
「Sihyunhada」聖水旗艦店有2層，環境非常闊落。
「Sihyunhada」亦都有賣相簿、相框等同拍攝有關嘅產品，亦都有晒相+相框嘅package可以揀！
呢度更加有Photo Zone俾大家拎住最終成品影相打卡留念！而家不如跟住小編一齊睇吓成個體驗係點㗎啦！
呢度有梳妝台同更衣室，如果需要化妝換衫記住開始前要準備好啦！
準備好之後就可以寫呢張“形容詞卡”啦！大家可以喺呢度揀3~4個鍾意嘅形容詞，呢幾個形容詞會係你今次拍攝嘅風格！攝影師會幫你根據呢幾個形容詞揀背景顔色，亦都會指導你拍pose同表情。
「Sihyunhada」嘅注意事項同“形容詞卡”有中文、英文同日文版，所以就算唔識講韓文都唔需要擔心！
填完之後，職員會再向你講解其他注意事項，然後就會帶你去見攝影師啦！
每位攝影師都會有一間房，大家入到去之後可以同攝影師進行詳細諮詢，決定最終拍攝風格！
之後就可以揀背景顔色啦！攝影師首先會問你平時鍾意咩顔色，然後再按照今日你著嘅衫同揀嘅形容詞，推薦最適合嘅背景色俾你！
諮詢完之後就會直接進行拍攝，而且攝影棚入面有地方可以掛衫同放隨身行李，好貼心！
攝影師會親身指導大家點擺pose，手臂位置、膊頭高低、頭嘅方向等全部都會勁detail咁幫大家執，的確影出嚟個效果會更加自然！
影咗5-10分鐘之後就可以揀相，呢個時候攝影師都會叫大家打自己個email，到時候P完圖就會直接send俾你！修圖嘅時候攝影師仲會同你傾偈，同時瞭解你嘅需求，幫你執到你想要嘅效果。不過如果遲到嘅話，影相同P圖嘅時間就會變少，成個過程變得好倉促，效果相對上會冇咁靚，所以記住唔好遲到啦！
執完相之後大家就可以返出大堂等大約15分鐘，呢段時間大家需要根據指示scan一個QR Code，填寫一份照片保管同意書。小編趁呢段時間上咗2樓參觀，佈局同1樓差唔多，都係有一個等候區，然後就係每個攝影師嘅獨立房。
「Sihyunhada」相框好靚，見到實物嘅時候就好似收到一份送俾自己嘅禮物咁勁滿足！
大家仲會收到一個卡帶盒，入面會有形容詞卡、中間size嘅相、證件相同可以放證件相嘅紙質相框。根據大家揀邊個等級嘅攝影師，晒出嚟嘅相嘅數量都會有唔同（小編揀咗「第三格」等級，所以會有12張證件相）！
大家可以去頭先都有介紹過嘅Photo Zone影相留念，無論係放喺枱面，定係棟喺度影都靚~
「Sihyunhada Frame」係「Sihyunhada」新開嘅人生四格鋪，喺首爾有6間分店，包括聖水店、聖水旗艦店、建大店、大學路店、延南店同上水店！今日小編同朋友就嚟到位於建大嘅Green Lime店！成間鋪頭都係墨綠同青檸色，超搶眼！
影相嘅地方有詳細説明（有英文！），大家正式影之前可以先睇一睇~
「Sihyunhada Frame」相機總共有5盞燈，影出嚟會更加白同通透。
建大店入面有4部機，其中3部係綠色背景，另外一部係青檸色背景。每間分店嘅主題顔色都唔同，大家記住要check清楚再去啦！
最後當然唔少得韓國後生仔女指定動作 —— 對鏡自拍！可能因為本身「Sihyunhada」出品有保證，小編覺得連人生四格都好高質！
提提大家，你去嗰間「Sihyunhada」分店會幫你keep電子檔，如果之後需要晒相都可以直接去！因為影相之前會先同攝影師進行好溝通同傾好，所以小編超滿意最後成果，應該係有史以來影得最自然最似自己嘅形象照！如果大家都有興趣，而家可以直接搵我哋幫手預約啦！
「Sihyunhada」前往方法
弘大SPACE店
北村韓屋店
聖水旗艦店
江南店
釜山西面店
以上係「Sihyunhada」嘅介紹，有任何問題請先詳讀呢篇文章。
如果睇完之後有任何問題，或者我哋語意、標示唔清嘅話，麻煩請send email告知，以方便我哋改進 。
如果有更多想知嘅內容，都可以隨時留言或者dm話俾我哋知：）
Instagram：creatrip.hk
Mail：help@creatrip.com
