愛寶樂園總整理
2024愛寶樂園最新資訊！韓國最大主題公園！
Hello，大家好，我哋係由韓國人每日提供最新韓國旅行資訊嘅Creatrip。
講到韓國主題公園，除咗樂天世界之外，最多人會諗到嘅仲有愛寶樂園，今日小編就想同帶大家一齊睇吓有咩一定要玩同食！
愛寶樂園總整理
- 地址：경기 용인시 처인구 포곡읍 에버랜드로 199
- 營業時間：10:00 - 22:00
| 選項 | 可選日期 | 價錢 |
全日通門票 | 2024.04.01~2024.05.31 | ₩48000 (48000) |
「愛寶樂園」注意事項
- 請最少喺2日前完成預約，你亦可以喺120日前進行預約。
- 本入場券為外國人專用商品，持韓國國籍人士未能使用。
- 價錢唔包括交通費用。
- 大小同價，36個月以下幼童免費（需攜帶護照以作證明）。
- 售出後不設取消及退款。
- 即使發生任何天災人禍亦不設任何退款。
- 如QR CODE損毀將無法入場，請好好保管憑證。
- 請喺指定期限內到訪。
- 如果用門票時有任何疑問，請send email到help@creatrip.com。
「愛寶樂園」預約流程
STEP 1 | |
STEP 2 | 請確保已選擇正確選項，並詳細輸入所有相關資訊及付款 |
STEP 3 | 預約會即時成立，你可以喺我的頁面查看電子憑證 |
STEP 4 | 請喺指定期限內到訪，喺閘口scan憑證內QR CODE即可入場！ |
「愛寶樂園」介紹
愛寶樂園係韓國最大主題公園，位於龍仁，每日都有成千上萬嚟自各地區嘅人去打卡，呢度唔單止有刺激機動遊戲，同時仲有戶外遊行、各種節目等住大家，建議大家可以預一日時間喺度玩！
愛寶樂園感性校服（감성교복）
- 位置 : 愛寶樂園入口左邊
- 營業時間：09:30 - 22:00
- 價格：1人全日￦25,000원（背心+恤衫+裙/褲+呔）/ 外套、襪、打底褲、絲襪需要另外加錢
- 保證金：1人￦10,000（借衫時要用現金俾，還衫時會退返）
入去之前，小編先喺門口借咗校服，喺度可以扮吓韓國學生妹，同時打卡影相又係另一個回憶。
因為唔少人都會想喺入場著住校服打卡，所以有可能需要排隊，如果唔想等，建議大家可以揀早啲入場。
校服有好多唔同款同Size，不過因為只可以試兩套，大家可能要諗清楚揀邊套先。
愛寶樂園總共分咗五個區域：歐洲冒險、魔術天地、美洲冒險、環球集市同動物王國。
環球集市
入口就係環球集市，呢棵樹可以話係佢哋招牌打卡位，IG應該都會唔少人喺呢度打卡，同時呢度仲有Olive Young、超市、Starbucks、Oriental Noodle餐廳同Cafe等。
美洲冒險
如果大家鍾玩刺激嘅機動遊戲，嚟美州冒險就冇錯啦！同時呢度仲有一個客服中心，有需要都可以喺呢度搵職員幫手。
魔術天地
如果有帶小朋友去，可以嚟到美洲冒險 ，呢度嘅機動遊戲專為小朋友而設，不過有啲設施會有限身高。
歐洲冒險
歐洲冒險係四季花園打卡景點，呢度有好多餐廳，同時係玩T-Express地方。
動物王國
除咗玩機動遊戲之外，呢度仲有唔少野生動物喺度，大家可以近距離同佢哋打卡。
愛寶樂園主要機動遊戲
1. 龍捲風（美洲冒險）
龍捲風係一個不斷來回旋轉嘅機動遊戲，同海盜船玩法差唔多。
2. 哥倫布大冒險（美洲冒險 ）
海盜船由33米高空中，以75度角直落，相當刺激！
3. T-express（歐洲冒險 ）
愛寶樂園最刺激機動遊戲T-Express！時速104公里，77度斜角！ 想體驗快感嘅朋友，絕對唔可以錯過！
4. 盡情扭動（美洲冒險 ）
繼T-Express之後，第二個最刺激機動遊戲！360度不斷旋轉，不過玩完小心會頭暈。
5. 雙岩自旋（美洲冒險 ）
雙岩自旋係喺20米高空，坐喺一排會360度翻轉嘅位置上，聽住搖滾音樂連續轉四次，而且旋轉次數同強度會根據人數而有唔同，每次玩都可以體驗到唔同樂趣。
6. 雷霆瀑布（魔術天地 ）
炎炎夏日玩呢個就啱啦！ 雖然可能會令成身濕哂，但相當消暑。
7. 亞馬遜激流探險（動物王國 ）
同樣都係水上機動遊戲，不過就冇 雷霆瀑布咁刺激，一家日圍住圈玩都幾唔錯。
8. 四季花園（歐洲冒險區）
小編係4月去愛寶樂園，當時咁啱就係鬱金香季，啲花開到五彩繽紛，相當之靚，超多人都喺度打卡！
四季花園喺每個節日同季節都會變，3～4月係鬱金香節、5～6月係玫瑰節、10月係萬聖節、12月係聖誕節等。
四季花園中央仲有一個大舞台，每日都會有2次表演，每次30分鐘，完咗之後仲可以喺度打卡！
直至8月28號每日21:30都會播BTS熱門歌曲同煙火表演，係A.R.M.Y嘅你又點可以唔去呢？
9. 玫瑰城（歐洲冒險區）
5月尾至6月仲可以同玫瑰打卡，相信嚟到一定可以影到人生照！
10. 野生動物世界 （動物王國 ）
因為太受歡迎，小編都等咗2個半鐘先上到車，如果大家唔想等，可以喺09:50透過愛寶樂園App預約，如果唔係就只要14:00喺現場排隊。
野生動物世界入面有好多野生動物，例如獅子、三種唔同品種老虎、鬣狗等！ 需要等入場時間耐，但真係好值得！
11. 遺失的峽谷（動物王國 ）
喺遺失峽谷中可以見到長頸鹿、大笨象、犀牛等溫馴動物，同樣可以朝早喺App預約，或者由14:00喺現場排隊，另外大家可以揀坐水陸兩棲車欣賞動物園區，或喺車上餵長頸鹿，係一個難得體驗。
12. 熊貓世界（動物王國 ）
喺動物王國仲可以見到超可愛熊貓，完全就好似一個大公仔咁。
13. PPUPPA Town（動物王國 ）
如果去唔到以上兩個景點都唔需要太灰心，可以去野生動物園隔離嘅PPUPPA Town，一樣可以近距離欣賞各種小動物，例如水豚、馬騮、兔仔、樹懶、企鵝、海豹、海獅等。
愛寶樂園遊行
朝早同夜晚愛寶樂園都會舉行一次遊行，如果想知幾點開始，可以參考佢哋官網。
愛寶樂園精品店
唔知大家會唔會同小編一樣，只要去主題公園都會想買返一個頭箍戴，愛寶樂園一樣都有代表角色頭箍可以買，戴住佢影相，一定可以留底一個美好回憶！價錢大約係￦8,000~￦10,000左右。
愛寶樂園美食
煙燻香腸₩4,000；龍捲風炸雞₩7,500（飲品另買）
Wingo熊貓雪糕₩5,500
愛寶樂園周圍都有唔少小食，如果玩完機動遊戲有啲口痕都可以買嚟食醫肚。
同時愛寶樂園有西式、日式、中式、韓式等餐廳。
歐洲冒險
- Phomein：越南米粉
- Magic Time： 湯飯、牛丼、咖哩便當
- Alpine：泡菜湯、拌飯、炸豬排
- Hangaram：泡菜湯、烤青花魚
- Cucina Mario：意粉、Pizza
- Holland Village：BBQ
- Alpe Cuisine：BBQ、啤酒、烏冬
- Burger Cafe Europe：漢堡包、雞翼
- BHC：炸雞
- Snack Buster：年糕、無骨炸雞
- Garden Terrace：Brunch、Pizza
魔術天地
- Town Market：烏冬、炸豬排飯
環球集市
- Oriental Noodles：麵類
美洲冒險
- KFC：快餐
- Burger Cafe America：漢堡包、雞翼
動物王國
- Cafe Jungle Camp：Pizza、炸雞
除咗美食之外，唔同區域都仲有Cafe。
環球集市：Lounge X、Starbucks
歐洲冒險：가든테라스(버블티), 달콤커피 가든점, 커피빈 Garden Terrace（珍珠奶茶） Dalkom Coffee、Coffee Beans
動物王國：Dalkom Coffee
愛寶樂園加勒比海灣
- 營業時間：星期一、四、五10:00 - 17:00、週末10:00 - 18:00（星期二、三休息）
- 費用：₩20,900
加勒比灣水上樂園唔單止係韓國第一個水上樂園，同時係世界最大室內、外係連埋，以加勒比海岸為主題，以高端設施、各類景點引領水上樂園潮流。
世界上最大人工造浪池，到世界上最長流水池，以及最尖端滑梯，大人細路嚟到都會好開心！
愛寶樂園加勒比海灣
愛寶樂園便利設施
1. ATM
如果會租校服或BB車都需要俾保證金，如果身上冇現金可以喺入口出面有ATM可以撳錢。
2. Lockers
愛寶樂園出入口，場內龍捲風、雷霆瀑布同嘉年華廣場附近都可以搵到Lockers，如果買太多嘢，或者令住嘢玩唔太方便，都可以租返一個擺嘢，價錢大約係₩1,000到₩2,000不等，現場有中文說明。
3. 手機叉電&借叉電器（尿袋）
如果只係普通叉電，價錢係￦1,500，借尿袋3小時係￦3,000，價錢都唔算貴。
4. 醫務室
醫務室同客服務中心喺一個位，如果玩嘅時候唔小心受傷，呢度有休息嘅床同急救箱，有需要可以嚟呢到，開放時間係09:30 - 22:30。
5. 租BB車
客服中心後面有租BB車嘅地方，同時仲可以租輪椅，所有服務需要另外俾保證金，以BB車為例，租借費用係₩5,000（包括之後會退嘅₩1,000保證金）。
6. 嬰兒休息室
媽媽們可以喺度餵母乳同換尿片嘅地方。
點去愛寶樂園？
1. 搭地鐵
- 搭乘龍仁輕軌線喺「前垈·愛寶樂園站（전대·에버랜드역）」落車
- 首班車：每日 05:30
- 尾班車：每日 23:30
2) 搭巴士（首爾→ 愛寶樂園）
5002 A
- 路線：新論峴站（신논현역）→新盆唐江南站（신분당강남역）→良才站（양재역）→愛寶樂園（애버랜드）
- 時間：首班車05:30、尾班車08:40（明知大學站開出）
5002 B
- 路線：新論峴站（신논현역）→新盆唐江南站（신분당강남역）→良才站（양재역）→ 愛寶樂園（애버랜드）
- 時間：首班車08:55、尾班車23:00（明知大學站開出）
5700 A
- 路線：江邊站（강변역）→蠶室站（잠실역）→松坡站（송파역）→水西站（수서역）
- 時間：首班車05:30、尾班車08:35（明知大學站開出）
5700 B
- 路線：江邊站（강변역）→蠶室站（잠실역）→松坡站（송파역）→水西站（수서역）
- 時間：首班車09:15、尾班車22:50（明知大學站開出）
1500-2
- 路線：舍堂站（사당역）→南部巴士站（남부터미널）→板橋站（판교역）
- 時間：首班車04:55、尾班車22:10（愛寶樂園開出）
1113
- 路線：江邊站（강변역）→江東區（강동역）→廣州市廳（광주시청）→外大入口（외대입구）
- 時間：首班車05:10、尾班車22:30（愛寶樂園開出）
以上係2024年最新愛寶樂園嘅介紹，希望可以幫到大家啦！
如果有更多想知嘅內容，都可以隨時留言或者dm話俾我哋知：）
Instagram：creatrip.hk
