2025景福宮夜間特別開放

Hello，大家好，我哋係由韓國人每日提供最新韓國旅行資訊嘅Creatrip。

平時淨係可以日頭去景福宮參觀影相，難免有少少可惜...不過每年景福宮都會特別進行2次夜間開放，今年都唔例外！夜晚景福宮嘅景色同日頭截然不同，加埋燈光更加會令成個環境更有古色古香同浪漫~ 想知道活動幾時開始、會開到幾點、又有邊間韓服可以租到咁夜？記住要睇埋落去啦！

2025景福宮夜間特別開放

景福宮夜間特別開放詳情

景福宮係首爾五大宮殿之中規模最大嘅宮殿，入面包括皇帝同官員商討政事嘅地方同皇族生活嘅空間，蘊含韓國朝鮮王朝500年嘅歷史。

平時景福宮最遲都係開到18:30，好少有機會可以睇到夜晚嘅景福宮景色，所以每年夜間特別開放期間都會吸引好多韓國人同遊客嚟參觀同影相，欣賞景福宮嘅另一面。

景福宮夜間特別開放入場方法

#1 現場買飛（只限外國人）

韓國人想入場都要上網搶，不過外國人就可以喺現場買！要注意嘅係只可以買到當日嘅入場券，即日唔用就會失效㗎啦！

注意事項：

• 每日限定300張門票（₩3,000/張）
• 每人最多買2張
• 需要出示外國護照或者外國人登錄證

#2 著韓服（免費入場！）

就算買唔到飛都唔緊要，只要去租套韓服著就可以免費入場！（而且著韓服去仲可以影多啲靚相XD）

景福宮夜間特別開放韓服租借推薦

有唔少韓服鋪頭都會喺夜間開放活動期間延長營業時間，等大家可以著靚靚韓服去影相！大家不妨可以參考小編以下幫大家整理好嘅list去揀租邊間韓服~

Ari韓服_{(아리한복)}

• 地址：서울 종로구 자하문로 20 3F
• 交通：景福宮站（경복궁역）3號出口行3分鐘
• 特別優惠：免費租借青紗燈籠

[스팟] Ari韓服（韓服租借）

韓服少女_{(한복소녀)}

• 地址：서울 종로구 자하문로2길 8 3F
• 交通：景福宮站（경복궁역）4號出口行3分鐘
• 特別優惠：頭5組客人免費租借青紗燈籠

[스팟] 韓服少女（韓服租借+化妝服務）

大韓韓服_{(대한한복)}

• 地址：서울 종로구 사직로 133-2 2F
• 交通：景福宮站（경복궁역）4號出口步行1分鐘

藝仁房_(예인방)

• 地址：서울 종로구 삼일대로32길 55-3
• 交通：鍾路3街站（종로3가역）6號出口行6分鐘
• 特別優惠：免費租借青紗燈籠

[스팟] 藝仁房（昌德宮）

秋季古宮文化慶典特別活動

昌德宮月光之旅

• 舉辦日期：09.28(日)、10.05(日)、10.12(日)、10.19(日)

昌德宮月光之旅活動當中會有專業解説員介紹昌德宮歷史，同時帶你欣賞昌德宮夜景，仲可以欣賞韓國傳統藝術表演！

更多活動詳情👇🏻

[스팟] [獨家發售] 2025昌德宮月光之旅（外國人專用體驗券）

喚醒清晨宮殿

• 舉辦日期：10.08(四)-10.12(日)

可以喺寧靜無人嘅昌德宮漫步，仲會帶埋你入後苑睇秘境，體驗韓國朝鮮時代宮殿清幽宏偉嘅魅力！更加會有專業導賞員帶大家漫步同進行解説，活動結束之後仲可以得到一份韓國傳統零食禮盒！

更多活動詳情👇🏻

[스팟] [獨家發售] 2025宮中文化慶典《喚醒清晨宮殿》（外國人專用體驗券）

景福宮宮廷表演 <芭蕾x壽齊天>

• 舉辦日期：10.10(四)、10.11(五)、10.12(六)、10.13(日)

呢場宮廷表演將會融合韓國傳統音樂同芭蕾舞，其他地方唔會睇到！而且大家更加有機會睇到景福宮超靚夜景，欣賞精彩表演，點綴你嘅秋日夜晚。

更多活動詳情👇🏻

[스팟] [獨家發售] 2025 景福宮宮廷表演 <芭蕾x壽齊天>（外國人專用體驗券）

景福宮韓服宴享

• 舉辦日期：10.08(三)、10.09(四)

長期深鎖嘅景福宮北門將會開放，進行宮廷文化慶典期間先會舉辦嘅韓服慶典。大家只要當日穿著韓服出席，就可以免費入場，成為慶典主角！喺華麗燈光點綴下的古宮夜色中，一齊體驗以韓服為主題嘅傳統表演同活動啦！

更多活動詳情👇🏻

[스팟] [獨家&免費預約] 2025 景福宮韓服宴享（外國人專用體驗券）

如果你對文章內容有咩意見或者想查詢更多資訊，可以隨時喺留言區留言，或者透過電郵(help@creatrip.com)聯絡客戶服務中心。想知更多韓國最新資訊，記住follow埋我哋嘅Instagram同Threads啦！