觀光入境規則變更
韓國入境規則變更！SES自動通關禮遇全取消／如果由中國入境南韓，冇sim卡電話會拒絕入境
이데일리
哈囉，大家好，我哋係由韓國人話你知每日最新韓國資訊嘅Creatrip。
＃武漢肺炎＃韓國新聞
＃20200206＃韓國入境
＃韓國觀光簽證入境
＃台灣＃香港＃自動通關
隨住疫情越嚟越嚴重，亞洲地區目前幾乎都有傳出武漢肺炎疫情。
而韓國入境相關規則，亦隨住疫情燃燒而作出相關改變，對遊客嚟講影響層面都幾大，請各位注意。
Creatrip亦為咗要嚟韓國旅行嘅大家著想，將持續更新相關新聞（點我），
大家唔需要太過擔心同緊張，記住出門口一定要戴口罩同勤洗手！
✨馬上Follow我哋IG
instagram.com/creatrip.hk
外國人取消自動通關禮遇
除咗14日內曾到訪中國湖北「所有外國人」禁止入境韓國，針對一般非重大疫區旅客，韓國保健福祉部亦更新入境相關規則，請各位注意。
「所有」已辦理過SES自動通關「外國人（非大韓民國國民）」入境南韓時，「無法使用」SES自動通關入境，
大家都需排隊去海關檢驗，只有出境時可以用自動通關。
無論你係有長期居留簽證、打工度假簽證、讀書簽證、就業簽證，
只要你持有嘅係「非大韓民國護照」，就唔可以用SES入境，只有出境時先得。
資訊來源：南韓法務部
中國、香港、澳門機場入境南韓
除咗限制「所有」14日內去過湖北嘅外國人入境之外，為咗落實由重大疫區入境南韓時，可以確認相關聯絡資訊，只要係「由中國任何機場起飛，抵達南韓」嘅「所有外國人」，都必須提供有效韓國境內地址、聯絡電話先可以入境。
亦即係，只要你由中國任何一個機場（香港、澳門機場除外）搭飛機去韓國，你必須要喺海關檢查時，提供有效韓國地址（酒店、民宿都可以）。
但呢項規則，由02月11日時再度擴大，從12日起包含香港機場、澳門機場（以及持有香港、澳門護照嘅旅客），亦需要現場提供電話。
入境時亦將直接驗證電話號碼，所以一定要喺入境前先準備好可以喺韓國接通嘅sim卡或開通漫遊。如果你喺海關處冇辦法提供「可以現場接通」手機號碼，直接拒絕入境。
另外亦要注意，台灣→南韓等航班台灣人唔係呢個限制裡面（但如果係由台灣→南韓嘅香港人、澳門→南韓嘅台灣人會喺呢個限制），各位嚟韓國旅行時亦唔需要太擔心；以上措施係針對中國機場、香港機場、澳門機場出發嘅所有外國人，以及中國、香港、澳門護照持有者。
資訊來源：韓國觀光公社
其他提醒
因為入境取消自動通關，一定會造成大排長龍，如果係有透過Creatrip預約TADA機場包車到首爾、機場代購領貨嘅大家，
請務必send email到help@creatrip.com，由小編幫大家協調可能會有嘅延誤。
✨馬上Follow我哋IG
instagram.com/creatrip.hk
| 其他延伸閱讀 | |
 梨大校園禁參觀 |  免稅店營業異動 |
 韓國禁自動通關 |  機場貴賓室優惠 |
